去到南法，見到呢個街頭藝術家，呢個造型唔知點解，令我諗起香港人。
希望大家有朝一日，著黑衫、戴豬嘴，都只係因為藝術，而唔係因爲抗爭。
#我影佢絕對唔係因為佢隻手臂
#我似係啲會見到仔就發癲嘅人咩
#唔似但根本就係
我似係啲會見到仔就發癲嘅人咩 在 倫敦人妻先生手記 Facebook 的最佳貼文
同時也有2部Youtube影片，追蹤數超過2,480的網紅KeNNyVDO，也在其Youtube影片中提到，【Joker系列】致命玩笑05 | Joker同Batman Hehe大團圓結局 | KeNNyPlay3omething 歡迎你黎到KeNNyPlay3omething。 上回Killing Joke嘅故事講到，小丑折磨完Gordon局長一輪之後，蝙蝠俠終於出現啦，雖然蝙蝠俠成功救到Gordon...
我似係啲會見到仔就發癲嘅人咩 在 KeNNyVDO Youtube 的最讚貼文
【Joker系列】致命玩笑05 | Joker同Batman Hehe大團圓結局 | KeNNyPlay3omething
歡迎你黎到KeNNyPlay3omething。
上回Killing Joke嘅故事講到，小丑折磨完Gordon局長一輪之後，蝙蝠俠終於出現啦，雖然蝙蝠俠成功救到Gordon局長，但對於小丑嘅種種惡行，嗱，連你地都話小丑變態，更何況Batman呢。今次蝙蝠俠最尾會唔會超越自己底線，將小丑殺死？唔好講咁多，繼續我地嘅故事嘞。
蝙蝠俠入咗去House of Fun度揾小丑，入面就預備咗好多陷阱對付Batman，但呢啲陷阱濕濕碎，點會難到我地嘅男主角？雖然睇落佢都有啲狼狽。呢個時候其實小丑就揸支咪，就喺大氣之中同蝙蝠俠盡數心中情，真係好鬼恩愛，小丑對Harley Quinn都未必講咁多嘢。小丑話佢今次成個計劃嘅目的，係想證明佢發癲係塵世間一件最正常不過嘅事，嘩，幾咁philosophy呀！佢話任何人經歷過一啲絕望嘅巨變，都會蛻變，變得痴線，呢個係一個正常不過嘅過程，而為咗証明呢一點，佢揾咗Gordon局長黎幫手做呢個實驗。有趣嘅地方係我地成日問Joker嘅身世背景係點？呢個故仔大家好似窺探到一二，但事實係小丑都話自己癲到自己都成日撈亂唔記得自己嘅過去，不過佢唔介意，佢話如果佢係需要有過去，佢會情願自己選擇有唔同嘅版本。所以Killing Joke睇到嘅過去係咪佢嘅起源呢？呢刻佢記得，或者係佢想係咁。
好嘞，聽咗咁多廢話，蝙蝠俠終於都爆玻璃衝出黎嘞。情話都聽咗咁多，當然要纏綿一下，兩個人扭作一團咁打起上黎，都互有攻守。去到最尾小丑掹咗支槍出黎，一開，咦，原來係一支玩具槍，佢好失望咁對蝙蝠俠講，仲唔郁手解決我？我做咗咁多變態嘅事。蝙蝠俠同佢講，話我唔想殺你，我打算依法辦事。Batman重要臨尾情深咁對住Joker講咗好多肺腑之言，話我地之間唔駛一定唔係你死，就係我亡架。我地可以合作，令你重歸正途，你比我幫你啦。嘩，BLxxxxxxxx，小丑當堂喊到花容失色，話大遲啦，一切都太遲啦。講到Killing Joke最好睇同最多人討論莫過於佢個結尾，小丑最尾對蝙蝠俠講咗個笑話，佢話從前，喺間精神病院有兩個人偷走咗出黎，佢地爬上屋頂，前面佢地見到自由嘅世界，但行過去前要棟建築物，要跨過一條狹窄嘅空隙，前面嘅人好輕易跳過對面，但後面嗰個點都唔敢跳，佢好怕自己會跌落去。於是前面嘅人諗到個方法，佢話一係我打開支電筒，咁電筒嘅光柱會照住兩棟建築物，咁你咪可以踩住光柱慢慢行過黎囉。後面嘅人聽到，痴線，你當我傻嘅咩，陣間我行到一半你熄燈咁我點算呀？講到呢度，小丑不受控咁笑，笑到中間，Batman跟住陪佢一齊笑。中間有幅畫成為咗呢本漫畫嘅最大議論，當佢地笑到失控，幅圖嘅剪影係顯示蝙蝠俠對手係有啲動作，而小丑又好似狀甚痛苦，跟住鏡頭慢慢拉落地下，小丑嘅笑聲漸漸消失，剩低落雨嘅雨點聲，係咪意味小丑最尾都被蝙蝠俠殺死？故事無好明確講落去。你覺得呢？歡迎喺comment留言話我知嘞。Killing Joke嘅故事黎到呢度告一段落，喜歡嘅朋友，記得like同share我嘅video，同埋記得subscribe我嘅channel。下次同大家開始講另外一個漫畫故事。想睇咩亦都可以留言。Keep Playing Bro。
Share this video:
https://youtu.be/o3qfN9_kJdI
想留意更多我的動態，記得緊貼KeNNy Play3omething
KeNNy Play3omething社交平台：
KeNNy Play3omething channel:
https://www.youtube.com/channel/UC__D5Ugf9WdWk1qY7H4p4Ig
KeNNy Play3omething facebook:
https://www.facebook.com/kennyplay3omething/
KeNNy Play3omething Instagram:
https://www.instagram.com/kennyplay3omething/
其他影片推介：
History Of The Joker!
