Search
<< 殘疾人士八達通 >>
整理文件，手中捧著數張大學的獎學金證書，望著桌子上延續殘疾人士八達通卡資格的表格，欲哭無淚。這麽多年，接受了，但身心脆弱的時候，還是會痛。
但我很快就恢復過來。想深一層，不是能用兩元乘車，我不會過海工作，更無法四處趴趴走。畢竟，收入比從前是少了非常多。
你可以想像，一個人抑鬱時不會想外出，還要給昂貴的交通費，誰會願意？躁期時能量爆燈，總愛往外跑，靠的也是兩元乘車。
當然，附帶的傷殘和交通津貼也有幫助。金錢不多，但是社會對我們表示的一點關心和重視，鼓勵我們多接觸外界，重新融入社區，我珍而重之。
現在用兩元八達通，我不再有任何尷尬的感覺。就算有人問，我也能以平常心告知。檢查是程序，別人無惡意，我也心安理得。
我告訴自己，社會沒有離棄我，我也不要放棄自己，要努力為社會多出一份力，助人自助。
我在等著去，殘疾人士能免費去的海洋公園。或者，我們能組團去？哈哈！
但更渴望的是，有一天不用再拿傷殘津貼和兩元八達通也能生存，把資源留給比我更有需要的人。
【她的心願】
她，是我在小北斗生涯中一個特別個案…
我，是在一次街頭幫忙執橙時認識她的！
四年前的夏天…
那天我放假，中午往院舍照顧肥媽…
傍晚待肥媽入睡後，我出外逛一會…
途經屋邨公園，看見一位婦人手拿的膠袋穿了，幾隻橙骨碌碌滾在地上…
我上前幫忙執橙，發現她一隻眼原來是失明的！
我給她一個環保袋，見她步行得頗吃力，見橫豎有時間，遂主動提出幫她提橙、蕃茄和蕃薯，陪她回家…
踏進屋內，四周彌漫著一股暗陰沉重的氣氛…
她知道我做社工，說起她的故事來…
大陸出生的她，婚後被丈夫毒打，左眼，被插盲了…
待兒子長大，懷著對再婚的憧憬，經友人介紹，嫁了一個比她年紀大十八年的香港丈夫…
來了香港定居，以為可投靠丈夫，怎知不到三年，丈夫肺癌死了！
來港定居頓變來港獨居！
投靠丈夫驟變無人依靠！
長期服用抗抑鬱藥的她，不久又遇上交通意外，身受重傷…
很不容易再次爬起來，但心靈卻永遠活在幽谷之中…
服藥令她反應變得很慢…
創傷令她感覺十分自卑…
害怕令她不願和人接觸…
在港舉目無親，唯一期待的，就是每年回鄉一次，探望兒子、孫兒、弟弟和妹妹…
我問她：「有想過返大陸生活嗎？」
她說：「好…想…啊！但…冇人…養得起…我！」
我倆瞬間沉默…
希望本是失望…
她，慢慢拿出膠袋內的照片給我看…
微笑告訴我，孫兒現在十個月大了…
看著那幾張可愛BB的照片，我知道，倘若我能幫她回大陸安享晚年，相信定能把她從幽谷中拉出來…
我，希望能幫她達成這個心願…
一位在申領綜援過程中，受盡歧視和白眼，結果只獲批傷殘津貼的63歲長者…
驅使我自告奮勇致電保障部負責職員，告知對方她的難處，盡力捍衛她的權益…
坦白說，我對那些一心只衝著來港拿福利，白吃白住的人很反感…
但一個社會的背後，往往藏著很多不同的人和事…
打開你的心窗，用心去了解和感受…
你，將會明白更多更多…
四年後的今天…
早已成功申領綜援、返回廣州和親人團聚的妳，最近生活好嗎？
昨天有人送了一個橙給我，讓我不期然想起妳！
最尾呢Part答番做醫生返工悶唔悶…呢題其實我覺得最難答。工可以悶，但係唔代表唔好做。如果份工係日日充滿難關充滿挑戰，一丁點喘氣嘅空間都冇，一定唔會悶。不過唔代表呢個係一份好工。
要搵到一份唔悶，又有意義，又做得開心嘅工，唔係冇可能，不過係非常艱難。難就難在你能唔能夠知足常樂。能唔能夠將一份普通工作嘅優點放大，缺點縮細。可以咁豁達，每一份工都可以變成唔悶，甚至乎OK Tolerable嘅工。
