直播乜都得（上）
我一個人嚟到呢個城市，就係為咗做一個成功嘅直播主持。
成功嘅直播主持，唔止會收到觀眾嘅打賞，仲可以喺直播中賣廣告，一場直播就賣出無數產品。
成功嘅直播主持名利雙收，唔會比明星差，甚至比明星更自由。
可惜，理想很美好，現實太殘酷。
我嘅網名叫「性感小野貓」，每日都做直播，但觀眾一直都唔多。
直播冇乜收入，我嘅積蓄已經用得七七八八。
再咁落去，我只可以放棄夢想，灰溜溜咁返鄉下，過住平庸而瑣碎嘅生活，仲要忍受親戚朋友嘅嘲笑。
我唔甘心，我決定搏一搏。
我搵到直播平台某個經理嘅私人FB，講晒我嘅夢想出嚟，哀求佢畀個機會我，簽約培訓我，冇底薪都得。
經理睇咗幾條直播，然後問：「你唱歌跳舞樂器咩都唔識，講嘢又普普通通，你覺得自己Sell咩？」
我即刻答：「我可以學，我好勤力㗎！其實我好想增值自己，但我真係冇錢。」
「培訓都要成本，點解我哋要培訓你？」
經理冷笑：「你叫性感小野貓？樣同身材唔差，但又未到好好。你呢種質素嘅女仔，平台上大把啦。」
雖然佢嘅說話好hurt，但我不得不承認，佢講嘅係事實。
我只可以覆佢：「我咩都肯做。」
講呢句話嘅時候，我已經做好「潛規則」嘅心理準備。
經理回覆：「你啲直播都幾搏嘅，可以露嘅都露晒。」
難得有一句讚賞，我馬上答：「如果唔係平台唔畀露點，我都肯露㗎。」
只要可以離夢想近一步，來吧，我什麼都應承。
「你真係咩都肯做？」經理再三確認。
然後，經理講咗一件事，原來佢就嚟辭職，佢打算同朋友合作，搞個新嘅直播平台。
有金主，有技術人員，亦聯絡緊一啲著名直播主持，而佢哋欠缺嘅，係一個打響頭炮嘅噱頭，亦係未來嘅台柱。
「我……我得咩？」雖然我好想成功，但我都有自知之明，以我現時嘅實力同觀眾人數，邊有可能成為噱頭。
經理解釋：「你肯捱肯搏，我嘅計劃，需要一個肯搏嘅人。」
佢嘅計劃係咁嘅，佢打算將我擺入一間房，房內裝滿鏡頭，廿四小時直播，播足三日。
「三日？咁我做咩內容好？」平時我要諗一個鐘嘅內容去娛樂觀眾，已經絞盡腦汁。
經理答：「觀眾決定你做乜嘢。」
佢嘅設計，每個鐘嚟一次觀眾提名同投票，決定我要做啲咩。
我問：「咁如果投票結果，係啲好過份嘅嘢呢？」
平時直播，我都努力滿足觀眾嘅要求，例如擺咩Pose、做咩表情咁，但總有人會叫我除晒衫，我冇可能照做㗎嘛。
「呢個臨時平台只有你嘅直播，冇任何色情暴力嘅限制，咩畫面都得。途中可能會違反一啲互聯網規定，唔緊要㗎，之後我哋會起過個新平台。」
經理話：「你喺三日內賺咗名氣，到時你就係新平台嘅台柱，大把觀眾。」
「只係一句『乜都得』，就會有好多人睇？我就會出名？」我唔敢相信，實現夢想可以係咁簡單。
經理笑一笑：「咁你搏唔搏？」
我應承咗，冇幾耐，經理就同我簽合約。
合約內容好簡單，我要喺直播房內逗留三日，一舉一動都會被直播，每日朝九晚十一，每個鐘我都要按照投票結果去做一件事。
間房係從內上鎖嘅，出面嘅人入唔到嚟，只有一個送飯嘅小窗，送入一日三餐。
我隨時可以開門出去，但三日內，如果我拒絕任何一項力所能及嘅要求，或者離開呢間房，我就要賠償高額嘅違約金。
只要我做齊要求，三日後，我會得到一筆豐厚嘅酬金，仲會按觀眾人數分紅。
即係話，就算我呢三日冇紅到，我都有資本繼續追求我嘅夢想。
我毫不猶豫地簽咗約，經理馬上去安排，「乜都得」直播即將開始。
我化咗最靚嘅妝，帶埋最靚嗰幾套衫，入房、鎖門、對住鏡頭介紹自己。
「係咪真係乜都得㗎？」最多觀眾問呢句。
冇幾耐，第一次提名投票就開始，「除衫」嘅票數一騎絕塵。
呢個結果我一啲都唔意外，我爽快地除晒上身嘅衫，連內衣都除埋。
我喺鏡頭前走嚟走去，展現自己美好嘅身段。
觀眾一片嘩然，以往佢哋睇直播，一旦露點，直播好快就會被中止。
一傳十，十傳百，好多網民都知道咗呢個「乜都得」直播。
觀眾人數迅速上升，我嘅喜悅難以言喻。
下一次嘅投票結果，係叫我除埋條褲。
第一日嘅投票，幾乎都係叫我做啲色情嘢，其實呢個結果我都估到。
做得呢個直播，我都冇打算講咩矜持，每個鐘都按照網民嘅吩咐，做一啲極奇怪嘅動作。
下集：https://bit.ly/30Ah9Wm
將專頁設定為「搶先看」/ "See first"，最新故仔馬上睇！
殭屍唔易做：https://goo.gl/eAjdEX
坐監之後：http://bit.do/e8MuY
#短故 #短篇 #小說 #陳美濤 #廣東話 #粵語 #tomatochan #直播乜都得
