Search
So I said 💚 "I LOVE YOU"
初為人母嘅我 對母親節有另一番體會
#母體內被母親孕育共存
#懷胎10月原來真係唔簡單
#每日都會擔心肚入面個BB嘅成長
愛 讓我更加珍惜身邊嘅每一個家人
發覺好耐都無同阿媽單獨影相
（除咗結婚時一齊影嘅家庭相之外）
就不如搵日同叫老公幫手渣機幫手影相啦！
#多謝阿媽賞面 #俾阿媽做一日KOL
曾經...
與家人同住時同阿媽關係唔係太好
常常來自於錯誤嘅溝通表達與理解
#我講過一啲傷害你的說話
#原來做人阿媽一定會碎碎念
#其實做咗人老婆已經碎碎念
#處女座本來就很碎碎念😂
以前我唔明 但我而家明白晒喇～
而家我哋都解開哩個心結
原來有啲事要自己行出第一步並唔難
只係肯唔肯低頭去做 啟動心的力量
喺度同係講返句「媽媽我愛你 母親節快樂」
我相信哩一切比送禮物 更有意思和意義
@SaturdayClub #ootd #蒙著嘴說愛你 #soisaidiloveyou #母親節 #母親節禮物 #母親節快樂 #mothersday #iloveu #家人 #幸福 #有媽的孩子像個寶 #母女關係 #愛 #love #我係薑糖 #姜濤
連月以來，不少學生因為反修訂《逃犯條例》而走上街，用不同方式表達不滿。今集的《港。故》嘗試從老師角度，了解這班年青人到底在想甚麼？
任教通識科十年的周老師(化名)坦言，在這硝煙四起的日子，他花了不少時間在課室以外，透過電話向學生給予情緒支援，「尤其係開學之後，坦坦白白我哋所有老師都放低咗所謂嘅立場，去協助紓緩佢哋(學生)嘅精神壓力。」而他也會在「人鏈活動」中觀察，以確保現場學生的安全。
學生與家人爭執 老師充當和事佬
今時今日，反修例風波不止於政治爭拗，撕裂已波及各個家庭。周老師也遇過有學生因政見不同與父母爭執後，有情緒問題而求助，需要他深夜趕到學生家中處理，「其實佢係好愛錫佢嘅父母，佢都明白自己喺意見上一啲好衝動嘅表達可能會傷到佢哋嘅心。」在他的協助下，經歷幾小時傾談，學生和他父母間的火藥味也慢慢減退。
「其實回歸生活，無嘢比親情重要，原來無論係嗰位同學又好，或者佢嘅屋企人又好，大家都係想大家平平安安、安安樂樂咁食餐飯，但呢幾個月可能因為政治，令大家嘅關係愈走愈遠，所以我覺得有自己嘅使命感喺度。」周老師他坦言現在工作量大增，但卻未想過放棄，「只要能夠幫到我哋嘅下一代，幫到我哋嘅年輕人，哪怕只係好皮毛嘅力量，我都覺得係值得。」
堅持信念，另一原因是他也在這幾個月的經歷中，找回了當初選擇投身教育的初心，就是實踐人文關懷，「佢哋要求嘅所謂獨立調查，呢個喺社會上有廣泛共識嘅一個訴求，得唔得到正視，我相信可以證明到佢哋係強勢定係弱勢位置。對於呢班唔能夠得到正面看待嘅人嘅處境，我對佢哋予以多一點關懷，我相信呢樣嘢都係我自己當初抱有嘅初心。」
嘆有權者對年青人缺乏體諒
周老師憶述一次與學生們聊天的感受，對話中他表示欣賞他們對關注的政治，也為他們有可能違法或傷害到自己而痛心，說完之後同學感動地表示多謝。這次經歷令他明白到，年青人並不是需要政見上的支持，而只是一份關心和諒解，偏偏現在已很難找到，「如果有更多成年人或擁有權力嘅人，對於呢班年青人係予以體諒、諒解，事情又會唔會發展成今日嘅地步呢？我永遠都相信給予正面能量嘅重要性。」
理解錯誤原因 正向教育打破不信任
