神是不會「已讀不回」
（長文慎入⋯）
認識我們三毛一家的朋友，大概都會知道大毛Elmo，2017年(當年10歲）已經確診腎病，知道既時候已經係二期，所以，那天開始，我已經每天幫佢打水，部分飲食控制。每半年抽血一次，很感恩，這4年來，牠的指數一直算穩定，今年頭，更曾經回復正常。
7月8日，是半年一度的年檢，可是，指數卻是近年最高CREA 3.5，很細心的陳醫生覺得奇怪，慎重起見，多做X-ray。15分鐘後，X-ray發現，其中一個腎的形狀出現問題，有疑似的腫塊，就好似豬腰上面多咗一個波波，由於Elmo幾年前也照過X-ray，卻沒有這情況，所以，他認為，有可能是腫瘤，當然腫瘤有好有壞。為了有確實的結果，安排了一星期後，做超聲波。
那天，半年前Milo與癌病戰鬥的畫面，一幕一幕，在腦海浮現，我同神講：「我才剛剛從深谷走返出來，真係剛剛一星期，你唔係覺得我仲撐得住啩！老老實實，我真係唔掂，雖然，我真係真係明白萬物有時，但係遲少少都得啩！」 不住的禱告，不斷的眼淚，這12日，我好努力令到自己生活如常，但係，真係擺脫唔到擔心同憂慮。
無同大家，係唔想大家有不必要的擔心。今日，報告出了，大毛有先天性的多囊腎PKD，在異短及波斯很常見的遺傳病，雖然，不能治癒的，但可以透過打皮下水及飲食控制減慢腎衰竭，比起腎腫瘤，已經是一個很好很好的消息。想告訴大家，最清楚我的，就是父神，祂從沒離棄，祂的恩典夠用。感恩🥰
大家都不要擔心我，我嘅強項係照顧人同貓，仲要係飲食控制，我哋會盡力的😺
