Netflix《不死喪軍》一群傻瓜去送死的故事
導演Zack Synder的名字令人充滿期待，不過，期待愈高亦容易令人失望愈大。喪屍突然出現，佔領了賭城拉斯維加斯，Dave Bautista（巴蒂斯塔)被真田廣之利誘，組成一支僱傭兵，任務是潛入賭城某金庫，偷走二億美元，然後坐天台的直升機逃生，出發前他那個為救朋友，死到要去喪屍城的「左膠」女兒也加入，一行十二人，齊齊出發，這麼常見的設定，不用多講，大家都估到劇情之後點發展，真係一部不用理劇情，純粹看夠唔夠爽的電影。
劇情編排真心得啖笑，淨係看他們頭腦簡單地接受任務，已經知道他們係想去自殺，多過去賺錢。計計數都知，一行十二人，二億一百元紙幣美金，得一架直升機，其他人唔識，直升機師應該也知道，戴人都可能唔夠位，更何況加埋二億美金。二億美金有幾多幾重？大家應該還記得2014年解款車在灣仔跌了三箱錢，共五千多萬落街，搞到周街執錢事件，當時整架解款車戴住二億幾一千元面額的港幣，而美金最大面額只有一百元，二億美元，隨時要三、四架解款車先得，靠一架直升機，無可能咯！要完成這個任務，實際要幾架裝甲車，浩浩蕩蕩地衝到現場，靠重火力頂住一段時間，再去金庫攞錢，即刻上車走，才有可能，不過，規模可能要二、三十人。即是說這個任務基本上是不可能的，成班人衝入去喪屍地帶，除了去送死外，還有甚麼事可以發生？導演覺得咁都未夠，仲要安排主角中二病女皃累街坊劇情，還有上世紀《異形2》已經用過，個組織背後仲有陰謀的情節，所以成個故事唔駛多解釋，就係一班儍瓜去送死的故事。
爽片唔駛理劇情，咁夠唔夠爽？開場部份好爽，整體唔覺拖，不過全長二個半小時，減二十分鐘可能更爽更好！特技當然無問題，成個賭城都係電腦造出來，隻喪屍老虎亦好正，中後段大打喪屍，不斷爆頭亦可滿足睇場面觀眾，致於有人讃喪屍有思想同識談情生仔係新點子，可是2013年的《熱血喪男》也有過喪屍同人類戀愛的故事了。因為是Zack Synder，無論如何，還是大把電影公司，同Netflix都會繼續找他拍電影，唔需要為他擔心。
#Netflix #不死喪軍 #想死真係阻唔到
想死真係阻唔到 在 #想死真係阻唔到 - 探索| Facebook 的推薦與評價
explore #想死真係阻唔到at Facebook. ... <看更多>