終於搵咗朋友幫呢隻小魔怪傳心啦，都係那句⋯ 信則有不信則無。😊 問： 鍾唔鍾意呢個家呀?
蕃： 鍾意，間屋好大，好多嘢玩，但我知唔可以亂來，唔可以周圍走
問：知唔知點解唔可以周圍走？
蕃：因為爸爸會鬧，佢嫌我嘈又曳
問：你好曳咩？
蕃：其實唔算，我只係好想同佢哋玩，就拎啲野俾佢哋，不過有時整爛咗 （感動😭，你知㗎喎）
問：你整爛過啲乜呀？
蕃：好多嘢，拖鞋、搖控、杯、枱（中⋯ 破壞王😈）
問：咁樣都唔算曳？
蕃：唔算，我好動活躍咋（我：😒)
問：記得玩得斯文啲，唔好成日吠，
叫你做snoopy好嗎？
蕃：Snoopy幾得意，英文名又幾好聽喎。（佢其實應Snoopy多過應蕃薯）
問：咁叫你蕃薯定Snoopy好呀?
蕃：snoopy啦，我鍾意英文名，特別啲，襯我夠可愛 (佢都幾自我感覺良好架喎🙄）
問： 做咩成日咬嘢同衝埋去啲狗狗處?
蕃：我想同佢哋玩，以前見好多狗，喺屋企好靜。（義工家係好多😬）
問：有妹豬喺家，你都有成日撩玩。
蕃：佢都唔啋我，好高竇，要撩先玩，屋企成日流流長得我哋。但佢有時都玩嘅，有小姐脾氣 （😂妹豬）
問：有冇打妹豬？
蕃：冇，我手長腳長有時拍到佢之嘛
* 以後玩斯文啲，唔好大力忘形 *
問： 點解成日咬嘢同搵嘢玩? 係咪想同爸爸媽媽玩？
蕃：係，想佢地同我玩多啲
問：平時有冇玩？
蕃：有，但有時都冇玩，媽媽會坐喺度 （𡃁仔，報串？🤪我都會倦㗎）
問：點樣玩先好？
蕃：同我搓吓手，跑吓、跳吓
問：你後腳唔好，唔可以跳太多。
蕃：係咩？我唔覺得喎
問：因為你仲後生，老咗要保養。
蕃：咁未有事可以玩啦！（呢句係佢平時成日俾我的表情🧐👍🏻）
問：唔可以，要小心保護。
蕃：哦，咁可唔可以多啲行街，我鍾意去街
問：多唔多去街？
蕃：唔多，可以話係少 （蕃哥，你未打整針同埋近來落雨呀。）
問：點樣先足夠？
蕃：每日都去街 （我都想，但落雨就無計）
* 已話只能轉告，冇應承 *（😘）
問：係咪成日要玩，專注你多啲？
蕃：都係，爸爸成日喺房唔理我，叫佢又唔理（爸爸好忙嘛🤦🏻♂️）
問：點解叫你唔好搞嘅嘢你又搞、又係要人理你？
蕃：係，因為佢地有時唔理我，唔喺屋企
問：返工要賺錢買嘢食玩具俾你哋嘛
蕃：哦，唔怪得成日唔喺屋企
問：記得唔好再咬爛嘢啦！
蕃：知道 （咁goodboy?😘）
問：點解PP一定要在大廳? 企定定可以嗎?
蕃：悶囉，等佢哋玩吓我。（打鑊你就有😂）
問：識唔識去廁所屙？
蕃：識。
問：識就去廁所屙，媽媽抹地辛苦。
蕃：但有我陣香味
問：其實唔香㗎。（好臭呀🤭）
問： 做咩成日咁鍾意食妹豬啲屎?
蕃：有陣野食味，我以為食得
問：唔食得架，唔要嘅野排出來呀。
蕃；係咩？我以為食得
問：冇食物架，會唔會因為你食咗唔舒服成日嘔？
蕃：唔係呀，冇成日嘔，唔知點解成日嘔，有時個胃好似飽飽地，頂住個胃 （咪因為咩都放入口咪飽囉😵）
* 感覺過佢個身，冇乜事，嗰刻胃冇頂⋯ *（係昨晚無事，好正常）
問：係咪成日食膠？
蕃：口感好，我以為食得
問：唔係野食，唔準食
蕃：又唔食得架（好係佢成日俾我的表情，🧐👍🏻）
問：你唔夠飽？
蕃：都唔係嘅，我以為食得先咬。
問：有咩想同媽媽講?
蕃：媽媽，唔好鬧我，同我玩多啲，我乜都唔識，我會改。我好易悶，陪我玩多啲，我係好活躍，希望你明白我，我會慢慢適應屋企，我會乖，但會好易忘記，哈哈 （好切合佢個樣呀🧐👍🏻）
讀後感：朋友因爲昨晚深夜做，所以今早我先睇到，最感動嘅係，今早發現啲PP在尿墊上，未試過⋯ 妹豬PP完都無去食，希望keep到呢個行為啦！Snoopy ，我會不停提你，放心啦，我响煩音方面都幾得㗎。答應你，我會盡抽時間陪你，同你玩，乖就咩都配合你，曵我就幫唔到你啦⋯ 你懂的。😘 Thank you my dear friend.😘
#mynameissnoopyfans (今日起叫你Snoopy啦）#mynameisfans #poodle #poodlesofinstagram
得意英文 在 [新聞] 林靜儀同意用英文辯論顏寬恒酸︰選民真- 看板Gossiping 的推薦與評價