【蜜兒廚房】跟蜜兒食遊世界 — 大阪京都篇 | 丸久小山園西洞院店 抺茶元庵🍵
京都抹茶名店很多、如中村藤吉、伊右衛門、茶寮都路里以及今天我地去嘅哩就係丸久小山園西洞院店，於京都宇治，為咗方便客人購買小山園抹茶產品以及品嘗高品質抹茶所做成嘅茶飲、點心，小山園喺京都中京區西洞院通上開設了咗一間茶房「元庵」，主要供應抹茶、玉露等自家出品嘅茶，仲有少量限定嘅抹茶甜品。
最為人熟悉「宇治」只是日本抹茶產量最大，追查歷史，卻係種茶世家。丸久小山園於元祿年間（ 1688年至 1704年），由小山久次郎創立，一直自己種茶，自家烘焙，丸久小山園是宇治最早種茶茶商之一。
小山園嘅抹茶粉非常講究，單是高級濃茶已有十種，單是高級濃茶已有十種，以「天授」（ 40克賣10800円）最貴，以「雲鶴」、「金輪」、「和光」最廣為人知，用小山園抹茶粉就整到高質啲甜品，但真係望下欣賞就夠，真心貴...
由一間町家改建而成，好有味道，一入到去有陣濃濃抹茶香味，欣賞一下特別研發出來嘅磨茶石臼。前面半鋪係商品販售區，行入去就係日式茶室喇！店鋪唔係好大，有幾間茶室方便一班朋友茶聚，廳都有13個座位，傳統町家有個日式小庭院飲下茶望下景幾寫意。
各式各樣嘅茶具及茶道用具，放在一角做擺設，亦都係吸睛焦點👀
我地叫咗兩個抹茶のロールケーキセット（抹茶蛋糕組合 1200円）套餐，熱抹茶拿鐵，仲有品嘗哩度限定出名嘅自家抹茶卷蛋同Juchheim合作出嘅年輪蛋糕。
💚抹茶拿鐵
個抹茶拿鐵入口滑順，充滿奶香，抹茶味都好濃。
💚自家抹茶卷蛋
蛋糕質地超鬆軟，帶淡淡嘅苦味甘香醇濃，加埋中間個抹茶忌廉又軟又滑，明顯地比街外嘅濃烈得多成本所在，所以外層仲加多層純鮮忌廉，同食埋旁邊嘅紅豆泥達至平衡。
💚抹茶年輪蛋糕
最外層有一層白朱古力，層層堆疊紮實嘅口感，單買都要成3240円一個，真係貴咗啲，不過食過就會知價值所在～
最後仲送上一杯薄茶—玄米茶清一清口入面嘅甜味，清香宜人又帶到茶嘅另一個層次，跟住拎個「鳥」字木牌去俾錢就可以了，一場黎到都買咗樽返香港🍵 慢慢用黎整下啲抹茶甜品～
📍地址：〒604-8277京都市中京区西洞院通御池下ル 三坊西洞院町561
📞電話：+81 75-223-0909
⏰營業時間：9:30~18:00，茶房10:30~17:00（水曜定休日）
🚃交通：京都市巴士9、12、15、50、101 「堀川御池」站下車 徒步五分鐘。
