放完個聖誕新年假，各位同我一樣咁青春可人嘅中學生，又係考試嘅時間喇！各位 so far 考成點呀？
想當年仲係少艾（唔係廿幾年前，只係幾年前姐），老娘我寧捨驚聖誕假之後嗰次期考，因為放假咁 happy，一定無乜點溫過書㗎嘛，仲放假放到瘟瘟燉燉，無喱精神又唔夠集中，搞到考試嗰陣發生唔少蝦碌同緊張嘢：
1) 隔離係咁加紙 嚇親寶寶
有次考 History，隔離啲擾敵 L 一嚟就「唔該加紙！」，我心諗：「連名都未寫你就加紙呀？張紙愛嚟墊枱？」一條 essay 寫六萬幾版，唔係講笑，真係幾有壓力，又影響我集中力，有一秒會比呢啲加紙嘅師兄拋窒。
2) 禮堂凍到西伯利亞咁
大家唔好睇少禮堂嘅溫度，隨時連西伯利亞人都頂唔順，試過一路做卷一路呻鼻涕，呻到無紙巾就用冷衫呻（so99y 我好污糟😂），其實係勁影響集中力。千其唔好慒盛盛，記得帶件褸 + 紙巾呀！
3) mc 連續幾題答案一樣
考試真係會緊張大師上身，唔知邊次考 maths，答答吓見到自己連續答幾題都係同一個 choice，即刻心煩、多疑、恐懼…… 然後對答案嘅時候發現老師陰你，同你玩心理戰！
4) 唔記得寫題號 / 考生編號
試過唔記得喺個 cover 度寫題號，然後比個擾敵 L 嚇鬼我：死喇，會 fail 㗎！
5) 衝破個人紀錄 人生史上最低分考試
是咁的，中三嗰次期考，聖誕假無溫書，炒到阿媽都唔認得，Physics 得 12 分……😂咁多科呢，至憎就係 physics😡我同愛因斯坦完全做唔到朋友！大家試過考試測驗最低分係幾多分？
以上呢啲蝦碌同緊張嘢，大家又有無試過呢？無論發生咩都好，記住唔好慌，保持個腦清醒之餘，集中力亦都好緊要，唔好比周圍嘅事影響到！
#考試擺枝葡萄適旁身 #考之前飲番枝
#葡萄適Lucozade 特約 #好多年無考過試喇
#有諗過報吓dse玩吓 #係咪得閒得滯
