🚨 🚨 🚨 劇透注意 🚨 Spoiler alert 🚨 🚨 🚨
🚨 本篇為 #陪朋友去自修室追女神點知女神鍾意咗我 結局篇《#時光機》完結後！完結後！完結後！的特別篇
🚨 為免影響閱讀樂趣，請在完整看完《#時光機》正文之後再閱讀
🚨 劇透注意 🚨 Spoiler alert🚨 劇透注意 🚨 Spoiler alert 🚨 劇透注意 🚨 Spoiler alert🚨
/ 如需補購《自修室》《補習社》《時光機》︰
https://morningrays.boutir.com/ /
/ 重溫 #陪朋友去自修室追女神 系列 / patreon免費閱讀版 /
/ #自修室/ https://bit.ly/3xXFgwK
/ #補習社/ https://bit.ly/3yVqojU
/ #時光機/ https://bit.ly/2VWtkhA
/都是網上公開章節~看完請使用tag功能找下一回/
🚨 劇透注意 🚨 Spoiler alert🚨
🚨 劇透注意 🚨 Spoiler alert🚨
以下真的開始囉~~
#時光機的幻想
#1
咇——咇——咇——
到處響著訊息聲，實體室裡的大家都非常緊張。
我嚥了嚥口水，再次檢查安全帶，並瞪著眼前那個數據不斷滑動的螢光幕。
「阿昕，你嗰邊準備好未？」
對講機裡傳來阿翔的聲音。
「係，安全檢查已經完成，隨時可以開始。」
「好，你稍等，我哋呢邊仲有啲測試要做埋先。」
「copy that」
對講機靜止了，不知道外邊是什麼情況。
不過應該還好吧？這次已經是蟲洞實驗2.0654beta，無論是我跟阿翔，還是各個研究員，應該都很熟悉流程才對。
當然，還是會很緊張的。
六年前ver1.831的實驗裡，雖然時間很短，但我們確實有一瞬間拉開了一個微型人工蟲洞。
連無名大聽說我們的進程之後都大為吃驚，還問我們拿了不少資料。
然而那次只是運氣吧？距離可以發表的成果，還差十萬九千里路。
之後又花了整整六年，反覆試驗無數次，才總算推算出成功的條件。
今天，就是實驗我們這些年來研究理論的日子。
.
對講機裡又傳來阿翔的聲音︰
「阿昕，你自己喺部machine入面，緊唔緊張？」
我啼笑皆非︰
「大家都咁忙嘅時候，你竟然喺度傾閒偈？」
「有乜所謂？我驚困住你會悶嘛，梗係要關心咗你先。」
心中一甜，笑了︰
「你咁講，全世界都聽到喎。」
「呢度得我同你識廣東話之嘛。好彩肥強留喺歐陽教授嗰邊冇跟過嚟咋，唔係真係阻頭阻勢。」
當年我博士畢業之後，就跟阿翔成立了自己的研究室，算是離巢自立吧。
當然，無名大真的幫了我們很多，尤其在資金方面，我們也一直跟他們的研究室保持友好關係。
在我畢業前，肥強已經是無名大的得力助手。
我離開後，他更是力壓群雄成為了第一助手。
現在，他應該仍為移民火星計劃燃燒肝臟吧。
「雖然肥強唔喺度，但我哋個個研究員都IQ爆棚，可能一早學識咗廣東話喺度偷聽，冇話你知呢？」
他也笑了︰
「咪由佢哋聽囉，氹自己老婆有咩唔啱？我再大聲啲講都仲得呀——我愛你，華子昕。」
「哇呀——」
我忍不住捧臉尖叫，回過神來發現才自己整張臉都發燙。
還好我獨自躲在機械內部，攝影機連接的是眼前的螢光幕，沒人會看到我的窘態︰
「痴、痴線架你，好唔知醜囉。我哋今年幾歲喎……」
「幾多歲有分別咩？」
「冇咩？」
「點解會有？時間係非線性架嘛，我同你係點，並唔會因為時間嘅推進而改變架喎。」
吹得還真大，但不得不說我聽得很開心。
真不愧是當了我丈夫多年的男人，太了解我的口味了。
正想著要怎麼回答，對講機裡傳來研究員匯報的聲音，各個單位都已經準備就緒。
我清晰聽到自己心臟的迴音，只能深深吸一口氣，叫全世界準備開始實驗。
阿翔的聲音又再響起︰
「……阿昕，你、真係OK？我哋之前咁多次都係純AI模擬，未試過有人坐喺你而家個位置……」
「呵呵，我明喇。其實係你唔捨得我哩？驚我被傳送咗去異世界重生？」
他的聲音一變︰
「咁梗係啦！點知對人類肉身有咩影響架？我都話由我去你個位架啦，你又唔肯。」
「梗係唔得啦，你一直負責開支撐蟲洞嗰part架嘛，你唔喺外邊睇住點得？同埋，呢部嘢係我一手一腳砌嘅，梗係我自己控制返好啲啦。」
「唔……」
聽他不釋然的聲音，我再安撫他︰
「放心啦，一陣我又唔會穿過去，只係近距離觀察同埋拎數據啫。好快我就出返嚟見你架啦，唔使擔心。」
「好，一陣見。」
「一陣見。」
阿翔向各崗位研究員下達指令，實驗正式開始。
對講機裡各人匯報著數值，然後開始倒數︰
「5……4……3……2……1！」
/
/ 此特別篇共有6集~
/ 留言「追」= 加速
/ 留言「買」= 補購《自修室》《補習社》《時光機》
/ 留言「我全都要」= 我全都要.jpg
/
/ IG 100心心 / FB 75like出下一回，輕鬆啦係咪~？
/ 同學會睇過嘅請都幫手俾個心 ❤
/ 自己重睇都仲係好鍾意呢個幻想特別篇~~大家努力快速，下回見~~
/
/ 如需補購《自修室》《補習社》《時光機》︰
https://morningrays.boutir.com/ /
/ 重溫 #陪朋友去自修室追女神 系列 / patreon免費閱讀版 /
/ #自修室/ https://bit.ly/3xXFgwK
/ #補習社/ https://bit.ly/3yVqojU
/ #時光機/ https://bit.ly/2VWtkhA
/都是網上公開章節~看完請使用tag功能找下一回/
