關於 恆源眼鏡評價 ，我們在網路上蒐集到這些相關的討論、資訊與評價

【龔成問答信箱】（Q14701-Q14720）

Q14701：

龔成老師你好，最近王維基搞口罩生產，一個口罩都未有已經升哂，然後配股，又跌翻。其實呢個會唔會係天仙局黎?

龔成老師：

又唔算，佢只是利用市場。

當佢係市場最熱炒醫療用品股時，公布生產口罩，加上佢的網購生意有實質的增長，這一定會帶動股價上升，當時佢的股票在短時期內升左一倍，處於熱炒期，而佢好清楚公司值幾多錢，於是就把握機會在高位配股集資。

這個「局」並不是佢造出來，而是市場出現了這個發展，佢順勢做基些野，從中幫公司得到利益。

------------------------------------------------

Q14702：

Hello 龔成老師
我follow 左你個page已經有兩年，你出既書我都有買有睇，啟發同激勵左我好多，無論係為人同理財方面。

我依家先鼓氣勇氣問你問題，我已經25歲啦，之前仲讀緊大學，原定今年畢業，但因為社會同個人問題我無再讀落去

出左黎做野，覺得自己起步好遲同埋確實我依家呢份工係同自己讀個科係兩碼子既事，我好鐘意依家份工，但人工好低需要時間經營（我係做健身教練），雖然我有畢業既話我份工會有前途（我之前係讀內衣設計）

但我好需要搵錢養媽咪唔想佢再返工，唔可以再任性，所以我好需要得到你意見，因為我係好相信你講野⋯⋯同埋希望你比到D方向我！

我係名牌奴隸，之前用你教既投資方法我搵返黎既錢加埋自己返part-time，全部拎哂去買名牌，依家D名牌價值HKD140,000 (賣返出去既價值），我好想重新開始斬掉重煉

我係唔係應該賣哂佢拎返黎等入市（我知咁樣問你有小小白痴，可能我需要一個肯定同支持），因為防止自己好大洗，2年前開始月供3千盈富，同係24.5個時入左太古地產2千股。我真係好好好大洗，買股票係真係禁得住我既消費能力。

我月薪15k，計哂所有支出，得返5千儲，另外我係昆明有一個單位（商業用途為主）值50萬，我應唔應該賣左佢用左其他投資？我現金流有30萬，黎緊想同朋友做健身生意。

我係好想置業，想5年後買到樓，想儲首期。仲有70萬係係保險到，兩年後就拎得翻出黎（呢個舉動都係防止自己大洗）

多謝你一直無私既分享！期待5月股票班第一次見到你！謝謝你！

龔成老師：

首先，你要改變你的理財習慣，唔好再買名牌，實用最重要，因為名牌只給人一個表面的自信心，如果你個人本身有自信，其實就算用普通的品牌，都可以好好睇！

你要有「逼自己儲錢」的習慣，利用月供股票是一個好方法，長遠來講對你好有利。

現時，你有兩個目標，第一是黎想同朋友做健身生意，第二是置業。

先講做生意，我一向鼓勵人創業，因為這是突破的機會，但你都要明白，創業要求你有多種技巧，你要預計到生意有多少，支出多少，多少客才能收支平衡，你做的生意，當區有多少對手，出面的區域，平均多少人口有一個店舖。

你一定要做足功課，你要保障你的資金在合理的回報。

如果健身是你的興趣，以及你想長遠發展的事業，你就唔需要理會過往讀D乜，最重要是將來。你要想想，點樣可以利用健身，有最大的突破，甚至，有無可能將你設計的知識，結果健身相關產品。

股票方面，你暫時保持月供計劃就得，等上完股票班，先作出策略上的可能的變動。5月見！

------------------------------------------------

Q14703：

龔成老師你好！我有問題想請教你。

我今年30歲，現時月供緊金沙，港鐵同比亞迪股份尼3隻股票，每隻都係月供$2000。另外仲入左1手盈富。手上現金只有8萬蚊。

1） 因為尼兩個月會岀花紅，預計有$50000可以用來投資，我好唔好用嚟入2手股票定係留現金比較好？買股票方面我暫時諗緊入2手盈富/2手比亞迪股份/1手盈富+1手比亞迪股份，邊個比較好？或者老師有冇其他好建議？

