【支持本Page營運，請加入成為Patreon會員，謝謝！】
之前Ted Cruz否決《香港人權與自由選擇法案》比黃屍圍剿，其實就係因為呢班政治幼兒唔明白大人嘅政治遠比佢地想像複雜得多，所以明明特朗普一直鼓吹重建偉大美國同盡快撥款紓困，但卻又接二連三否決國會提案，一般時事KOL都講唔出背後所代表嘅特朗普主義。
首先特朗普否決國防政策法案，最主要原因係基於兩點：一係以南北戰爭入面邦聯軍將領為名稱嘅軍事基被迫改名，二係要脅國會必須取消《通訊端正法》，阻止Facebook、Twitter等媒體再以「維護新聞真確性」為由打壓言論自由。
前者其實就係特朗普對左膠主導嘅「政治正確」潮流作出反擊──本來一個軍事基地嘅命名，放諸響超過7340億嘅國防預算上面，根本就完全無乜嘢重要性。但特朗普拎呢樣嘢出黎作為反對通過國防政策法案嘅原因，就係要表達對而家美國左膠風氣盛行嘅不滿：南北戰爭當然雖然打得慘烈，但基本上雙方將領都維持彼此尊重，戰後唔再互相仇恨，以邦聯將領命名軍事基地更係一種「大家都係美國人」嘅復和表現。
美國一班左膠繼要求拆除邦聯軍將領銅像、改動州旗嘅邦聯要素，再去到而家要郁軍事基地名稱，其實就係想借「政治正確」奪權──唔好睇少呢啲枝節，因為權力滲透嘅第一步從來都係由政治正確開始──例如獨裁政府對言論審查，好多時都係由你覺得無關嘅色情暴力開始，如果唔係近呢幾十年荷里活同媒體不停大聲疾呼女權、黑人也是命，媒體會咁容易比Deep State控制得倒
其次就係《通訊端正法》230條。呢個其實係無論民主同共和兩黨都希望作出修改嘅法案，但遲遲都未能夠落實改革，明顯就係朱西八格、Bezos、Jack Dorsey呢啲媒體鉅頭從中作梗──事實上本來作為守護言論自由而立嘅《通訊端正法》，而家已變成呢班網媒流氓操控言論嘅工具。
而家無論Facebook定係Twitter，都可以對特朗普嘅發言隨意進行刪改、加上同事實不符嘅警告字眼，甚至隨意禁言，都完全唔需要負上任何法律責任，依仗嘅就係呢條《通訊端正法》230條，你話係咪好撚諷刺？而家一堆Deep State媒體又撲出黎護航話國防開支根本同《通訊端正法》無關，特朗普根本唔應該綑綁埋相提並論──但正正就係特朗普知道呢班友一直想拖到件事不了了之，所以先要響呢個任期最後一刻同邪勢力攤牌！
=========
特朗普聲稱目前嘅紓困法案只有600美元直接交到美國人民手上，所以要求將派錢總額提升到2000美元，而唔係將大多數支出都拎哂比僱主出糧。呢個道理表面上好似大家都明，但班黃屍可能已唔記得咗，當初社民連黃毓民主張特區政府派錢一萬，反對得最犀利嘅就係佢地撐果班垃圾飯民，不停噏住「派錢只會益咗有錢人」、「要精準扶貧」，結果政府儲埋儲埋啲錢就拎去起明日大嶼──所以從來都話，垃圾黃屍係唔配支持特朗普，因為佢地嘅價值觀根本同後者南轅北轍。
但反對理由卻唔單止係咁。呢個纾困方案係經過共和民主兩黨長時間搓商後先得出黎嘅妥協結果，所以其實係包含咗各式各樣代表背後利益嘅恆常政府支出：例如資助柬埔寨同緬甸超過兩億美金、埃及13億美金、中美洲諸國5億美金等等，符合美國民主黨嘅國際主義。
雖然左膠一直強調，資助海外只佔開支一小部份，但偏偏而家柬埔寨就係最親中嘅東南亞國家，啱啱先響11月兩度拆除由美國資助嘅軍事設施，響中共幾十億收買黑金面前，你拎幾千萬美金根本起唔倒任何作用，同丟落咸水海無分別；至於埃及就更加搞笑，唔單止積極向俄羅斯洽購Su-35s，最近披露機密文件更顯示俄羅斯正打算響埃及建立軍港──然後民主黨一邊批評埃及政府多番違反人權民主價值，另一邊卻又支持撥款資助埃及政府，簡直係精神分裂。
不過最搞笑嘅都係要講到響特朗普發表「唔每人派錢兩千美金我就否決議案」，眾議院議長Pelosi立刻出黎表態支持──如果呢件事發生響香港，當一個反對派提出政見被建制表態支持的話，弱智黃屍會點諗？當然一定會話特朗普係鬼。
點解特朗普要同民主黨「聯手」？一來佢從來都係跳脫兩黨格局嘅民粹主義者，佢只為普羅人民，而唔係政黨大台服務，二來我已一再強調，今次特朗普大選落難，民主黨同Deep State雖然係主謀，但真正關鍵卻係背刺一刀嘅共和黨建制──好多黃屍聽見「飯民」兩個字就當正係自己人，口噏噏不分化不割席，卻完全無視民主黨之流多次走入中聯辦、功能組別同政府打龍通投贊成票或者棄權票為林鄭護航，其實係一樣道理。
共和黨一直反對直接派錢，除咗因為佢地主張限制政府開支嘅經濟理念外，更因為佢地希望政府開支能夠同佢地本身利益掛勾：好多政府恆常開支仍然資助一啲已停止運作嘅公私營部門，個原因就係因為呢啲部門養住佢地一堆地區選民；資助公司出糧比僱員而唔係直接派錢比市民，更係由於呢班共和黨政要本身好多都係大老闆。
而家特朗普就係要黎一招絕地反擊作報復，利用兩黨之間嘅矛盾，將呢班既得深層集團嘅利益輸送切斷，一拘泥於政黨框架，一心以美國群眾利益為先，呢種就係特朗普主義。
然後又會有人擔心，美國資助海外開支上面，香港都包括在內bor，咁咪即係攬炒？咁首先過咗咁耐，大家都應該知道特朗普政府，尤其係龐佩奧係對香港有特別偏愛，相信就算刪減資助海外開支，都未必因此減少對香港嘅支持。
更何況美國而家資助緊香港幾多錢？區區300萬美金咋，同香港億億聲嘅黃色經濟圈同眾籌圈相比，濕濕碎啦！再者，呢幾百萬美金資助嘅，從來都係肚滿腸肥嘅飯民大台，一般勇武本土根本濕腳嘅機會都無。當然仲有最重要一點就係：我地而家要嘅係制裁，而唔係資助呀！
