趁星期六放假，梗係要出門去買定未來幾日嘅糧食物資啦，但當我路過1881公館嘅時候，見到佢有個「富衛保險：惜於微時—香港故事縮影展」，覺得好有趣，所以就入咗嚟參觀下啦～
入到縮影展先發現原來入面啲藝術品係咁靚咖～😱製作師傅嘅手藝真係好勁啊～😍😍每一件作品無論人物丶環境，就連食物都做得非常精緻啊～
如果唔係縮影展，換轉係1:1嘅比例，一定分唔到真定假啊～我係現場真係睇到嘩嘩聲啊👏👏
當然除咗縮影咗嘅藝術品之外，1881公館都好貼心咁設計咗好多打咭位咖，例如懷舊港式餐廳丶當鋪丶懷舊髮廊，同埋鵝頸橋打小人，呢啲香港獨有嘅懷舊文化～現場除咗縮影展同懷舊系列打咭位外，仲有好多懷舊嘅電器丶雜誌之類嘅物品，有啲我直頭連佢係乜都唔知，仲即場影低張相po fb問功課添～一問之下原來係支票機來咖，我差啲以為係電話啊～🤣🤣
呢度每一件藝術品都好逼真丶好精緻👍👍👍朋友仔一定要來參觀下，約埋朋友來影相就更佳啦～ 😝個展覽去到3月25號咋，大家好快啲去行一轉啦～信我，唔去睇過一定係你嘅損失～😏
展覽日期：即日至3月25日
開放時間：上午11時至晚上9時
費用：全免
@House1881hk
#1881公館 #惜於微時 #香港回憶 #微型藝術 #HKStoryWalk
惜於微時 在 富衛保險：惜於微時— 香港故事縮影展 的推薦與評價
「富衛保險：惜於微時— 香港故事縮影展」，與本地著名微型藝術單位TOMA Miniatures合作，由2020年1月16日至3月8日，於文化地標1881公館展出一系列袖珍藝術模型，帶領 ... ... <看更多>