給這段時間要帶領
兒童崇拜的敬拜領袖
除咗大人有需要抒發情感外，其實兒童都有呢份需要。我哋呢度應該有好多年青人會喺兒童區服侍，甚至帶領崇拜。請大家相信兒童係有靈性的，聖靈有喺佢哋當中，幫助佢哋去認識神、認識這個世界。甚至神會讓佢哋睇見好多大家睇唔見嘅嘢！為著讓兒童懂得咩係真正的崇拜與敬拜，以下有啲Tips可以參考返，歡迎同傳道人商量吓：
1️⃣讓兒童在崇拜中分享內心感受、體會和所見
（建立分享見證同守望文化）
家中同學校未必有得講。所以導師可以教導兒童將真實嘅自己同情感帶到天父同耶穌面前嘅重要性。驚就是驚、唔明白就是唔明白、覺得好嘈就係嘈、傷心就係傷心。情緒係神賜畀我哋嘅禮物。最後用祈禱，祈求聖靈保惠師安慰同陪伴大家。
如果互動氣氛不嬲都好嘅，可以邀請小朋友舉手一個個出嚟排隊輪住講。講完之後，同性別的導師可以攬吓佢，邀請聽嘅小朋友一齊講：「多謝你嘅分享」。給予分享者鼓勵。
如果不嬲唔太喜歡講出聲嘅群體。導師可以準備紙筆，畀佢哋寫或者畫，將心聲講畀天父知。用呢個方法的話，最緊要畀足夠時間同空間。奉獻時一同放入奉獻袋，代表獻給天父的話。再由導師讀出。當然以上兩樣同時做都得啦。
2️⃣分享「哈利路亞」的意義，祂是苦難者的神。
（得時和不得時都要獻的讚美）
參考建道的高Sir所寫，Hallelujah係一個誇耀耶和華嘅呼籲。點解要讚美神呢？因為喺歷史裡頭，耶和華不斷對以色列人施行拯救，從亞伯拉罕到摩西約書亞，呢啲都係小朋友熟悉嘅故事。神應承咗會拯救向祂禱告呼喊的人，就會兌現應許和承諾。我要唱耶和華的大慈愛。當中的「慈愛」，亦都係講緊主必守約。
歡慶之時要讚美神當然需要。但禍患困苦之時更加要向主呼喊。讓我哋唔好忘記神會拯救，掌管一切。另外亦可以分享事件中前線的牧者，點樣成為和平之子，站在衝突之中，唔忘記神，帶領大家同唱詩歌。宣認唯獨主是掌權的。
參「 高銘謙的釋經世界」
Sing Hallelujah to thr Lord: http://bit.ly/2MNSb1V
唱詩的能力：http://bit.ly/2WN3In5
3️⃣用詩歌加深教導，邀請小朋友領禱
（崇拜可以全部人有份參與）
當小朋友了解點解要敬拜同讚美神之後，實踐就係重要嘅下一步。建議可以唱有「哈利路亞」的詩歌。包括：《從那日出之處到日落那方》（🤪廣告植入）。另外如有實踐第一點嘅話，可以由導師迅速scan過後，邀請三四個，或更多小朋友讀出「給天父的話」。
崇拜是一個神與人互動和對話的平台，從小建立崇拜觀，讓他們漸漸成為神喜悅的敬拜者。願主賜智慧畀各位兒童的同行者。一代睇住一代，何等佳美。我哋要牧養佢哋！陪伴佢哋！將屬靈的智慧同佢哋分享！
#歡迎轉載 #歡迎再提供更多有趣方法
#敬拜Tips
#多謝一位姊妹提供參考內容
#兒童敬拜 #兒童崇拜
=================
611當晚與大家一起唱了 #呼喊 和 #求主
以下三首歌都是回應時代的呼喊，歡迎隨便用！
其他歌亦可以隨時inbox / email 索取
✳️ #賜我靈巧的智慧 https://app.box.com/s/t2xbgexor73eo0353upuddhjt49actff
✳️ #呼喊 https://app.box.com/s/i2b9c9hx6bw0cnk1d1phrxuobwdem9bv
✳️ #求主給這世代看見異象 https://app.box.com/s/764enlvetfhwcf34rhqfau4cu2k8qefw
#milkandhoney #香港敬拜者的呼聲
#香港是我家
#香港是耶穌的
#香港敬拜者的聲音
#MilkandhoneyWorship
從那日出之處到日落那方 在 《從那日出之處到日落那方》2017聖樂培靈會現場混音版 的推薦與評價
曲詞：麥濬思Matches Mak編曲：建道神學院新祢呈敬拜隊《 從那日出之處到日落那方 》 從那日出之處到日落那方 全地高聲讚頌頑石都開口深海在唱歌榮耀至聖 ... ... <看更多>