今次為呢幅壁畫做咗啲資料蒐集，有少少有趣嘅地方可以分享一下。
清明上河圖最早嘅版本為北宋畫家張擇端所作。之後有無數嘅仿本，每幅仿本都會增加當時嘅風俗、建築同畫風。較出名有清朝清院本，現藏於台北國立故宮博物院。不久前更有動畫版本。
自己最鐘意係宋朝原本，覺得人物同線條都比較生動。呢個版本係反映公元十二世紀北宋京城開封嘅熱鬧場面。呢幅壁畫只係畫咗原本嘅一小部份⋯⋯畫中嘅河名為汴河，係一條運河。描繪大概喺清明時節，運糧船隊經汴河開入京師，正在通過虹橋嘅緊張情况；有人忙著放低船桅丶有人撐篙丶有人拋繩、有人接索、有人吶喊出主意、有人湊熱鬧，大家合力將船通過橋底。
除咗好多生動有趣嘅人物之外，一路畫一路發現好多水平好高嘅工程技術；例如無柱虹橋，要負荷咁多人嘅重量應該唔簡單；仲有驢仔拖拉嘅獨輪車、船上三角形的活動桅架（可以放下桅帆穿過橋底）丶可升降嘅舵等等。
幅牆嘅底油，據油漆師傅講係加咗啲碎乾草，做到少少宣紙嘅質感。
有興趣可以去大角咀大全街42-44號睇睇，大概9月尾開張。
順道行過兩條街(晏架街)有我另外一幅weave suite嘅壁畫😊
#清明上河圖
#潮順館
#順德菜
#大角咀 #taikoktsui
#大同新村
#大全街 #taitsunstreet
#壁畫 #mural
#香港 #restaurant
#noblesketchbook
張擇端 在 張擇端 的推薦與評價
宋徽宗任職翰林圖畫院學士，經繪畫科舉考試術科通過，屬於國家繪畫研究院的研究員。專為宮廷作畫。擅長城鄉建築製圖、融合文人畫風格。主管一群研究助理與畫工。 ... <看更多>