【特別推介】 琴日有睇Gamehub嘅都應該估到我睇左《真‧三國無双》嘅首映，見到特別推介呢四個字都知我係黎同大家講睇後感同送飛(想拎飛就直接飛最後)
----盡力無劇透睇後感----
老老豆豆，見到無双變電影，都預左佢好大衝擊，而佢絕對無令大家失望，你睇緊嘅呢段時間，佢係會不停挑戰同衝擊你對三國同無双嘅固有觀念。
電影入面部份角色還原度係非常高，好似袁紹、劉備，個感覺係好有喺度；當然亦都有「新演繹」 ， 但係你都會收貨嘅角色，例如林雪版董卓，古天樂版呂布，就算佢同隻Game 有出入，但你依然覺得「ＯＫ，呢個我可以」，咁都當然有部份角色你睇完係黑人問號架啦。
劇情方面你都唔會Expect 無双會有咩特別劇情架喇，所以呢個位我唔講太多。
大約要講嘅前設都講完，係時候入睇後感。
電影改篇嘅戲如果要格硬跟遊戲，就多數都出事，可能係因為咁，今次電影導演同編劇就剩係拎左「無双」部份元素去玩，重新去編過一個新故事。但係無双本身就一個打幾千個，如果你要認真講，認真做，件事就九成都會勁膠，你諗下平時大家打機撳完「圓圈」，個角色轉完一大輪，ｄ 士兵飛到十九幾萬丈遠，如果真人拍出黎會唔會好gag?
一定會，可能就係呢個原因，所以成套戲嘅風格我可以話佢係「認真地玩野」又或者係超豪華Cosplay演出。
每個角色只要一打交就Chok到阿媽都唔認得，每次無双技都地動山搖（客觀描述，唔係誇張形容），一大堆睇到你下巴掉落地嘅橋段，基本上佢每十零分鐘就會衝擊你一次，當佢「發完癲」，就會比段好認真嘅文戲你；當你以為成套戲都係咁，轉個頭佢又爆你一次，呢個感覺真係我咁大個仔都前所未有。
或者假以時日，佢都會成為香港《The Room》。
-------------------------------------
如果大家想睇嘅話，我都準備左 5set 換票証（每set兩張），只要Share 呢個post 加埋留言話我知你想睇嘅原因就有機會拎到，5月3號我就會揀5位巴打出黎，到時記得留意Page呀！
#最失望係玩到咁痴線都無魔關羽
#依家好似進化到黑關羽
