【唔知電影版《那夜凌晨》架小巴去到邊？上到大帽山會唔會嚇L死？】
香港地上嘅一切已唔再係我哋熟識嘅一切，估唔到連遙遠嘅大帽山山頂都叫你要「聽話」，呢個時候，我諗返起《那夜凌晨，我坐上了旺角開往大埔的紅van》電影版架小巴仲喺大埔撞緊車－－隱喻緊咩自己諗啦，唔講得架－－最後，如果續集俾佢上到山，會係咩世界？
雖然《那夜凌晨，我坐上了旺角開往大埔的紅van》電影版，係近年最差港產片之一，但似乎都見證住香港電影步入衰亡前嘅最後階段，當年仲有咁嘅商業題材，呢個決定唔止大膽，亦都真係完全本土背景，呢幾年買少見少。
「社會法律、仁義道德，喺呢度已經唔再重要喇。」
戲入面呢句對白，睇嘅時候會覺得係夾硬chok嘅金句（當然仲有好多句無厘頭「金句」），估唔到預言到真真正正嘅將來，起碼，今日未必有人夠膽咁講喇。回望2014年上映時候，連風雲變色嘅暗湧都未出現，果時嘅我同你，可能仲係一隻快樂的港豬。今時今日，我哋反而好想做返不問世事、咩都唔知唔理睇唔到嘅港豬，但原來有啲嘢，你想返轉頭都返唔到。
當年睇完套戲，相信90%觀眾，有冇睇過原著都好，一定粗口橫飛屌到九彩，當日喺仲係UA嘅朗豪坊睇，散場粗口之聲蔚為奇觀，大家都怒屌：屌！咪撚拍續集呀！
事隔近七年後，續集仍未誕生，紅van仍在大埔未出到嚟，但我哋都想同佢哋一樣，停留喺果個2014年嘅平行時空，唔好上大帽山喇，有啲嘢，你唔會想見到。
「Planet Earth is blue, and there’s nothing I can do...」Major Tom可唔可以帶我哋離開地球表面？
《那夜凌晨，我坐上了旺角開往大埔的紅van》電影版觀後感可看留言連結。又，呢套係第一屆電影投選「最差電影」第二位，果時百花齊放咩都有得你投票，今日大家已經離場，Facebook好多熟識讀者面孔，已經唔見曬。今年竟然神奇在，有幾位讀者係用email投票，表示自己已剷咗Facebook，喺度都要多謝你哋堅持我個投選活動。
當年投選真係熱鬧到我晚晚點票，估唔到，七年後會連落埋ad都反應咁差。仲未投嘅，快啲去參加啦：
🏆投票傳送門在此：http://bit.ly/392BwQ2
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
想見你電影版香港上映 在 電影想見你| Taipei - Facebook 的推薦與評價
經過三年，我們終於在香港相見，並且創造了滿滿的回憶。 只有你想見我的時候，我們的相遇才有意義，2/9 《想見你》電影版香港上映，請大家一起進到電影院支持。 ... <看更多>