(1): https://bit.ly/3BfiwLF
(2): https://bit.ly/3riRezs
(3): https://bit.ly/3ihWIX4
(4): https://bit.ly/3hV6dwm
(5): https://bit.ly/3y1WIBh
「……你都冇變呀，仲係咁貪玩。你個夢差啲嚇死我呀，flying far。」
她一叫我小時候的網名，我心中一甜、半身發軟。
「唔、唔係玩呀！我認真㗎！」
她笑得更樂了：
「我知啦，你玩遊戲玩輸咗要大懲罰？係咪truth or dare？」
「呃，都話……」
阿堅連忙撞一撞我：
「子昕，我頭先咪同你講嘅，阿翔而家都讀緊物理學博士啊。」
「呀，咳……係呀！華小姐而家係咪讀緊MIT？你揀咗基礎理論定係研究嗰邊？」
她望望我身後，眼神突然遊離：
「……嗯？我……做 Research assistant咋，老闆研究咩咪咩囉……」
「呃……咁……最緊要跟著一個好老細啫，哈哈……唔……呃……」
她又再顧忌地望望四周，然後向iPhone 5瞄了一眼，匆匆把細軟塞進手袋裡：
「我都唔阻你哋咁耐啦。阿堅，恭喜你新婚，祝你同太太白頭到老。」
「多謝你賞面嚟我婚禮。」阿堅
「咦？咁快走……」我。
她臉紅彤彤的，笑容卻相當陌生：
「下次再傾啦，拜拜 」
「呃、不如留個電……話……」
她彷彿沒聽見，披上白色大衣加速離去。
我呆看那熟悉又陌生的背影，一時不懂反應。
「……點解……明明佢啱啱先回信俾我……」
「仲講？追啦！」
阿堅狠狠推了我一把，我才拔足跑了起來。
/
是因為我收到她的信卻沒有馬上回覆，所以她生氣了嗎？
我腦子亂成一團，追著她的背影一直跑到酒店外。
室外不知幾時下了一場雨，墨青色的石板路上反映著黃藍間雜的酒店燈光。她身穿白色大衣的倒影，正踏著水窪走向馬路邊。
「華小姐！」
我追到她的身邊，她回頭望了一眼，卻沒有放慢腳步：
「唔使送啦 」
「唔係哩……」
我心急起來，伸手拉住她的手臂：
「等陣啊，我、咁多年嚟，我真係有好多嘢想同你講，所以……」
她又再左右望望，縮起手拉緊大衣的衣襟，笑得尷尬：
「或者下次先啦，今日唔係好方便……」
「但、但係，我真係好怕唔知幾時先可以再見到你……我、我今日唔講清楚，唔知又要等幾多年……」
我擋住她的去路，在倒映著藍光的水窪旁扶著她的肩膀：
「我……係我細個唔生性，做錯咗好多嘢，錯過咗你，好對唔住……我……我唔係唔知你對我好……只係，你send嚟嘅SMS，我去到八月底先睇到，所以、所以我真係唔知原來你要去留學……我……如果我早啲知道嘅話，我起碼會早啲同你講，嗰陣我……其實我……我當時……我真係……我……」
空氣又濕又冷，我卻全身發燙：
「我嗰時，真係鍾……真、真係好鍾意你！」
/
/
/
想繼續睇嘅同學請留言「追！」
可能好多同學仔都睇咗書，所以上一篇都冇乜人追了~
我諗連載埋下一篇~結局就留返俾大家睇書發掘啦
/
陸陸續續收到同學們嘅感想，有人話阿翔開頭呢個位真係一如以往咁尷🤣🤣🤣
而我呢個阿媽覺得︰
其實都幾可愛啊~
暫時收到睇埋嘅同學都話幾鍾意個結局，好開心🥰
可能唔滿意嘅忙緊寄刀片……
anyway，有咩感想歡迎pm~我會仔細咁睇架
/
《時光機》實體書只於書展1A-E10洄水文化賣~
自資出，成本好高，賣完都唔敢加印……
賣唔去嘅話，可能就係我最後一次出書了~
書展仲有2日
如果大家去到現場，可以問下工作人員仲有冇簽名本~~
/
To 嚟唔到書展嘅同學︰
網店整好咗啦，請點bio link
https://morningrays.boutir.com/
【預計8月出貨】
啱啱整好可能有甩漏，如遇問題請PM~
彤彤謝小姐 在 網紅夫妻離婚- 閒聊板 - Dcard 的推薦與評價
... 但希望大家不要人身攻擊造成別人的傷害，然後真的好懷念那個時代的網紅啊，-，（原文），有人知道他們嗎，楊智帆跟鐘忻彤，我從國中就有在fo. ... <看更多>