關於Pak Yu Wong (王伯) 嘅第一印像係雨革後天恆邨瘋狂跑嘅橙衫肥仔辭工參選區會，之後#allinHK 我跟開九東其實無咩同新西嘅佢相處但都有聽過佢為人，後來跟 IT vision選選委係選委群組開始有交流。王伯有一把永遠拆嘅聲，遠一遠望到都會認到嘅背影，同對正確嘅事嘅堅持。
今時今日我唔會鬨推朋友出來參選，然而對於依然嘗試我會尊重和支持。議會抗爭嘅空間好似越來越窄，但我諗每個出選嘅人都有佢想係議會做到嘅事，舊人我哋可以從過去記錄知道係咪自己想要嘅方向，而新人就要係有限嘅時間以文宣論述交代點解要揀選自己。新一代、抗爭派講嘅係意志同堅持，也許可以突破我哋對議會嘅既有想象。 大家記唔記得3年前嘅特首選舉，投票當日依舊有形式化對抗小圈子選舉嘅抗議(拉banner 繞場一周)， 但最後眾人記住嘅係嗰一張全港直播嘅「屌」票。當然個票無直接改變結果，但簡單有力嘅表達或者又種下咗一啲種子，你會發現空間或者可以不斷轉化。
面對國安法散佈嘅恐懼一時好似未捉摸到要點，然而出嚟投票嘅意義比起議席更多係話俾全世界聽：香港人未放棄， 我哋未放棄與自由世界嘅連接。本土派係講當係中共極權同香港有沖突時， 本土派永遠會企係香港人個邊，用所有方法去守住我哋嘅香港。過去一年香港人用行動好清楚咁作出選擇，本土係每個人心中油然而生。講真無人可以代表晒本土派，更唔好講咩一統江湖，但觀乎超區嘅候選人中，王伯係單一最接近嘅。正因為咁，超區初選投王伯一票就可以係顯示香港人選擇嘅路線。
我哋就係民意，足以令成個陣營嘅板塊跟住移動。711，712 請你出嚟投一票。
p.s 原來我地無合過照。
p.p.s 頭盔我咩都唔知我無話屌票嘅係佢
#無人叫我寫文盲自己獻醜的說 #初選 #我係話唔講又講嘅廢丁 #我哋唔係蛤摸
我係話唔講又講嘅廢丁 在 殺手廢j 的推薦與評價
港人講電視 ... ViuTV久違嘅cult劇，反應兩極係一定。如首集觀感所言，畫面有趣，但同時節奏偏慢。上半段內容唔多，頭兩集介紹廢J同公司背景都可以減省啲（雖然介紹公司嗰度 ... ... <看更多>