《葉曉如》
👩🏻💻：Yo！浪子！你估下我係邊個！
😈：唔需要！
👩🏻💻：咩唔需要
😈：保險又好，借錢又好，問卷又好，我全家都好健康
👩🏻💻：我以為你份人比較有幽默感，點知原來係認真撚！
😈：我都高估左你智慧，我點會無你電話呢？
👩🏻💻：車……即係玩鳩me
😈：我最喜歡就係打亂人地心目中既節奏
👩🏻💻：心地唔好既人係唔會寫到好文章
😈：我又唔係寫愛情小說，我班讀者就係喜歡睇驚喜同反轉
👩🏻💻：文人相輕呢句野真係無講錯
😈：搵我做乜事啊？
👩🏻💻：無，寫野無聊咪搵你傾下，你知啦，寫野係一種好寂寞既工作嘛
😈：我見你都寫得比我仲耐，估唔到呢種寂寞係唔會習慣
👩🏻💻：有時我會諗，寂寞既人先會有衝動將自己既諗法寫落黎話比全世界聽自己諗緊乜，其實係一種求關注既行為，只係同時間滿足左人地既好奇心
😈：都係，我好多時都係寫自己野
👩🏻💻：咁你要改下喇，邊有咁多自己野寫啊
😈：我去左外國幾年，都積埋唔少貨既，要寫都可以有排寫
👩🏻💻：你就好，我老公係公墓園，要就佢放長假先可以去旅行，有時我都會想一個人去旅行，但都係無勇氣實行
😈：結婚就唔單止係對自己負責，唔可以再自由自在咁做自己想做既野，要考慮埋對方先得，你都係死左條心啦
👩🏻💻：係啊，我就係諗左老公先，所以先唔敢自己去旅行，如果無我煮飯同做家務，條友都唔知點照顧自己
😈：呢個世界唔會話無左邊個唔得既，只係無左呢個人，個世界就會唔同左
👩🏻💻：唔……我可唔可以抄你呢句野寫
😈：我無所謂，但我有寫過，你唔怕比人發現既都可以用
👩🏻💻：係呢，聽講你識算命，你大嫂強烈推薦我搵你算下，唔知你方唔方便？
😈：可以啊，但我唔收你錢，亦唔會對我講既野負責，你ok？
👩🏻💻：【圖片】呢個係我時辰八字，明既，純粹想睇下
😈：你確定係呢個時辰八字？
👩🏻💻：嗯，你睇到乜？
😈：有冇做過體驗？你身體唔多好喎
👩🏻💻：有，我之前驗過有cancer，醫過好返，你睇到？
😈：有定期覆診？
👩🏻💻：有啊，我個問題好簡單，我仲有幾耐命？
😈：呢樣我睇到都唔會講……
👩🏻💻：其實我搵過好多人睇過，唔同人都比左一個相同既年份我，我想知你講唔講得中個年份
😈：唉……六年左右
👩🏻💻：知道喇，同其他人講既野一樣，連熟人都係咁講，睇黎我呢個病都係難搞
😈：我有聽過一個方法去續命，就係做善事積陰德，當你積滿左下世，今世就會長命，呢樣係一班大師研究出黎既，對方都係比全部人睇都過佢過唔到四十歲
👩🏻💻：要積滿下一世先可以今世報到，我要拯救世界先得喎
😈：當時個case係做善終
👩🏻💻：唔緊要啦，其實太長命都未必係好事，唔駛皺紋現晒滿頭白髮咁死都唔錯啊
😈：同你講個秘密，呢樣野我無同任何人講過，我算自己過唔到今年生日
👩🏻💻：下！？？？？？？？？？？？？？？？？？？？？？
😈：我認真，我係西藏遇過一個道士，佢同我講左三個日期，最後一個日期就係今年生日
👩🏻💻：其實命唔一定準既，唔駛咁認真！話唔定算錯呢
😈：其他人我唔講，係因為佢地唔會明，但你自己算過幾個都講同一個年份，咁你信唔信？不過我都係正常咁過，照搵錢，照寫野，照生活，我曾經諗過借好多好多錢去揮霍，但我又怕一陣唔中就gg
👩🏻💻：你阿哥知唔知？如果係真既，你點做佢伴郎？
😈：唔通我同佢講，我唔做佢伴郎係因為我就黎死？我講唔出口囉sosad
👩🏻💻：原諒我講野咁直，之前我覺得自己好慘，但依家我覺得自己都唔係咁差
😈：我唔會介意既，如果我死左，你可唔可以幫我耐唔耐出post，我唔想比人知我已經唔係度
👩🏻💻：咁都係最多幫到你六年咋喎
😈：原本我諗住搵我個妹幫手，不過佢唔太識寫野，六年後可以將我地個page都交比佢經營，要儲定文，佢真係唔會寫到故事
👩🏻💻：好啦，我應承你
😈：感謝，我有少少野忙，遲d再講，好開心認識你，呢件事放左係我心好耐，終於講左出黎，認真，唔好再同人講！我有你八字嫁！落你降頭！
👩🏻💻：放心啦，我把口好密！我最多等你走左將你個故事寫出黎
😈：幾好喎，我可以交低我既題目庫比你發揮
👩🏻💻：唔好交低身後事咁，有乜你都可以搵我傾！唔好屈係心
😈：好，多謝你
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
愛情算命準 在 準到炸免費算命- 閒聊板 - Dcard 的推薦與評價
今天用這個網站算了一下，喔乾全中太扯了- 算命. ... 國立臺灣師範大學. 4. 健康真的超準愛情大概一半一半. B172019年3月3日. ... <看更多>