［第八餐］檀島灘岸點點燐光
呢度啲讀者都係有啲奇怪，叫平嘢又話劣食都評一餐（有逼你睇？況且，邊個話係食評？）。叫貴嘢又話嘩你渡假呀（同上）。所以有時都係寫股票好，雖然寫股票都係咁，嘩，寫Facebook 寫Apple 使撚你寫咩，我都識（咁退咗休未？）。寫偏門嘢又，嘩，寫埋啲垃圾股。
嘩，嘩，嘩。寫KFC又話 咁都寫一餐，食米芝蓮三星又話 屌你貼埋啲嘢咁貴好離地喎，想點？
Anyway，即使以本人好低嘅標準都好，檀島，都肯定係劣食，我諗呢間真係在香港人人皆媽的。2008前後有一排我都耐唔耐食，都還可以，近年就真係唔好。當然外賣蛋撻嗰啲應該還可以
咁登登，其實都講過啦，古語有云，FILTH， Fail in London, Try Hong Kong．同樣地，Trainspotting咁（＊）。FIHTW，Fail in Hong Kong, Try Taipei
都係嗰句，當地人同遊客食嘅，係兩樣嘢。同樣地，你進軍海外時，又係兩個世界。例如啲韓仔瘋狂咁食許留山，你在香港真係不能想像。「但鬼佬鬼婆都唔明你地做乜當COACH係名牌」
以前都寫過，檀島開到台北。仲要開在信義區新光三越，嗰時要排兩粒鐘（！！！）。而家好似開咗五六間分店，勁唔勁？而當年我都寫過（唔係最多人排嗰時），係遠比香港好食的，餐牌都唔同
咁你見到，就係呢度，茶樓三寶，蝦餃燒賣叉燒包。加埋所謂嘅「絲襪奶茶」，非正式估計，台灣啲香港茶餐廳，全部都叫「絲襪奶茶」，除咗Exotic，亦可能同平時春水堂之類嘅區分。
奶茶不錯，留意佢不設小甜，但本身就唔會太甜，還好。見佢差不多所有嘢飲都唔會畀你揀多甜小甜走甜。
另外，上次食過腸粉，相當不錯。今次冇得叫，唔知時間唔啱定係冇做外賣定已經唔做。仲有，午餐晚餐時間仲有小炒呀 燒味飯呀 牛河呀之類。
咁講返呢個蝦餃燒賣叉燒包，唔好意思食咗兩粒燒賣先影相，另外，埃汾都係有少少強迫症，個順序一定燒賣—蝦餃—叉燒包，仲要係食完一樣先另一樣嘅。
盛惠？連埋運費（唔記得用優惠碼），470，「但結果我食咗940」，下篇文解點解。
（＊）Some people hate the English, I don't. They're just wankers. We, on the other hand, are colonized by wankers. We can't even find a decent culture to be colonized by.
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h） #ivanliresearch #台北隔離十四天
春水堂 餐牌 在 春水堂Chun Shui Tang HK - Home | Facebook 的推薦與評價
春水堂 於1983年成立，傳承唐宋年代的茶飲文化，再以現代演繹創出世界第一杯台式泡沫紅茶和風行全球 ... 【 一田百貨(YATA) - official Page X 春水堂- 春日餐餐有賞】. ... <看更多>