2） 盈富同比亞迪股份幾多錢可以入貨？
謝謝老師回答

龔成老師︰

1） 現時大市只在合理區，你最多只可以投入一半資金去入貨，其餘等待大跌市才出手。分配方面，你可以考慮2至3手盈富（2800）+1手比亞迪（1211）這個比例，可以適度配合翻你年紀，較需要增長力的情況。

2） 盈富（2800）你可以睇翻恒指市盈率，過往恒指市盈率波幅在8-22倍。現時恆指不足12倍，算是合理區，其實已經可以入第一注。

而比亞迪（1211）最近升了不少，但算在合理區較底部。佢大約$38以下才算平宜，$35會較安全。但如果你無貨，現時在合理區，入第一注都可以。

------------------------------------------------

Q14704：

Hi 龔成，想問一下855中國水務前景如何？現價$6合理嗎？
謝謝

龔成老師︰

中國水務（0855）本質正面的，業務發展不差，生意保持理想增長，不過，負債是佢最大的問題，這令佢的風險度增加。

當經濟轉弱時，佢這類負債較高的企業，要對的不確定性會更高，所以佢股價不斷下跌，只是市場正常反映佢的風險度。

現價合理，此股可以長線持有。但注碼方面唔建議太大，同時你要明白佢股價仍會波動。

------------------------------------------------

Q14705：

老師想請問，鷹君（0041）呢隻股票，有六成幾冠君（2778）嘅股權，依家股價又咁低。

而家買鷹君，就有埋同價錢嘅冠君嘅股權，再送埋其他嘢，包括朗廷SS。冠君好似都係合理價錢嘅投資，咁鷹君係咪好抵？

龔成老師︰

鷹君（0041）業務本質不差的，佢主要從事酒店業務、物業投資、建築材料銷售、經營共享工作空間、證券投資、提供物業管理等。佢業務本質不差，有長線投資的價值。

佢分別擁有冠君（2778）和朗廷SS（1270）6成多股權，2者收入都會影響到集團總收入數字。但留意翻2者都是房託，增長力唔會太強，而且朗廷SS以酒店為主，會較受經濟週期所影響，會較波動。

鷹君近期股價回左好多，現時已到了合理區中下部分的水平，分注投資可以。

但不要預期股價爆升類，這只是平穩增長類，同時有少少股息。

------------------------------------------------

Q14706：

成老師 請問你對0831有何看法。本人透過生活選股 得知旗下Zoff眼鏡界“uniqlo" 在港擴張很快。

龔成老師︰

利亞零售（0831）主要從事經營連鎖式便利店、餅屋、電子商務及眼鏡業務。

當中包括不少為人熟識的品牌如OK便利店、聖安娜餅屋、Zoff眼鏡店，當中收入絕大部份來自便利店業務。

此股正面的，這股有長線投資價值，收息不差。但你要留意翻，佢增長力唔會太強。

------------------------------------------------

Q14707：

老師，我現在主力月供緊盈富，港鐵，煤氣呢3隻，現有用10萬入市，可以嗎？

另外，應該再加邊隻收息股比較好?

龔成老師︰

現時大時在合理區，但未算平宜。我建議你此刻可以將投資資金一半，用"分注形式"去買入優質股。如果你總資金有20萬，那現時投放10萬可以。

至於另一問題，"應該再加邊隻收息股比較好?"，首先要睇翻收息股適唔適合你。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係放配投資項目時，會因應番你的人生階段。

如果你年青，可以"平穏增長股"+"潛力股"，但你已近退休之年，就應集中在"收息股"去創造平穏現金流。

如果你開始接近退休之年，你可以在組合中加入收息股去減低組合回報的波動性。但你若在中年，甚至是年青人，收息股這類無乜增長力的股票，就唔係咁適合你了。

以下是一些優質的收息股，給你參考︰
收息股︰港燈（2638）、香港電訊（6823）、工行（1398）、匯豐（0005）、置富（0778）、陽光（0435）。

------------------------------------------------

Q14708：

想問2899會有機會升到4.5?