https://youtu.be/WalgYTQjHTc
Supervillain Origins: The Joker
https://youtu.be/9kjIr7obnGs
DC 小丑最經典漫畫《致命玩笑》有聲講解【Lorre】
https://youtu.be/zTtyLxtu_hM
我似係啲會見到仔就發癲嘅人咩 在 KeNNyVDO Youtube 的最佳解答
【Joker系列】致命玩笑03 | 變態小丑向老父展現女兒裸照 | KeNNyPlay3omething
歡迎你黎到KeNNyPlay3omething。
上次Killing Joke嘅故仔見到Gordon局長非常陰功，個女被人用槍打傷，仲要被人除晒衫，最慘係佢自己都無諗過自己要被一班侏儒朋友剝光豬，究竟點解小丑要咁做？即刻繼續我地嘅故事。
Gordon局長首先就赤條條咁被人拖住遊咗一輪街，佢自己一頭霧水都唔知發生咩事，佢忍唔住問『究竟我喺度做咩？』忽然聽到有人答佢『做咩？你呢個時候應該做一般人做緊嘅嘢』『就係發癲!!』Joker高高在上咁坐喺自己個寶座。Gordon局長一見到小丑就話『係你。。。我記得。。。』都未講完姐，小丑就打斷佢話『記得，我係你就唔會想記得，回憶係一件好可怕嘅事。。。』之後小丑瘋言瘋語講咗一抽回憶係點可怕，邊講Gordon局長又被人帶上架車，搞咩呢？無端端玩過山車。
忽然我地又返到小丑嘅回憶，終於到咗做世界嗰日囉喎，佢地仲講緊今晚嘅計劃點，無端端就有兩個差佬出現，佢地明顯就係想揾小丑，見到差佬個個即刻淆底，唔通打草驚蛇？啲警察揾小丑搞乜呢？原來佢地帶咗個Bad News比小丑，就話佢老婆因為意外死咗，聽完佢返到去同嗰兩個好兄弟講，兩個好兄弟就話『你節哀順變啦，快啲收拾心情，今晚我地仲要做世界架』。其實Joker都唔想做呢單買賣，因為佢覺得已經無咗去打劫嘅必要，不過騎虎難下，兩個老死點會比你話唔做就唔做呀？終於都係推唔甩。
返到現實，Gordon局長就玩緊瘋狂過山車，佢一路玩，小丑就不停喺隔離講好多說話刺激佢，好似想逼到佢發癲咁，佢同局長講合埋眼個過山車就唔好玩，張開眼啦，一張開眼，佢見到個女全身赤裸，中槍攤咗喺地下嘅相一張張出現喺佢面前。之前小丑除晒芭芭拉啲衫就係為咗影呢啲相！小丑係咪已經成功逼到Gordon局長發癲呢？佢點解要咁做？之後落黎又會發生咩事呢？同埋下次將會同大家披露小丑點樣變成而家呢個Joker Face！希望大家會like同share我嘅video。記得subscribe我嘅channel。Keep Playing Bro。
Share this video:
https://youtu.be/iKNy0_6AeIQ
想留意更多我的動態，記得緊貼KeNNy Play3omething
KeNNy Play3omething社交平台：
KeNNy Play3omething channel:
https://www.youtube.com/channel/UC__D5Ugf9WdWk1qY7H4p4Ig
KeNNy Play3omething facebook:
https://www.facebook.com/kennyplay3omething/
KeNNy Play3omething Instagram:
https://www.instagram.com/kennyplay3omething/
其他影片推介：
Batman The Killing Joke - Complete Story
https://youtu.be/a36V6oni9Mw
★【法蘭克】★Joker小丑 | #3 | DC角色介紹系列!
https://youtu.be/3S7V1B6g3_c
《自殺突擊隊》預熱，小丑最經典漫畫《致命玩笑》講解【Lorre】
https://youtu.be/zTtyLxtu_hM
