早幾日去打波，撞到個好耐冇見嘅舊同學，講緊係有十幾年冇見喇；之後一齊打咗陣波，見大家都走晒樣咯🤡，就索性坐低吹水聚下舊。
我呢個同學呢，當年係風頭躉嚟嘅 — 應該話，我同佢都係風頭躉，只不過大家嘅範疇唔同咁解啫。佢出名運動勁，我就出名靚仔🤷🏻♂️；我哋小學讀同一間，到中學就派咗唔同學校。不過由於之後大家都做咗學生運動員，所以不時會喺比賽見到，而我絕對唔係佢嘅對手。嗰陣其實有啲奇怪，因為明明小學嗰陣冇乜見佢做運動，點解隔咗幾年突然咁勁嘅呢？
後來先知道，原來佢有哮喘，醫生就建議佢做多啲運動。做做下，病情改善之餘，仲要咁鬼犀利。
呢啲例子其實有好多。一啲世界級嘅運動員，好似足球界嘅碧咸，NBA嘅夏登，起初都係因為想改善哮喘嘅病情而接觸運動，最後又練出好成績。哮喘係一種呼吸道發炎的慢性疾病，患者嘅氣管比較容易敏感，喺受到刺激嗰陣會收窄同製造黏液，造成氣流阻塞或者支氣管痙攣，即係所謂嘅「哮喘發作」；常見嘅症狀包括咳嗽、氣促、喘鳴、胸口翳悶同埋呼吸困難。呢個病嘅程度有分輕重，有時一啲輕度嘅哮喘患者，症狀唔喺咁明顯，可能只會喺呼吸嗰陣聽到啲「牽牽」聲，或只係簡單嘅慢性咳嗽，而且發作嗰陣，症狀一般比較輕微及短暫。
正正因為病徵唔明顯，所以好容易會被忽略；輕度哮喘患者未必會成日病發，但就跟其他程度嘅哮喘一樣，存在嚴重發作嘅風險，最嚴重嘅甚至會導至死亡，所以，check真啲好。
不過即使真係確診患上哮喘，其實都唔需要太擔心嘅。根據全球哮喘創議組織(GINA)建議，哮喘患者應該使用含吸入式類固醇(ICS)的藥物例如混合式消炎長效氣管舒張劑作為治療，比單用藍色短效氣管舒張劑(SABA)只能短暫舒張氣管更為有效，既治標又治本，真正改善氣管「發炎」嘅源頭，減少哮喘發作嘅風險。另外每次做運動前要做足熱身，預先使用醫生處方含ICS嘅吸入式快速舒緩藥物，運動時就更安心又稱心。
你可能會問，類固醇唔係會有副作用同影響身體咩？其實類固醇有好多種，用嚟治療哮喘所用嘅吸入式類固醇劑量相當低，而且喺吸入嗰陣已經喺肺部發揮其效用，同口服類固醇唔同，對身體其他地方構成嘅影響少得多。記住，無論哮喘輕或重，都應該依從醫生指示用藥同覆診，以及避免單獨使用同倚賴SABA，等醫生得以準確檢視病情進展同用藥反應，制訂最合適嘅治療方法，咁就無論日常生活或做運動，都可以保持最佳狀態；有任何疑問，記得向主診醫護人員查詢喇。
#哮喘 #短效氣管舒張劑 #混合式吸入式類固醇
指示用藥 查詢 在 吃藥傷胃、但胃藥又含致癌物？兩種迷思未必得吃胃藥︱譚敦慈 ... 的推薦與評價
更多精采內容請見早安健康3月號《吃補的技術》全台各大超商書店熱賣中，早安健康嚴選商城免運特惠中！ https://shop.everydayhealth.com.tw/l-3ca24早 ... ... <看更多>