星情飯局 三十踏實 張振朗
約張振朗到Mango Tree Café飯局，他輕輕鬆鬆的孭着相機、一手拎着車匙，Hea味十足而來，和Café泰國熱帶雨林為主題的裝修布置很Match。�「觀眾對上睇我嘅劇係《愛·回家（第二輯）》，隔咗成年先再出《全職沒女》，，其間都怕啲觀眾以為我消失咗，唔知去咗邊、又或者以為我退咗休囉……」張振朗說時，面上表情由擔心變輕鬆，當然啦，他把《全職沒女》中的「細莊生」又演得不錯的！
撰文：Carrie Yip （carrieyip@msn.com）�攝影：David Lee@chinapixel�美術：Ronnie Cheung
盡情咁去開工
《全職沒女》已踏入結局篇，張振朗的確可開心舒一口氣。「劇中嘅『細莊生』喺起初時，係一個幾自以為是、自滿嘅人，但其實佢本身係一個好幼嫩嘅男仔，然後經歷過好多撞板嘅嘢，先知道自己嘅渺小。」說時，張振朗好像有些感同身受。「自己30歲仔之前，有少少冇乜方向感，但依家對演戲呢樣嘢，自己係追求多咗好多，大概係年紀大咗，都知道一啲事係唔可以急，亦想慢慢嚟，唔好迫自己，享受目前做嘅嘢，盡情咁去開工、更加努力去做。工作咁多年，都有試過有一下子嘅空虛，譬如係做咗好多嘢都未播，好彩一直有班粉絲不離不棄，佢哋真係非常有情有義。」
入行十年，張振朗在劇集中，已是第二男主角的位置，但對於自己的表現，他仍然覺得未夠好。「拍《愛·回家（第二輯）》嗰陣時，日日係咁拍，好似一個密集式訓練咁，但未夠喉㗎，今次希望《全職沒女》，觀眾覺得原來我都有一啲可塑性，Handle到一啲唔係平常大家喺熒光幕前見到我演嘅角色，觀眾睇到我好似變咗另外一個人咁。而7月上嘅《踩過界》，大家亦會見到另外一個甩皮甩骨、好有佬味、有啲賴皮嘅『張振朗』，應該又有啲新鮮感嘅。」
.�唔想再扮其他人�
目前張振朗主力拍劇，最希望觀眾會記得他叫『張振朗』，可以完完全全洗掉「翻版黃宗澤」、又或是「翻版Cool魔」之名，「唔想再扮其他人啦，如果有機會畀我做主持都好，最緊要好玩，都好想拍啲旅遊嘅節目，最好係一啲好寫實性嘅、可以捱下苦、一啲身體力行體驗嘅節目，分享一下自己嘅個人感受就最好不過。」
�不用工作時的張振朗生活簡單，「飯腳」多是中學的一班朋友，又可足不出戶看戲看戲又看戲，要求將來另一半最好也是戲迷。「我嘅另一半最好性格簡單，會體諒我嘅工種，同埋佢鍾意睇戲，可一齊分享當中嘅樂趣。樣靚，只係畀到第一眼嘅好感，但係未必係恆久嘅嘢。」看戲之外，張振朗最近還愛上看書，在這網上世界橫行的年代「張振朗還愛上看書」？我沒寫錯、大家也沒有看錯！�「係受王浩信影響嘅，搞到我鍾意咗睇一啲外星人、陰謀論、醫學嘅書，令我開始咗一個睇書嘅新習慣！亦都可以令到自己諗多咗啲嘢，書本裏面畀我哋一啲新嘅睇法、同埋豐富咗我哋嘅內涵。」男人三十而立，張振朗是時候了！
愛回家第二輯 在 《愛回家》 第990集 的推薦與評價
下載encoreTVB手機應用程式收看更多片段!iOS: https://goo.gl/Kb9Zj4Android: https://goo.gl/bDnwBhFollow Us on ... ... <看更多>