精彩。呢個香港，有啲歐洲賤香港人，搞唔死我，就搞另一個朋友。溝唔到女，就發動信徒網軍搞第二個。運動完咗，就係是非，就係收割。
成日想同佢地講，ゲット・ア・ライブ。hello UK 佢走出自己嘅路，就註定會被眼紅被搞🤟🤟🤟。
臨瞓廢話，順便鄭重道歉
近日有人好似發現小弟响2018年幫HKET旗下嘅《TOPick》寫個幾篇專欄，就覺得開心大發現咁覺得我係係羅茲威爾外星人屍體一樣想解剖。
老老實實，當年唔係講移民講咩？乜大家真係天真到覺得寫個咁低質嘅專欄，就會識得嗰個籐條人（話時話拉咗未？）？之後合約完咗就轉咗去集藍絲集中營《Yahoo HK》㗎。
問題係，只要有自由寫作空間，唔改呢樣嗰樣，可以將自己所想所寫嘅嘢有更多人知有咩問題？唔好同我講什麼黃藍乜乜物物，點解要比顏色去限制自己嘅思想？我個人好簡單，寫乜出乜都係基於三樣嘢，常理、邏輯同良知，我相信呢三樣嘢比顏色重要！
唔好話TOPick或者Yahoo HK，如果保證一筆不改任我寫，《講X講Y》我都寫，因為四圍鬧人然後圍爐取暖好容易，但係用邏輯、常理同良知去說服別人就難過上火星，但係哪怕只能夠說服一個都係成功，世上所謂嘅遊說工作嘅道理一樣，係要滴水穿石嘅耐性同堅毅。
另外，從來都唔覺自己係KOL，亦永遠唔會係，我不過係靠死力希望盡力去輕鬆啲了解本來好悶嘅國際事，無推演無估估下，只係講發生咗同發生緊嘅事。絕無要求大家完全接受我嘅觀點，只係希望大家睇完多一份了解同思考。相信大家都記得我講過，無資格亦唔希望去教人做乜唔做乜，因為我信任香港人嘅思考能力同獨立意志，唔好將自己嘅獨立思考交托比其他人（尤其是蠢扮醒嘅國際外交傳心師）。
本人當然有個人立場，本人每日睇至少八份報紙，唔只內容，就算揀乜出甚至先後都係立場，但係唔代表要強加响大家身上，因為大我深信家都有思考能力，個Page人多唔多表我叻咗醒啲，極其量都不過係比大家願意用多啲時間，同一個新聞睇幾個傳媒報導（為免比個別立場影響）。
好喇，關於Patreon，有人話係血饅頭，本人一日出至少4-7個FB Post，大家有無見到揸流灘，切頭切尾咁放上Patreon引人課金？無！相反，响FB輕輕咁講完背景，每日响Patreon伸延認真討論背後前因後果，自問係希望等價交換，每日都想支持者得到多少有啲營養嘅內容。難道每天用兩三個鐘睇，然後揀，再包裝得輕鬆容易有興趣啲係錯？最後仲要揀重要嘅認真cross check前後去分享，每晚玩到天光，難道要求一啲金錢上嘅支持都唔啱？況且從來都無威迫利利誘叫人課金，唔通真係期望好似樹咁光合作用？
最後，一個好鄭重嘅聲明，本人從來都唔會攻擊其它網絡創作者，尊重每個網絡工作者係個人嘅基本原則。但係！如果繼續搵用假Account或者Fans任意攻擊、抹黑或者騷擾我每個post嘅comment質素嘅話，我樂-意-奉-陪，絕不留手，剩返嘅時間乜都唔做剩係玩私怨，就算玩死自己個page都在所不息！就算要我雙膝跪地土下坐都好，都會跪求所有網絡上嘅朋友幫手（呢幾年黎大家低估咗我幫過嘅、合作嘅有幾多人，幾多事，只不過唔鐘意認屎認屁四圍講）。
先小人後君子，呢個post無開名係一個尊重對手嘅禮貌，希望大家以和為貴，特此聲明。（不過唔好打飛機解讀成我搵位比自己下台，TRY ME，睇下我係咪講真！）
YOU KNOW I AM TALKING TO YOU!
#完
#如果咁多年所做嘅一切係錯
#本人願意道歉
#不過仍然無悔繼續錯落去
