大家有冇投機bitcoin? 我老公有，早排極小注買左2500蚊港紙，「狠撈一筆」帳面升左四成。
「早知買多個零頭啦！」我老公抱怨。
「拿，唔得咁架！我地當係去一轉賭場，拎兩千五出黎玩下，贏左當賺餐飯，賭左當入場費，點都係開心。但如果我地買兩萬五、甚至廿五萬，到時候無論升同跌，你都唔會笑得出。」我提醒老公「勿忘初衷」。
「你岩，我都係講下笑，你叫我拿幾萬蚊出黎賭，我都覺得太瘋狂了。」
「今晚慶祝我地去買生蠔食好嗎？」我挽著他的手臂甜蜜地說。
「呃... 寶貝，但是我不吃生蠔啊...」我老公忽然意識到什麼。
「我吃嘛，你看著我吃就好了。可不是每個男人也可以請我吃生蠔的哦～」我的笑容依舊甜蜜。
「老天... 我能拿你什麼辦法？」
其實投機沒問題，投資也沒問題，最大的問題是投機的時候以為自己正在投資。
人地KOL 食自己讀者大茶飯，我就唔阻人開餐啦，但我人妻先生對於食自己讀者真係冇乜興趣，所以提提大家，比特幣賭兩手係可以，但唔好同佢賭身家，更加唔好借錢碌卡去賭，因為回報係未知之數，但每個月嘅利息都係實實在在的，你回到本之前，隨時已經被利息複合吃光所有利潤，去到最尾，唯一有錢賺那個人，就係推薦你去賭的那個KOL，星星之火未必燎原，張張卡數一定上身。
的確，從比特幣賺錢不容易，但是從貪心的人身上賺錢，就容易得多了。你要記住，坊間好多比特幣相關的「投資計劃」，如果一個投資計劃真係咁實在、佢合作伙伴真係咁把炮、真係有咁高回報率，佢其實可以去搵創投公司、搵天使投資者，甚至可以搵我— 我幫你行落兩層搵企業融資部個呀頭又有乜所謂？你要幾多個億？你諗下佢地都唔敢融資，你去到唔係融資，係俾人溶吧？係囉，一定係啲專業人士唔夠醒目囉，至醒係你啦，成個創投界、成個金融界都走漏眼，係得你獨具慧眼，你係咁醒嘅就四年前買左bitcoin啦，駛L係度恨咩？
點解會有「荀野」派出黎「益讀者」？家陣同你好熟咩？有好野唔叫自己呀爸呀媽親朋戚友訓身，而係走黎叫讀者參與？你幾時見我會將我的後宮親衛隊拎出黎派街坊？
再睇埋佢啲「讀者」多謝佢嘅截圖，其實同小賭怡情大賭變李嘉誠的模式餅印咁款！我個專頁得兩萬零人，都成日收好多讀者私訊多謝，可能我班中產讀者真係質素唔係幾好，個個私訊都係一句兩句就send，又或是一段說話分幾次send，之後成日都sorry for 1999，但你睇佢啲讀者？個個都有文有路寫足一段，作文咁作架。
#尋晚Kelly鬧得我好岩
#其實呢啲名家
#高手在民間
#失手在陰間
#一年都唔知跳幾多個落黎
#做人做狗自己揀
#有冇諗過可能你做嘅係水魚
#有冇苦主想同我呻兩句
#我唔係話比特幣呃人
#我係話啲周邊產品極度可疑
#同埋呢個KOL都好可疑
#要買就正正經經買比特幣
#腳踏實地去炒賣