龔成老師︰

其實我唔主張去找目標價，一個企業只要優質，而質素無轉差，就應該一直持有，以達至最佳財富增值效果。

紫金礦業（2899）︰主要從事黃金及其他礦產資源的勘探、採礦、生產、冶煉及銷售。

但你要留意番，雖然這類資源股雖有投資價值，但只算中等。

原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

------------------------------------------------

Q14709：

老師你好，本人今年27歲，月入2萬。自從睇咗你個page 之後開始明白投資嘅重要性。現時有進行月供股票，持續進行咗1年。

$3000 盈富 （2800）、$1000 比亞迪 （1211）。請問呢個供股組合係咪可以繼續保持？打算供多$1000股，金沙 （1928）、領展（0823）、港鐵（66），你會建議邊隻比較好？

另外持有阿里巴巴 （09988） 100股、領展 500股、盈富 1123股、比亞迪 182股。其中阿里巴巴係招股時抽到的，盈富及比亞迪都係由供股儲返嚟。你認為阿里巴巴可以繼續持有嗎？定係應該先賣出，等回落時再買入？

最後想問老師，請問你覺得我呢組投資組合分配得好唔好？有咩改善嘅地方？ 多謝老師解答。

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時組合包含了"平穏增長股-盈富（2800）和"潛力股-比亞迪（1211）"都適合你，而且資金分配比例都可以。至於新加入$1000月供資金，你3隻選擇股票都有質素，以港鐵（66）比較優質少少。

阿里巴巴 （09988）有質素、長遠有發展潛力，此股可保留作長線投資。另外，想提提你注意一個很多投資者都會犯錯的想法，就是"估走勢"，想先賣出，等回調再買入。但絕大部份投資者都係失敗收場，令自已進退失據。

你要明白優質股票要長線持有，讓其慢慢增值，才是最有效的財富增值方法。

------------------------------------------------

Q14710：

龔成老師你好。因為睇左你 所以慢慢儲緊股票 鐵塔 比亞迪 盈富 建行等等！

我都深信散戶慢慢累積潛力股 用時間承擔風險 方為散戶生存之道。

可惜小弟有位朋友 1266西王特鋼
聽人介紹就入左十萬股 @$1.49

至今賬面已蝕十萬 我想請教龔成老師 對1266西王評價 應否減持還是全沽？

我再用你嘅說話去說服我朋友

龔成老師︰

西王特鋼（1266）主要業務為從事製造特鋼，產品包括主要用於建築及基建項目的普通鋼產品，以及特鋼產品，亦從事主要為鐵礦石貿易的商品貿易業務。

雖然生意保持增長，但盈利波動，始終於因為資源價格令盈利有影響。你見佢這刻好高息，但之前的2015年、2016年，無派過息。

因此，這企業的業務，會出現時好時壞的情況。過去一年跌了好多，現時估值不高，是唯一的值博因素。這類股其實只適宜小注博下。

如果此股佔你朋友組合比例很少很少，可以持有博下，但要注意是有風險的。相反，如果比例較多的話，必需沽出部份換碼至其他優質股會較好。

你要佢明白，我地是投資「優質股」，以及進行長期的「財富配置」。

------------------------------------------------

Q14711：

龔sir, 剛剛供股盈富數個月，其實有冇話供到幾多就停？ 謝

龔成老師︰

其實月供股票越耐、利用平均價格買入的效果就越好，建議最少都要供3年以上。

供款期間，股市上落我地基本上唔需要太理會。除非平貴的幅度好明顯，我地就會係現金與股票間的比例作調整（但唔會停供）。在月供股票的層面，一直進行都無問題。

因為月供股票是長期進行的過程，買入價會自然地平均，本身風險已有效減低，而恆指雖然在近期上升，但這刻仍然不足12倍市盈率，仍是一個合理的水平，因此可以照供。

------------------------------------------------

Q14712：

你好 龔成
請問下你點睇178 莎莎？而家價位算唔算便宜區？

有興趣小注入d
Thanks!!