他相信在教育之前，是先要跟學生建立信任，「年青人可能對於建制或政府有好大不滿，我哋嘅職責係修補所謂嘅撕裂或世代隔膜，我哋可以畀一個平台佢去展示不滿，我哋有空間畀佢去做想做嘅事，但係我哋希望佢能夠對老師、學校多予信任嘅態度，唔好輕易去同我哋作出對立嘅局面，之後再同佢哋講罷課嘅利害，又或者違法行為對自己嘅影響，一定要先建立信任，之後一切教育工作先會嚟得比較容易。」
他堅信，為人師表師應該以正向方式助學生重回正軌，「縱使佢哋係有錯，但你只要可能講聲『我會理解你唔交功課背後嘅原因，但係都希望你清楚自己嘅角色同責任』，原來一句所謂嘅理解，係可以令學生未必一次就聽話，但經歷咗兩次、三次、四次後，佢慢慢會重回佢嘅正軌。」
「星期一見」 冀學生平安
面對前所未有的社會撕裂，周老師也有一個願望，「我希望呢個社會真係可以共融，共融第一步我覺得要做嘅係，大人要更加體諒小朋友嘅需求，而小朋友們得到大人嘅愛後，能夠建立返屬於佢哋嘅理性思考，最後培養出屬於佢哋嘅智慧，去帶領社會走向更長遠嘅路。」
現時逢星期五下課前，周老師對學生都有句例牌對白，就是「星期一見」，「呢句話喺平時無事發生嘅時候，會係一句好平常不過嘅說話，但去到今日，你會發現原來佢哋能夠平安歸來，保持健康嘅心境回歸校園，係有些少難度。」
他也確信，年青人是未來的主人翁，「只要佢哋能夠保持安全、健康，我相信我仍然會對呢個社會有信心，所以希望各位學生們，每一個星期都可以平安回家。」
今集《港。故》用8分鐘，邀請大家跟周老師一同放下政見，走入年青人的內心世界，聽聽他們的心聲。
-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb
IG：http://bit.ly/oncckonggu_IG
Youtube：http://bit.ly/oncckonggu_Youtube
第112故事《善良、盲女子》你是否和這女子一樣?
從前有個女仔好善良好可愛，可惜自小就盲咗對眼。 因為咁樣，佢身邊好多由細玩到大嘅朋友逐一逐一離開佢， 新認識嘅朋友又好少搵佢。 佢感覺好孤單。
除咗有個男仔， 一直對佢好好， 由佢盲咗無幾耐後認識， 咁多年來都一直都關心佢、照顧佢。 個男仔一直贊個女仔好美麗， 從來唔覺得個女仔係「盲」嘅， 因為佢相信「內在美」係最重要。 不知不覺，佢哋双双墮入咗個愛河。可惜個女仔一直好介意自己係盲嘅， 好怕同個男仔一齊會連累埋佢。好幾年後，個男仔終於鼓起勇氣去向女仔求婚。
個女仔話: 「你係全世界對我最好嘅人。只要我能夠親眼望到你，我就會嫁俾你。」
之後，等咗好耐好耐， 終於等到有人捐對視網膜畀個女仔啦， 個女仔做完手術，終於可以睇返嘢啦!
個男仔呢個時候同佢講，「你嫁俾我啦!」
個女仔依家見到佢啦，但佢好驚訝 ，佢講乜呀?
「原來你係盲㗎! 咁我搵第二個男仔啦，我唔嫁畀你啦!」
個男仔非常之傷心，另轉面揼低頭，一路喊，一路走咗去。
過咗陣，個女仔就睇到張枱上面有張男仔留俾佢嘅 note, 上面寫乜?
「Please take care of my eyes. I will always love you!」(請好好照顧我双眼， 我永遠愛你!)
個女仔好後悔， 含住淚再嘗試搵番個男仔。可惜，已經永遠再搵唔返佢! 嗰女仔呢世個心靈，都永遠有個填補唔到嘅缺口， 抱憾終生。故事帶出咩理念?