我鍾唔鍾意一份工，就睇下每一個朝頭早，我起身係：
1. 自己迫自己Larn返工？跟住返工嘅時候喺度XX 聲？唔明白點解要自己每日要返呢份
死人工？又要塞車/又要迫地鐵/又要晨早流流起身，返到去又要俾人話/俾人鬧，又趕頭趕命…（等等下刪1000字…）
2. 定係輕輕鬆鬆，塞還塞/逼還逼… 但係諗下每日Lunch食乜嘢，今日放工做咩好，今日淘寶集運得D貨未？
又或者你放假嘅時候，自己係：
1. 申請放假遞Application嗰陣好開心。計劃緊買緊機票✈️訂緊酒店都好開心。到你放假前嗰幾日反高潮開始抑鬱，黎個Pre嘅Post-Vacation Blues。開始諗住放完假返嚟堆積如山嘅Workload點X算？放緊假嘅時候，日日都喺度倒數，諗緊點解D時間過得咁快？死都唔肯瞓覺，諗住享受每1分每1秒唔使返工嘅時候。第二日寧願變熊貓眼🐼，無力出去玩都唔瞓覺。跟住放完假第二日要返工心情就超級灰，你出門口就已經又XX聲…😡😡
2. Or 放假可以無牽無掛。唔使諗住點樣快D Discharge病人番屋企。唔使諗住第二日個門診一早已經調晒啲症，Book爆左自己嘅Quota。唔使諗 D Relieving同事/Senior睇自己啲住院或者門診嘅病人嘅，會有啲乜嘢指指點點，點樣搞亂你啲Management。唔使諗邊個Case要搵醫務社工申請啲Cssa/傷殘金/房屋津貼。唔使諗點樣叫屋企人喂！好快啲接返個阿婆番屋企，呢度唔係老人院呀！喂喂喂？又Cut我線！？
---
我係一個由醫院跳出來做私家嘅小奴隸。好明顯我係醫院做到痴X左線，好Q憎我份工。以上（1）嘅答案，全部都係我親身經歷過有感而發寫出嚟嘅答案。當然我用咗好多年先至學會放低，先至明白/接受原來路唔係剩係得一條。唔一定要實習完就去醫院乖乖地接受訓練，跟着按部就班升副顧問醫生等等。我唔係話呢一條路唔好，只不過唔係一條適合我嘅路。我身邊嘅同學/舊同事都「開開心心」繼續行緊個條路。（咁當然有更加多選擇放棄醫館局呢個無底深潭，走咗出嚟私家搵真銀🙊～）
唔係我身邊個個屋企人同朋友都明白或支持我離開醫院呢個大樹蔭嘅決定。但係始終工係自己去返去捱，💩自己日日食，條氣就自己日日Chok住。最了解自己需要啲乜嘢始終都係我自己。所以喺我做到真係頂唔順Burnout個陣，我就辭咗職。（第時得閒講下我老細辭職嘅反應哈哈！😏😏）
最終我係用時間去證明我呢個決定For我自己係最好。我可以話而家我份工係最舒服，一份我會想返嘅工。有替假姑娘覺得我返工而家會好悶。話我來來去去睇傷風感冒冇乜挑戰。我反而從來都唔覺得悶。千祈唔好俾咁多挑戰我。我受夠刺激啦。之前嗰個都係計時炸彈💣，而家個個淨係打乞嗤咪好囉。我依家好知足，搵錢少過我同學，甚至少過我嘅師弟師妹。但係我自己覺得好開心。呢啲唔係佢哋高啲嘅人工可以換返嚟。
工作唔係生活嘅全部。最緊要係了解自己適合做啲乜嘢。有啲人好鍾意刺激。有啲人好鍾意手作仔，做少個手術隻手都會痕。有啲人鍾意劏屍（即係Pathologist）因為你對住嗰個「病人」唔會駁嘴唔會問長問短，耳根都清靜啲。
人生苦短，都係要錫自己多啲。Sorr9y，離曬題。 short answer， 我唔覺得我份工悶啊～～～～（不過要睇到最尾先至睇到呢個short answer 🤣🤣🤣🤣🤣🤣）
-----
又曬命，有溫馨同事送嘅小禮物，應該係本地嘅手作啤酒。個盒超靚！其中兩支得意嘅啤酒！
