Sell屎血汗史．第三回
做sell屎，一係你好有學識，
一係你最好把口好sell得，
不過係得呢間大台珠寶行上到位既，
只要你夠聽話就得。
我第一日落舖，已經知道呢個道理。
佢請我個日同我講，「我希望你將你係新聞系學到既野幫到公司」，
你當我傻的嗎？我區區一個小薯，唔好講公司，
連間舖既人都唔會聽你講。
舖頭入面分左兩類人，一類佢地叫「紅褲仔」出生既人，
就係由最普通sell仔升到經理既人，
另一類就係「直升機」，就係我呢個唔使由小sell屎就可以升到做經理既人，
由於「紅褲仔」佔左95%既人，所以公司入面既老屎忽文化係根深蒂固，
地震都震唔爛，開口埋口都乜姐乜哥。
「紅褲仔」既特色好簡單，就係完全同時間脫左節咁，
又好簡單舉個例，每間舖每個星期都有例會，
卒下啲sell數呀，講下有咩新產品呀，
唔只每間舖有經理副經理，仲有區經，
話說我個時個區經出左名惡，係好L惡個隻，
如果咁岩佢去你個間舖既話，你會見啲sell屎真係驚到瀨屎咁樣，
我記得第一個星期入到去嘅時候，有個sell屎賣唔到佢suppose要做到既數，
然後俾副經理鬧，然後開左舖之後，
再俾個區經大大聲聲係間舖既中間位用粗口問候，
嗱，我做嗰間鋪大約有2000幾呎，
你喺人來人往嘅鋪頭正中間用粗口問候人，
你真心覺得顧客對你店舖嘅印象形象會好咩？
而且你仲要用粗口，我喺客既我都覺得你間舖頭啲人個個都係用咁既態度對人啦，
仲有啊個時係201幾年啦，你覺得咁樣鬧個員工，
員工會改咩？其實成件事都冇意思，
你用返史前紅褲仔年代教學徒嘅方法work咩？
仲有呀，舖頭係走公傭嫁，係全間舖既人一齊追數，
你係咪反正要大家有team spirit呢？
第一個星期，已經精彩到拍晒手掌，
咁當然啲員工俾你鬧完之後咪又係要默默咁做嘢，
鬼叫大家係小薯咩，呢個「紅褲仔」呀伯我到依家都記得佢個樣，
我個時無出聲，不過我了解到呢個係公司既其中一個文化，
就算我出聲，佢地咪當我係個小朋友，
我好好彩，我喺度做咗幾個月都只係俾佢捉咗個髮型姐。
至於我哋呢啲唔係紅褲子出身既，佢地對我地都還算好，
因為可能我地比較高學歷啦，
又或者佢真係好鍾意我個經理，因為我經理都係同我同一個職位出身，
所以佢好睇重佢。
舖頭嘅同事來自五湖四海，所以我入到呢間舖頭要做嘅第一件事，
係記晒大家嘅中文名，冇錯係中文名，
呢間公司叫人係會用中文名，係用大家嘅中。文。全。名，
嗰時我做嗰間舖頭係旗艦店，員工有120幾個，
我係要記得晒大家嘅中文全名，講真我真係未做過一間公司係用中文名叫人，仲要用全名，
真係記到我highhigh，
不過用中文全名又真係好有親切感嘅，
而要記住中文全名嘅原因，係因為我要人手編更，
老實講，你同我熟嘅我咪編你個更好啲囉，
而你同經理熟嘅，嗰間咪會再好啲囉，
所以好現實，嗰陣時好多人都對我好好，
其實大家都只係要個好更表，所以話識人好過識字。
安德魯艾豬：https://www.instagram.com/a.drewy/
#下回再講
#多啲likes我先再寫
#意大利賣啲珠寶就真係luxury
#你個啲咪最多呃到啲大媽
#成日都叫人供金會
成日都叫人供金會 在 打破等價交換の供金會。。。供幾多就換幾多 ... - YouTube 的推薦與評價
供金會 給人感覺老土古舊，是老一輩的人才會做的事？ 其實 供金會 一點也不老土 除了可以儲蓄換結婚或送禮金器首飾之外，還可以換飾金配戴之餘又保值 ... ... <看更多>