啱啱嗰個係我二女 Casey, 我冇同佢預告個故事內容㗎，啱啱真係佢嘅自然反應。
呢個故事，我成家人今晚都傾都好耐背後嘅理念。 如果你有仔女，我都鼓勵你同佢哋傾下。
你同我都可能同個盲嘅女仔一樣， 好想得到一樣嘢嘅時候，就覺得只要得到嗰樣嘢就乜都得。可惜，得到後，就往往變得更加「貪得無厭」，忘記咗感恩同背後嘅初衷。 有時甚至乎講咗啲說話、做咗啲行為，係永遠都彌補唔到個傷害。 我講緊係你點樣對你身邊嘅親人、伴侶、老闆、員工、朋友、合作伙伴。唸一唸，你有無做過?
根據美國 Dale Carnegie Training Institute, 佢喺全球研究咗3300個員工， 85%嘅員工都覺得老闆 show appreciation (感謝員工功勞) 好重要， 可惜少過一半話老闆有慣性咁做。76% 嘅員工覺得老闆贊多啲 (give praise and honest appreciation)，鼓勵性遠遠大過只係 focus on getting the job done (只為專注完成件事)。 贊人，就好似做gym咁，做完要再做， 經常做, 日日做。罵人，就好似係幅牆道，打粒釘入去咁， 即使掹返出嚟，都永遠有個窿。
我經常話:「最好嘅嘢已經喺身邊」 Believe me, 好珍惜佢、贊美佢，凡事會變得更加好。你依家對眼望緊嘅世界又點呢?
#善良盲女子，#珍惜身邊人，#多贊美
盛滙投資商舖基金/買舖/租舖/放舖熱線: 2830 1111 或 whatsapp +852 90361143
盛滙商舖基金 Bridgeway 網頁 www.bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
購買李根興的「買舖 要買得 PRO」書，請付款$198，透過以下渠道:
(1) PayMe at 9745 3555
或
(2) 永隆銀行戶口
020-644-0000-3123
(Bridgeway Development Company Limited)
付款後，請留你的地址給我們，我們會馬上郵寄給你。或你可到我們盛滙辦公室領取。 中環皇后大道中16-18號新世界大廈一期1502至3室。電話 2830 1111。我會親筆簽名給你。多謝!
「朱古力起初帶苦味，食起來慢慢變甘，我覺得好似一個盼望，睇到出路。」於是，這名八十後女生就告訴別人她自己叫「朱古力」。
自小患有弱聽的朱古力非常自卑，認為自己不夠別人好，再加上讀書壓力，令情緒漸漸變得波動：「因為我讀高級文憑，需要追GPA去上大學，一直都追得好辛苦，好想喊同逃避。」
耳邊傳來聲音 曾現自殺念頭
突然有一天，朱古力留意到耳邊開始傳來幾把聲音，困擾著她的生活，她把那些聲音稱作「喇叭」：「『喇叭』會講一啲貶低我嘅負面說話，話我無用，不值得被愛。」朱古力覺得很煩擾、很嘈吵，情緒開始不受控制。
「最壞嘅情況，係我控制唔到唔去傷害自己。」朱古力後來意識到，負面念頭的出現原來已經是一種警號，在朋友的鼓勵下她勇敢求醫。
學習接納自己 與人分享過去經歷
見精神科醫生、社工、輔導員，以及食藥，甚至住院都試過後，朱古力慢慢找到最適合自己的處理方式：選擇去接納「喇叭」，更要接納不完美的自己。
「與其標籤自己，倒不如去認識自己多啲，接受『喇叭』同情緒困擾就係我嘅一部分，與自己並存也未嘗不可。」
任何人都會有情緒低落的時候，於是朱古力在兩年前成為「說書人」，在網上和活動中向大眾分享自己的故事，推廣精神健康。
「我好想話畀人聽，我可能要帶住『喇叭』一世，或者其他人要帶住其他唔完美嘅嘢，但要學習呢個就係原原本本嘅自己。」
今集《港。故》由一個過來人講自己如何走出抑鬱，請花約5分鐘收看，可能會令你明白到，精神病並不如你所想般可怕。
-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb
