【自信、勇敢、台灣人！】
台灣選手敢是這屆才遮優秀？
毋是，台灣選手一直攏足優秀
毋過，
一直有中華黨國+各種中華糞埽體邪
咧共咱搝後跤
嘛塑造是袂曉讀冊 ê 人才去學體育
欲討錢無錢、討資源無資源
閣會三不五時共運動員創空
毋是比賽需要 ê 道具無ka̋i攢予好
就算是連一雙鞋仔攏準備袂好勢
到今奧會閣會共選手商務艙搶去坐
若是隊名用"Taiwan"
黨國甚至閣袂癮出賽
比賽若贏 就是中華隊厲害
比賽若輸 就是台灣人頇慢
輸去就免講
定定是靠家己贏了後
閣隨來共你收割
規个社會就是予人感覺做運動選手趁無錢、無前途
選手毋管偌優秀
攏早早退休轉業才活會落去
較好運就是靠家己厝內支持
若欲靠黨國早就轉去食家己
中華黨國就是長期用這款意識形態共台灣人洗腦
台灣嘛一直咧做中國內戰（漢賊不兩立）相觸 ê 犧牲品
造成台灣人對家己無自信閣自卑
認為家己不如人
甚至無相信家己嘛值得人 ê 疼惜
自解嚴、政黨輪替了後
咱毋免閣受遐強 ê 黨國意識壓迫
咱台灣意識才開始閣沓沓仔攑頭
這改比賽
予台灣人看著家己有無限 ê 可能性
原來嘛有遮濟國際好朋友
早就毋是彼个去 hőng 放捒 ê「亞細亞的孤兒」矣
台灣人應該 ài 繼續保持信心
相信咱若徹底挕捒中華黨國
才有機會毋免閣怨歎那攏無一个「台灣隊」通予咱加油
嘛毋免閣怨歎提著金牌嘛無家己 ê 國旗、國歌通好放
#建國是台灣唯一ê出路
嘛希望下暗 戴資穎/ Tai Tzu Ying 會當閣拼一塊金牌轉來！
#台灣ài建國
#挕捒中華民國
#建立台灣國家