龔成老師︰

莎莎（0178）本質不差的，但近期人民幣較弱，再加上中美貿易戰和香港社運等問題，令佢股價下調不少。

這企業本身有優質的，有品牌、有規模，在行業有一定的地位，賺錢能力不差，但就會受經濟及零售市道影響，令股價較為波動。

其實股票班我都有講這股的估值，在過往10年，自由行較為黃金年代過左，所以從估值上，無之前咁高，所以我都有講市盈率的位置，已經比之前有所調低。

佢在行業的優勢仍在，個整體行業及零售市道，無過往咁強，我地就要將估值略有調低。雖然長遠仍有質素，但這刻只能視為合理區較底部，投資注碼不能太大注，亦要有耐心先有收成。

------------------------------------------------

Q14713：

Hi 龔Sir，未睇你之前乜都唔識買左隻雅高控股（3313），我0.52入，現時已跌超過50%，雖然我只入10000股，但我應該蝕走定繼續等？

龔成老師︰

雅高控股（3313）主要從事大理石開採、加工、貿易、銷售、商品貿易及貨運、倉儲和物流業務。

公司市值不高，盈利十分波動，質素不佳。企業不斷虧損，無乜投資價值，賣出這股較好。

其實如果你有上過我股票班，一定會發現此股毫無投資價值。其實投資股票就會買企業，你要好好研究佢質素和前景，確定是有質素才作投資。

我建議你在進行下一個投資之前，多看財經新聞、年報、投資相關書籍和報一些課程。到你對這方面有基本技巧，才投入資金會較為安全。

------------------------------------------------

Q14714：

龔sir，1876，近期較低位，可以入注嗎？

龔成老師︰

首先我想你清晰一概念，我地買一隻股票與否，係視乎企業質素和前景。"低位"與企業質素無關，絕對唔應該成為買入一隻股票的原因。

百威亞大（1876）主要於亞太地區從事啤酒釀造及經銷，集團擁有知名啤酒品牌包括百威、時代、福佳等等，未來會主力在亞洲市場發展。此股有品牌和規模，有長遠投資價值。

此股上市至今只有很短時間，你有留意我fb，都會見我經常講唔會太推薦人買IPO。因為業務上，集團就算有吸引力，但新股半新股真實面要慢慢先見到，加上佢估值困難。初步分析，現價合理區頂。

所以，現價只建議持有小注，同時你要明白當中的風險。

------------------------------------------------

Q14715：

成哥 我一路見你都有推介金沙～2282 MGM如何～我已經買了幾年（平均價17.x）一直未回到～

我應唔應該繼續持有～假如股價回到17~我應該賣出嗎（曾經有試過回到呢個價， 但我沒有賣出，又跌返落去

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

美高梅中國（2282）有質素的，只不過你在2017年大升市時買入，個價比較貴。但唔洗太擔心，我地唔應該因為股價下跌而止蝕，只會因為企業優質度改變而止蝕。賭業中短期不利，但長期仍處於賺錢的狀態，因此唔需要擔心，有得守的。

只是你買入價貴左，可能要長少少時間。相信行業中短期會弱，股價會較為不利，但不要理會，長遠會慢慢好轉的。

------------------------------------------------

Q14716：

Hi 龔成，我今年27嵗，月入16k. 而家户口有2萬幾3萬。

我想而家開始為自己打算，你覺得我應該先繼續儲錢，例如：儲到5至10萬先再投資，定而家每月攞收入百分之10，hkd 1500 來供股？

我而家好迷茫，好冇方向

龔成老師︰

我會建議你先開始進行月供股票會較理想，越早月供，你可以享有複息優勢就越強。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀是黃金增值時期，因為你有較長時間去投資增值，複息效果會更強。所以你應該想辦法去加大你月供金額（減少不必要開支，找兼職等），去提升增值效果。

