#小編去開房 之 傳說中的👻酒店？！
位於將軍澳嘅九冠酒店，buffet抵食就不在話下🤭，早前更喺討論區意外引起熱烈討論！🥶 見包埋buffet住多晚都幾平，就等小編親自上陣實測返晚啦！🤐（睇到最尾！）
🎊預訂網址🎊 https://flyagain.la/pnqv
📍入住日期📍 9月14日～11月30日（視乎套餐，有3個！）
🗺 位置
酒店話就話九龍東，但其實係位於將軍澳，交通極為方便，一出將軍澳站經Popcorn行幾步就到，雨都唔使淋🤭 就算搭巴士小巴附近都有齊哂！😍
🛌 客房
小編今次就住高級房，都唔係咩高級房型，但估唔到間房都幾大，好有空間感，感覺比市區房大😍 大床幾大張，瞓落十分舒服🤓 床兩邊有櫃，藍牙喇叭、叉電都有，好方便🤩 床前就有張梳化同茶几，另外仲有大大張工作枱，好似一個細廳仔咁，就難得！🤗 不過間房整體有點偏暗，光返少少會好啲😶
而隔離個櫃就係mini bar，茶、咖啡、杯s、水煲都有齊哂，最特別係有即棄餐具，有時叫完外賣冇餐具就唔使煩（小編試過，好崩潰😩）再過就係衣櫃，有拖鞋，拖鞋都係兩對唔同，可以俾人分返邊個打邊個，安排上幾貼心！😳 不過電視就唔係智能電視，有點可惜，不過大家可以問酒店拎HDMI線🤧
廁所就分為三部分，一間房企缸、一間房馬桶，之後就係浴缸同洗手盤位，空間都幾大🤪 企缸個位好大，企兩三個人都得🤫（喂）有普通花灑同雨淋式花灑，水力都幾足！而浴缸都唔細，伸直對腳都浸得哂！呢個價位有大浴缸浸下認真唔錯呀🥳
🏨 酒店設施
酒店本身都幾大，淨係個大堂已經幾壯觀！🤩 而酒店主要設施有健身室、泳池同空中花園，健身室同泳池喺同一層入口，健身室就要行樓梯落半層，泳池幾大，而且有好多太陽椅，睇落幾有resort feel😇，可惜小編去當日落勁大雨，唔係好天去歎下都真係幾唔錯！🥺
而健身室面積就較為細，而且係密封空間冇景睇😟，但主要器械都有齊，做開gym或者想郁動下都ok既～😶 空中花園就位於31樓，都幾大，通風很好，仲有好多櫈坐，食完飯嚟行下真係好舒服🤗 重點係啲櫈真係好好好舒服，符合人體工學，係半躺狀態，加上輕拂嘅微風……小編瞓著咗😴
🍳 早餐
早餐同樣係位於自助午晚餐嘅地方食，一樣有好多選擇（詳情睇圖），甚至有啲平時早餐buffet唔會食到嘅嘢，真係可以食兩三round🤪 咁就可以食到飽一飽，午餐都慳返啦，正呀！🥳
💬 結論
返返重點先，小編住足成晚，行勻成間酒店，又夜瞓，都touchwood好好彩地冇遇到任何嘢！😎 所以大家都唔使太過擔心，反而小編住完覺得呢間酒店真係好抵玩，交通方便又平過市區，但間房大啲又有浴缸，性價比高，反而有點想encore多次😂
完
慳位梳化床 在 Online Shopping Deals and Coupons | Save Up to 70% off 的推薦與評價
$538 起Kosmax 可折疊多功能梳化床連免費送貨(價值 ... 慳位美學── $2699 多功能儲物梳化床，免費送. Groupon® Official Site | Online Shopping Deals and Coupons ... ... <看更多>