#我們在上海 #Part4 #廸士尼小鎮與周邊景點
兩個熱到溶嘅癲婆遇上巨型唐老鴨！
未講到入廸士尼，淨係呢個廸士尼小鎮都已經好大，因為佢喺正廸士尼門口，亦連接住地鐵站及酒店shuttlebus，所以我地每次出出入入必會經過，同時因為小鎮好大，有兒童公園又有湖畔，又會有活動，所以大熱天時真係會行到/玩到身水身汗👻
呢到同樣都係乾淨整齊，有好多中西食肆茶餐廳，質素係非常不錯的，價錢係三人食三四百蚊嗰隻，有Starbucks有喜茶，有雪糕店，有breadtalk。因為呢到好多食肆，所以唔想喺樂園入面食野出黎食會好多選擇，食完持入場票入返樂園就可以。小鎮亦有好多大家熟悉嘅商舖，不過價錢唔係平，對香港人來說係無吸引力的，但閒逛無妨，要買野都係集中於“廸士尼世界百貨”，入面有樂園內出售嘅商品，但唔齊，亦無園內每個區域嘅獨家商品！百貨旁邊就係“Duffy商店”👈勁多Duffy野，粉絲會好開心！小鎮仲有個廸士尼大劇院，上演緊美女與野獸音樂劇，不過我地無買飛睇！
至於廸士尼渡假區內嘅景點，仲有星願公園，生態園，香草園，不過Bella媽聽到個名都驚到好熱同腳軟😅，所以臨上機前我去左Shanghai Village Outlet，同樣位於渡假區內有接駁shuttlebus到，不過人煙稀少得可憐，outlet內有好多藝術擺設可以影相，亦有好多名牌如日本outlet，但價錢就唔係平，不過最後我都搵野買，喺Nike執左對波鞋比Bella!
#2018上海子親遊 #小bella #上海廸士尼渡假區