月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）。

這些都適合你年紀，如果你不會選股，可以直接全數月供盈富（2800），佢係一個包括50間質素不錯上市公司股票的組合，有效幫你平衡風險。

其實，27歲，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14717：

老師好想問，貴，是不是代表會回落啊？

龔成老師：

不一定，這是從企業價值與股價比較，並不是市況的預測。

但價值投資者都認為，長遠來說，股價會趨向翻企業價值。

------------------------------------------------

Q14718：

老師，我在19年不停搵樓睇樓，趁在年尾決定買屋企附近二手自由市場居屋。

收樓後還要花費去裝修，加上其他開支，可以說已經沒有資金。之後每月供樓$18000，加上其他雜費，與太太二人每月仍可以儲$15000。

是否應儲一筆流動資金，然後才考慮買入優質股長期持有，還是可以開始月供股票？謝謝成哥不吝賜教

龔成老師：

如果你買樓後已無現金剩，這刻，要先儲一定的流動資金，視乎你地的家庭情況決定多少。

到了有這注動資金後，這資金以上的數目，才可以進行投資。

除非在你儲資金中途，大市明顯大跌，進入平宜區，到時就會彈性運用資金。

------------------------------------------------

Q14719：

我想問其實月供股票應該分散供4隻股，比較好，還是只供兩隻股比較好？

我現在開始月供股票
$4000盈富基金
$2000 恒基
$2000 港燈
$2000 電訊

請問這個組合是否適合我這個年紀(52歲)

另外本來想月供$2000置富,但係中國銀行冇這隻股票可以月供,所以唯有另外選擇電訊，這樣選擇有否太過重疊?

另外想問如果我miss左堂,是否每次都可以補返那堂的課程?

因為我是輪班工作,又要返夜更,如果調唔到更期,我就上唔到堂？好多謝你的指導

龔成老師︰

你上述所選的股票，都是有質素的，都可以作為月供，如果每隻供款的金額不太少，又或你能以較長的時間去月供（例如供5年以），你供較多隻數是較好的，因此，你可以供上面的4隻股。

以你的年齡，適合你的，資金分配亦無問題。無特別重疊，不用擔心，基本上，你已經可以開始進行。

至於課堂方面，我有補堂機制的，你某一堂無上，預早同我地同事講，下次開班就會安排你上翻該堂。

------------------------------------------------

Q14720：

龔老師。

有個問題想請教你，一間基本面唔錯，有未來可發展既公司，但經常大折讓地出售股權，值得投資該公司嗎？

睇年報，還有很多股權還未行使，知道當股權行使日期過後，權利就會作癈，因此管理層到期前行權變現獲利？多謝指教

龔成老師：

要睇影響的情況。

首先，我地會為整體公司進行估值，在這一步，可以暫時唔計股權部分無，你集中分析企業的質素、前景，投資價值等資料。

到下一步，就是計算每股的價值，這一步除了考慮現時的股權外，如果潛在的行使權好多，就要在這方面，考慮對每一股的影響，從而計算出，影響前後的價值，以比自己參考。

企業有這些給員工的認股權證，並不是新鮮事，不過，就要睇影響的程度，只要考慮這因素對每股價值的影響，就可以更準確去做投資決定。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

浪漫月巴睇2000（76）
【應該這樣看王晶】

彭浩翔販賣的或許只是小聰明，王晶卻是真正的聰明。先旨聲明，本文談的是王晶，彭浩翔保證不會再出現。

1.我已經好耐冇睇王晶電影，原因不外乎三個字：唔啱睇——但唔到我唔認，他的戲曾經好啱睇，嚴格一點的說法是：好啱香港人睇。
2.咁講，香港人咪好Cheap？畢竟王晶電影長久以來都被冠上一個「Cheap」字。
3.Cheap唔Cheap，是觀感評價，來自「王晶Universe」裡角色們的行為表象。

4.在他的Universe裡，主角往往包含以下元素：A.爛躂躂、B.粗口爛舌、C.讀書唔多、D.打份低賤牛工、E.有班損友、F.給人感覺爛泥扶唔上壁、G.但以上純屬表象講到尾其實OK善良——有時是其中幾項的結合，有時則是上述各項的綜合體。
5.像《精裝追女仔》爛口發，便是一個爛躂躂粗口爛舌因為讀書唔多只能在堅記車房打份低賤牛工加上有班損友（交通燈和吳準少）於是給人感覺爛泥扶唔上壁，但以上純屬表象，講到尾其實OK善良，尤其當拍埋去身光頸靚揸靚車住大屋的趙定先時——趙定先，典型活躍於上世紀80年代名人版的公子哥兒，你永遠不知道佢做乜，但總之有頭有面兼有錢。王晶的Universe，總存在著這種過份鮮明的人格對比——爛口發，象徵一般平凡香港人；趙定先，則是非一般的特種香港人，而基於《精裝追女仔》的預設觀眾是平凡香港人，所以趙定先一開始就注定是條件優越的衣冠禽獸，冇錢冇面的爛口發，表面在同佢爭女，實際在進行一場贏面極低低到近乎輸硬的艱險抗爭（這種安排甚至出現在改編金庸的《倚天屠龍記之魔教教主》，張無忌與宋青書便構成一個低賤 vs 高尚的對比）。

