《臨老學IG》
作為影相白痴既我，IG一直都係封塵為主，一直都係FB寫作既我，喜歡長篇大論既我，好唔習慣IG既模式，係唔同場合，唔同朋友都有勸我開IG，經營IG，話FB係老人家先睇，後生既都係用IG多，再唔改就會比時代淘汰。
打開IG個下，個感覺就好似見到自己父母開設FB一樣，佢地會轉發新聞，打上幾句無配圖無舖排既文字，有時鬧政府，我會同佢講，你唔Add朋友，其實你點打都唔會有人睇到。
喜歡文字，唔識影相，真係唔適合用IG，單憑佢大大張圖，文字只會顯示頭兩句，你想睇，要㩒一個極細又唔顯眼既「更多」先可以睇到，你就會知道呢個地方，圖片先係王，文字係次一等既存在。
一星期既接觸，我同老婆講，其實IG有咩好睇呢？我來來去去都係見到明星既生活，食左咩？去左邊玩？好簡短既心情同加Fliter既相，貓貓相同片，球類情報，同埋唔少得各種性感美女既自拍！
佢同我講，我睇開咩，咪會比咪我睇囉，你停留得多美女自拍，你咪更易收到美女自拍，就係咁簡單！
然後佢問我，用十分鐘睇IG可以睇到幾多野，而用十分鐘睇FB你又可以睇到幾多野？的確，以相為主既，我地可以用極速分析出自己想唔想睇，唔想睇既一秒都唔駛就可以帶過，然後系統就會判斷出你想要既係咩，再派送你想要既內容比你。
我話，咁速食既地方，真係會有所得著咩？佢話，唔係人人都希望睇說教，人有唔同既需要，就好似你去書店，你可以揀小說可以揀散文可以揀漫畫可以揀旅遊書，IG就好似旅遊書咁，打開既人就係想放空，想簡單，想旅遊，你如果係旅遊書之中不停說教，班人得唔到自己想要既內容會放低你都好正常，就好似有人睇本小說，睇睇下發現係資訊性既旅遊書，都會放低咁。
唔……老喇，老人家既心態就係，我認為好既野，就必須要全世界都覺得好，我需要既野先係好，因為我食鹽多過你食米，你唔識欣賞，係你太年輕。
老，並唔係一個實際數字，唔係你30歲定60歲就界定為老，而係心態上，你仲會唔會跟得上呢個時代年輕人既步伐，同佢地打成一片，跟步伐唔等於要同佢地一樣，而係你係有自己風格同經歷之餘，亦可以接受到、溝通到。
唉，又七百幾字，我都係喜歡長篇大論，呢樣真係要改改，其實篇文既意思好簡單！
我開左IG喇，Fd子麻煩去Fol一下！唔Fol的話我會好傷心！
以後我會將部份比較生活同簡約既內容只放IG，個邊會比較Chill同Lifestyle，唔再係長氣既我
而FB風格將會一如以往咁長氣同純文字！
IG: Maydreaming1123/ search 蔣薇
https://www.instagram.com/maydreaming1123
明星系統小說 在 穿越平行世界，林夏成了在十八線徘徊的小明星。 眾所周知 的推薦與評價
這家夥好像是個 明星 吧？ 唱歌演戲的事兒他是一個不幹，生活百般武藝他是樣樣精通是吧！？ 這裏是橙子說漫每天不定時分享精彩漫畫 小說 故事如果你喜歡 ... ... <看更多>