《主子陪你食飯🐱豐富2人餐💖》
早幾年去過一次位於旺角嘅URBAN Cafe，最深印象唔單只係Cafe有好多貓貓🐱，而且食物味道都唔錯，呢點都算係有驚喜。後來先知佢原來仲要係#黃店，知道佢喺觀塘開咗分店，又相信呀爸呀媽呢世都未去過呢種cafe，特登帶埋佢地試下。
.
觀塘分店佔地比旺角大得多，環境更寬敞，貓貓同食客都有更多活動嘅空間😚🤟🏻，未食嘢觀塘分店已經贏咗成條街。
.
📍2人套餐 ($328）
2人餐包兩份餐湯、沙律、主菜同飲品，計落都幾抵食。
.
餐湯-忌廉南瓜湯🎃質感creamy，幾好飲。
.
🔻滋味2人小食拼盤(+$28)：
加$28就有小食拼盤，呢個價真係必食🤟🏻。
份量一啲都唔少，拼盤內有炸雞塊🐥、扭扭粗薯條同炸魚柳🍟🐟。炸物火候啱啱好🔥，做到外脆內軟，又夠香口惹味👅，非常好食😋！炸物控千祈唔好錯過。
.
主食選擇都唔少，仲可以自選2款。
🔻挪威煙三文魚水煮蛋黃金卡邦尼扁意粉🍝
意粉賣相好吸引，上面放咗隻溫泉蛋🐣，劃破蛋黃後蛋漿流出好吸引💛。蛋漿加上卡邦尼醬汁更加濃郁，有種漿口滑溜嘅感覺😌。扁意粉煙韌，三文魚肥美但份量較少。
.
🔻安格斯牛肉手工竹炭漢堡配脆薯
漢堡有厚度，味道亦唔錯，肉質軟腍唔知係咪加咗豬肉。手工竹炭漢堡🍔質感鬆軟，配上芝士🧀、生菜🥬、蕃茄🍅，的確係幾好食。旁邊仲有扭扭薯角🍟，好食過一般薯條好多🍟。
.
🔻400次玫瑰咖啡☕️
絕對值得加錢飲呢一款咖啡☕️，咖啡味道濃郁，而且飲落感覺非常香滑，加上上玫瑰花醬🌹，味道更為突出。
.
🔻400次抹茶🍵
如果你唔係好中意飲咖啡，又想試下佢哋嘅400次飲品，草根建議你哋試吓呢一款抹茶飲品🍵。上層係抹茶泡沫，飲落似抹茶latte，溫和易接受😌。
.
🔻抺茶/朱古力味奶凍(+$18)
套餐+$18有得食埋奶凍，估唔到都幾有驚喜😍，濃郁而且質感嫰滑，好食😋！
.
二人餐再加小食真係夠晒飽，性價比幾高！
.
URBAN Cafe (駱駝漆大廈) (觀塘)
觀塘開源道62號駱駝漆大廈第1座6樓
.
旺角水煮魚 在 香港川菜關注組| 早晨大家，水煮魚雞軟骨中辣，爽 - Facebook 的推薦與評價
水煮魚 中辣，d魚肉件件都係厚切，非常滑，個水煮汁好麻好香好惹味，入面仲有好多配菜，食果時可以吸收晒水煮汁嘅精華，都唔錯。 辣子肥腸，炸得非常香脆，d肥腸食落唔算太 ... ... <看更多>