6.王晶一定會安排爛口發得到最後勝利。不只爛口發，贏的還有徐定貴、臭口全、陳刀仔、車文杰、化骨龍等人。贏的過程愈艱辛，我們睇得愈興奮——同樣，當那些明明贏硬的徐定富、李棚、陳金城、金默基、孖葉哥輸得愈核突，我們就睇得愈過癮。我們把主角的勝利，看成自己平凡人生中一種粒半鐘的鼓舞——我們（我認，我肯定有）曾幾何時將王晶電影當成勵志片咁睇。
7.人生在世，就是要贏。輸贏構成了王晶大部分電影的主題，追女仔要爭贏，遇上悍匪要打贏，賭枱上更加理所當然要賭贏——賭，順理成章成為王晶由入行至今一直堅持去寫去拍的題材。
8.賭片純粹描述輸贏，輸贏可以懶理道德——Why賭神高進給人正直感覺？因為是周潤發演囉，而因為這種預設了的正直，令你覺得他識得戴西德製造的隱形液晶體眼鏡是高明，在過去賭局故意摸玉戒指來陰老狐狸陳金城是絕頂聰明，而絕不是奸，更加不構成所謂不道德。但事隔多年後回想，陳金城其實不算奸（當然肯定不是忠），他只是輸——輸，比起被指為冇道德更慘。

9.2006年《提防老千》，王晶的一次自我拆解。電影裡只有兩種人：呃人的人 & 被呃的人——呃人的人又分兩種：十四哥和王志恆。十四哥是呃人呃得來仍然講原則的人， 王志恆呃人時則永不設限，兩人其實都是呃人（呃是不道德的），分別是十四哥因為仍講原則，變成了（好似）有道德，而咁啱他這一次去呃的，是真正的X街騙徒王志恆，成件事，當堂由一場呃人事宜變成了為公義而戰。王晶飾演的正是十四哥。
10.原來曾幾何時的王晶就是十四哥。他拍戲，就是要贏，票房贏，要贏票房，自然要得到最大量的觀眾，所以必先明白這群佔人口比例最多的觀眾個心諗乜，爛口發徐定貴陳刀仔，就是這群觀眾習性口味的綜合體——王晶不一定要為他們發聲，但肯定是刻意設計一些貼近他們的角色，並讓這些（好似代表著他們的）角色贏，打贏那些在社會只作為少數卻佔用大量資源的趙定先徐定富陳金城，替那群平凡香港人出一口氣，這正是王晶的聰明；至於那種為平凡港人發聲的印象，純屬市場和時代需要所造成的巧合（《專釣大鱷》那句「李棚，你X街喇」也只是基於市場考慮），當時代變了市場遷移了，就會轉向迎合另一班人。所以，今時今日，我們不需要再對很多掛住「香港」牌頭的導演演員產生單方面的美麗幻想。
（原文刊於am730）
#浪漫月巴睇2000

浪漫月巴睇2000（76）
【應該這樣看王晶】

彭浩翔販賣的或許只是小聰明，王晶卻是真正的聰明。先旨聲明，本文談的是王晶，彭浩翔保證不會再出現。

1.我已經好耐冇睇王晶電影，原因不外乎三個字：唔啱睇——但唔到我唔認，他的戲曾經好啱睇，嚴格一點的說法是：好啱香港人睇。
2.咁講，香港人咪好Cheap？畢竟王晶電影長久以來都被冠上一個「Cheap」字。
3.Cheap唔Cheap，是觀感評價，來自「王晶Universe」裡角色們的行為表象。

