多謝雄叔叔
煒哥的味道
最近拍墮落花，雄叔叔再度同煒哥陳煒合作。
諗返起好多年前，亞視神劇「縱橫四海」嘅監製鄭偉文先生第一次介紹煒哥俾雄叔叔認識，當年煒哥在清水灣片場拍緊「美麗傳說2」，鄭偉文約埋我哋喺附近坑口大排擋傾過一啲合作，但最後都係唔能夠成事。
到咗2013年雄叔叔開拍「重口味」再搵嚟三個新晋導演，其中一個故仔由羅耀輝執導嘅「有殺有賠」雄叔叔都搵咗煒哥客串一角。
嚟到今年，要開拍墮落花，戲入面有一個類似「無間道」入面黃Sir嘅角色，我諗都唔使諗就搵煒哥去主演。呢個一剎那嘅感覺係好奇妙，一見到角色就諗到係要請煒哥嚟飾演，好在最後都請得到佢嚟演，戲入面嘅佢非常聰明，放咗好多支針喺販毒集團入面，睇見佢同Irene嘅對手戲，又係一種享受。
其實咁多年嚟，煒哥都係雄叔叔其中一個用電視撈飯嘅原因，無論係「我和殭屍有個約會」嘅妙善上師、「萬家燈火」入面嘅牛天恩，再到無線時期有「火線下的江湖大嫂」「果欄中的江湖大嫂」「梟雄」嘅桂生姐、「宮心計2深宮計」入面太平公主奪得最受歡迎電視女角色，睇到煒哥去咗大台後一劇接一劇，佢不斷努力求突破，雄叔叔都非常欣賞煒哥嘅演出，既有彈性又夠睇頭。煒哥忙還忙都要抽時間同雄叔叔吃飯吖！哈哈！
之前無線曾經拍過一套非常受歡迎嘅烹飪節目「煒哥的味道」，入得廚房出得廳堂，煒哥有幾正，唔使我再多講。
當然，大家都知道，雄叔叔係「港姐殺手」港姐系列呢幾年雄叔叔都合作唔少，反而亞姐系列當中，當中除咗我摯愛伍姑娘之外，煒哥被外界認為係繼利智、葉玉卿同楊恭如後另一位神級亞姐，雄叔叔今次呢個選擇，都幾值得大家期待。
仲有好多墮落花嘅消息，記住睇實我哋〈雄叔叔old school〉專頁，如果想孝敬吓雄叔叔嘅，讚好、留言同分享就最好嘞，精彩內容陸續有嚟。
本地製作有限公司 雄叔叔 Old School
陳煒 Alice Chan #陳煒 #煒哥 #堕落花 #本地製作
