［今日寫呢啲］昨日講咗真人垃圾股實驗（錢已輸）同埋新世界17國泰293維他奶345，今日近乎冇講個股，只講市況
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
港股嘅，見咗底未？「實情問呢個問題都廢廢地」，你問我當然係見咗，但不信嘅恒不信，一樣可以話「只係死貓彈唔係真見底」，而根本拗呢啲浪費時間，你往往係一年甚至幾年後先知係咪「真見底」。唔好笑呀，美股舊年到而家，升足18個月，標普指數都升100%，唔少公司升幾倍，都仲一路有人話「同實體經濟脫節」。甚至係「金融海嘯嘅問題都冇解決過只係印錢吊住命」，咁點？即係恒指跌返去100點？你慢慢。「冇嘢唔可能」
投資者未必真係善忘，但你見一堆high beta股照升，阿里巴巴騰訊美團之類都彈，足以證明咩「監管風險冇得計 冇人敢買」係廢話。唔係人買係咩買？雖然就快七月十四。而且，你見唔止係北水買，外國啲中資科技ETF都不停吸金。Patreon入面有睇到。
根本，又係老原則，重賞下有勇夫，殺頭生意有人做，risk and reward之嘛。呢啲咪外行人同內行（我算內行啩？）嘅分別。你只講narrative，邊間公司點勁點勁，咁升10倍你仲追唔追丫？1000倍呢？總有個價。固然冇得你考試咁計個mu 同 sigma，但總有個譜
美股嘅，掉轉頭，都係未係好有力再上，任你講點勁點勁，都有個價。況且8月例淡，文入面有圖。冇錯係過咗基建方案，舊經濟股跑出，債息升，但我中長期都係睇唔會大升。原因文入面講，但實情都好簡單。
2022年2月當然係一個變數，咁話埋你知乜事都得，聯儲局主席鮑威爾任期滿。原本我認為連任冇問題，但而家又似乎有暗湧。點解我之前覺得冇問題？又咩人反對佢？文入面分析。咁你話，扯，2022年2月先屆滿，有排。就錯到不能了，你估人地2月先忽然話你知有冇得連任？仲有，炒預期嘛
每日一圖嘅，呼應返我又見工。咁你估都估到，美國人搵工，最重視嘅係乜（定你以為係成就感或者work life balance追夢）。不過我好似講過一百幾十次，呢啲「調查」，其實係廢廢地。文入面講點解
第二個圖，RobinHood大過UBS，亦即係兩間Nasdaq交易所咁大。你可以諗下make唔make sense．你要買嘅隨便你，不過再一次話你知：你只講narrative，邊間公司點勁點勁，咁升10倍你仲追唔追丫？1000倍呢？總有個價
Good read嘅，第一篇，當然係以色列發明。百合面，好似百合匙咁，40%情況下都呃到啲人面辨識系統。40%，其實好高了。我當你個電話或保案系統，錯三次先鎖機，咁即係，佢過到嘅機會，係78%（中學數學啦，真係唔識計嘅文入面教你）
第二篇，面試常見嘅20個問題，好大路，你好可能聽過，甚至問過人。都好多文講呢啲嘢，但呢篇個作者寫得幾好。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