4.在他的Universe裡，主角往往包含以下元素：A.爛躂躂、B.粗口爛舌、C.讀書唔多、D.打份低賤牛工、E.有班損友、F.給人感覺爛泥扶唔上壁、G.但以上純屬表象講到尾其實OK善良——有時是其中幾項的結合，有時則是上述各項的綜合體。
5.像《精裝追女仔》爛口發，便是一個爛躂躂粗口爛舌因為讀書唔多只能在堅記車房打份低賤牛工加上有班損友（交通燈和吳準少）於是給人感覺爛泥扶唔上壁，但以上純屬表象，講到尾其實OK善良，尤其當拍埋去身光頸靚揸靚車住大屋的趙定先時——趙定先，典型活躍於上世紀80年代名人版的公子哥兒，你永遠不知道佢做乜，但總之有頭有面兼有錢。王晶的Universe，總存在著這種過份鮮明的人格對比——爛口發，象徵一般平凡香港人；趙定先，則是非一般的特種香港人，而基於《精裝追女仔》的預設觀眾是平凡香港人，所以趙定先一開始就注定是條件優越的衣冠禽獸，冇錢冇面的爛口發，表面在同佢爭女，實際在進行一場贏面極低低到近乎輸硬的艱險抗爭（這種安排甚至出現在改編金庸的《倚天屠龍記之魔教教主》，張無忌與宋青書便構成一個低賤 vs 高尚的對比）。

6.王晶一定會安排爛口發得到最後勝利。不只爛口發，贏的還有徐定貴、臭口全、陳刀仔、車文杰、化骨龍等人。贏的過程愈艱辛，我們睇得愈興奮——同樣，當那些明明贏硬的徐定富、李棚、陳金城、金默基、孖葉哥輸得愈核突，我們就睇得愈過癮。我們把主角的勝利，看成自己平凡人生中一種粒半鐘的鼓舞——我們（我認，我肯定有）曾幾何時將王晶電影當成勵志片咁睇。
7.人生在世，就是要贏。輸贏構成了王晶大部分電影的主題，追女仔要爭贏，遇上悍匪要打贏，賭枱上更加理所當然要賭贏——賭，順理成章成為王晶由入行至今一直堅持去寫去拍的題材。
8.賭片純粹描述輸贏，輸贏可以懶理道德——Why賭神高進給人正直感覺？因為是周潤發演囉，而因為這種預設了的正直，令你覺得他識得戴西德製造的隱形液晶體眼鏡是高明，在過去賭局故意摸玉戒指來陰老狐狸陳金城是絕頂聰明，而絕不是奸，更加不構成所謂不道德。但事隔多年後回想，陳金城其實不算奸（當然肯定不是忠），他只是輸——輸，比起被指為冇道德更慘。

9.2006年《提防老千》，王晶的一次自我拆解。電影裡只有兩種人：呃人的人 & 被呃的人——呃人的人又分兩種：十四哥和王志恆。十四哥是呃人呃得來仍然講原則的人， 王志恆呃人時則永不設限，兩人其實都是呃人（呃是不道德的），分別是十四哥因為仍講原則，變成了（好似）有道德，而咁啱他這一次去呃的，是真正的X街騙徒王志恆，成件事，當堂由一場呃人事宜變成了為公義而戰。王晶飾演的正是十四哥。
10.原來曾幾何時的王晶就是十四哥。他拍戲，就是要贏，票房贏，要贏票房，自然要得到最大量的觀眾，所以必先明白這群佔人口比例最多的觀眾個心諗乜，爛口發徐定貴陳刀仔，就是這群觀眾習性口味的綜合體——王晶不一定要為他們發聲，但肯定是刻意設計一些貼近他們的角色，並讓這些（好似代表著他們的）角色贏，打贏那些在社會只作為少數卻佔用大量資源的趙定先徐定富陳金城，替那群平凡香港人出一口氣，這正是王晶的聰明；至於那種為平凡港人發聲的印象，純屬市場和時代需要所造成的巧合（《專釣大鱷》那句「李棚，你X街喇」也只是基於市場考慮），當時代變了市場遷移了，就會轉向迎合另一班人。所以，今時今日，我們不需要再對很多掛住「香港」牌頭的導演演員產生單方面的美麗幻想。
（原文刊於am730）
#浪漫月巴睇2000