呢排同啲新朋友吹開做運動嘅嘢，佢地都會問應該舉嘢先定跑步先呢?
我地又嚟睇睇吖
加強燃燒脂肪的秘密
大家都知道要減低身體脂肪比例都係離不開做帶氧運動+阻力訓練
咁大家平時做運動嘅時候，係做帶氧先定阻力訓練先呢?
以前PE阿sir教落先做帶氧運動先再做阻力訓練，最近一年我改變咗一向嘅訓練模式，就係
先做咗阻力訓練先再做帶氧運動，點解呢?
以前阿sir教話先做帶氧運動嚟warm up身體然後先做一啲非帶氧運動嘅cross training，但係先做帶氧運動可能令我地係後段嘅重量訓練中較容易感到疲累，而較長嘅帶氧運動係燒脂有一定嘅幫助，再配合重量訓練做cross training，可使我地嘅肌肉減脂之餘，仲會結實啲同firm一啲。
但根據格拉斯哥大學所做嘅最新研究得出，”我地係做任何帶氧運動之前先做20分鐘嘅阻力訓練，可令燒脂嘅速度加快”……!!
佢地叫參加者係一星期裡進行咗3次嘅鍛煉，每次先做20分鐘輕鬆嘅阻力訓練，再做40分鐘快步走，呢1個鐘嘅訓練中，燒脂量卻係等於快跑兩小時，數據顯示燒脂嘅效果提高了1-2倍，由於阻力訓練使人體脂肪氧化嘅速度加快，呢個都意味住打後嘅帶氧訓練中能應付更長嘅時間，即係耐力都好咗。
句地又有咁樣嘅理論，帶氧運動係最初期嘅時候都係先利用肌糖同肝糖做能量，到咗一定時間先進入脂肪做能量嘅帶氧狀態，但經過糖類嘅消耗，大家已經開始感到疲倦繼而停止訓練；而如果先做阻力訓練的話，能將從脂肪提取能量嘅時間會提前，肌肉亦唔會太易感到疲累。
聽完之後我每次都咁樣訓練，係跑步嘅過程中自我感覺真係比之前來得輕鬆，係中尾段嘅疲累感唔大。
我都有叫我嘅學員同朋友先做一啲exercise先去跑，大家都話雖然初頭7-8分鐘係辛苦啲，但係跑落去耐力方面係好啲。
想減脂嘅你都試試改變一下訓練模式吧~
