《粗皮》
意大利人年尾嘅口頭禪：~
"Natale con i tuoi, capodanno con chi voui！"
意思係：
聖誕節就要陪你的，
新年呢就我有我的。
意大利呢就聖誕大過年，所以啲後生仔女同完屋企人過聖誕後都各自各精彩🥳
我同意佬都唔執輸，踢走2019，新嘅一年希仍可捉緊自由的尾巴，四處看看呢個世界。
去完冰島揾13個聖誕老人後，南下去大不列顛扮吓 lady and gentleman 🤭 Miss Gipsy瞬間看地球，一海之隔，原來英國人由起身擘大眼到天黑，都千個唔該百個多謝。縱使你遇溺，溢救命都要講儀態：「Excuse me sir, I'm terribly sorry to bother you, but I wonder if you would mind helping me a moment because I'm literally sinking, as long as it's no trouble of course. 」🙈
女仔之家顧吓儀態固然之好，但本娘始終習慣飲啤酒係成支隊的😝
咪怪我粗皮，
我只係做返我自己！
諗返起初初同意佬拍拖撐枱腳時，我風雨不改，食量永遠係佢嘅兩倍！每次食飯佢停哂手我仍然後勁有餘叫多個side dish再上埋甜品~哈哈🤣可能好多女生為咗保持形象會將碟意粉食淨一半，甚至碌個丁麵打底然後同對面嗰個講自己飲檸茶當晚餐🙈
戀愛，唔係用食量去衡量。再者，食得多唔代表一定肥，食得少更唔代表有儀態。如果一個男人因為你食得多而嫌棄你，咁好可能佢一發現你買衫由中碼改做買大碼就要同你分手。咁其實係咪要攝高枕頭諗諗你是否一世都擁有黃蜂腰同冇拜拜肉先可以綁得住呢個男人？
新一年，姊妹們係時候話俾自己聽今年要對自己好啲。我嘅底線係只要唔洗打橫行出餐廳門口，鍾意食就叫啦！仲諗？
#BeYourself
#食得是福 #禮多人不怪
#我大聲講嘢唔代表我冇禮貌
#不過記住食飽飽後要跑吓步咁
#女人唔lady都一樣可以好可愛
#忠於自己的選擇 #忠於自己的食量
#嫁到意大利 #希望食極都唔肥
忠於自己的食量 在 Facesss HK - 【 Facesss x 梳乎蛋 beYOUty 樂園梳乎扮靚小劇場二 ... 的推薦與評價
#Facesss #FacesssHK #Facesss14thBirthday #be_yourself_be_beautiful #忠於自己_放膽美麗 #萌住黎玩_梳乎扮靚 · No photo description available. ... <看更多>