關於 東京上野 老 市場 ，我們在網路上蒐集到這些相關的討論、資訊與評價

［今日寫呢啲］已經從善如流，改善咗個影音版模式。由今日開始每篇都會有埋聲音版同埋影片版（錄住手機讀）。有人話可以電腦自動讀，我梗係知。但唔同嘅。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

Er，以前有個句式，「如果你鍾意A，你應該討厭B，因為B咪又係抄 A。如果你憎A，咁你更加應該討厭B，因為B cheap到去抄A」（＊）

今日想講係：如果你親政府，你應該抽iBond．如果你反政府，你更加應該抽iBond！根據 set theory，即係任何情況你都應該抽iBond．

原因都不用多講，不如問返你，有乜原因唔抽？哦，冇乜肉食。倒好似係。但冒住得罪讀者嘅危險都講句，我又唔覺啲讀者個個都億萬富豪。喂，用埋你老豆你個妹戶口一開三四，都執幾千銀喎。個個都覺得唔係錢？「咁快啲去訂我Patreon」「我開咗個$100美金 Tier」，咁你咪知道幾千銀係錢咯！

至於話麻煩？照計睇得呢度嘅都有投資戶口。我親身試過，由login到搞掂，唔使一分鐘。借問聲閣下有幾多行為可以一分鐘幾千銀？

至於點抽嘛，Patreon都教埋你，但講真度度都有教了。

亦帶到第二個課題：我本人覺得，去睇YouTube實係好Q反智。唔係指睇YouTube呢件事，而係睇YouTube學抽iBond，極之反智！浪費時間之極。

啲友話我寫文長，口水過荼，但你睇晒堆iBond攻略，應該都唔使兩分鐘。但你見啲友拍片？你老味拍段20分鐘嘅片，做乜春？我當然知道要計廣告之類。但咪就係因為咁，啲友將啲2分鐘講完嘅嘢，拖到20分鐘咯，完全係浪費你時間。真係唔鍾意睇字嘅，我Patreon順應民意，有埋聲音版的。

至於整嗰啲，都唔少係浪費時間。Youtube嘅嘢絶對係紅海，個個只係望住最叻嗰個搵幾錢。我覺得係偏差，你應該望最廢嗰啲搵幾錢！（所以，讀醫是好事）。你拍片抽ibond嘅，有幾多人最後紅得起？咪往往最靚女 最多字幕 整後期最靚 最多助手嗰啲（即係，最多資源嘅人），rat race嚟的（所以，識玩梗係拎公司份糧拍）

勞蘇嘢講得多，其他嘅，市況悶到七彩，你見港股話5連跌，但夾埋700都冇。美股標指日日都窄幅上落。但我絶不介意，係好事。不過真係出賣年紀都講句，十個牛皮九個淡。唔知有冇實證，但印象中係。亦都合理，股災大地洪水後就唔會點牛皮的，好多時都係升咗咁上下，估值偏貴先會。所以好多時爆邊都係落多過上。

咁咪睇啲niche啲嘅嘢。你見堆meme股爆上嚟，亦可能同 Bitcoin大跌有關（Patreon有講有乜關係）。不過有隻「新貴」Wendy’s可以留意下咁咯。相對地啲估值冇咁離地，而且剛炒上。但你亦可以質疑只係因為我鍾意食（早排寫東京上野咪寫過！）。而買啲自己鍾意幫襯嘅公司股票，有時會危險，因為有偏差。你鍾意唔等於其他人都鍾意，況且，好多時垃圾公司先搵最多錢。你睇麥當勞！你睇Facebook個個鬧但一樣新高

仲有係長實 （1，唔係1113）回購喎，但當然回購就唔同大股東增持。留意返，過去兩年都冇做，今年都只係第二次。

仲有昨晚全球電腦大爆炸，元兇原來係Fastly．「都唔知間公司咁重要」。不過原來之前都寫過（但唔係推介），間嘢舊年冇咗個叫做 Tik Tok嘅大客。而家？市值仲低當時一截，65億美金，夠殘

大師冇點你時間，愛馬士 ASML Facebook 嘉年華郵輪 DropBox嗰啲就唔在講啦。最好嘅時機係十年前買。第二好嘅時機係今日。

但留意下理文化工746，我諗真係冇人公開寫過。等出盈喜啦。剛剛又新高，由我推介時，任何位買你都贏錢。夫復何求？

（＊）以前我用嘅例子係 德國奧地利。但費事失焦，所以remark先講。Anyway希望唔好傷害到啲奧地利phille嘅感情。但，「如果你鍾意德國……」

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［Food，Panda］熊貓扑嘢都有受惠股！日本股市真好玩。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

TLDR：東京上野動物園熊貓交配，上野餐廳股即時炒起！不過以前都試過食詐糊。你知啦，熊貓嘅嘢，你急佢唔急。

1. 股市淡靜，東京股市最大嘅新聞，就係呢隻「東天紅」8181（東證一部的說）， 一度抽高30%，收市都仲升9%。乜東東？中華料理。點解升？因為上野動物園隻熊貓有咗！關乜事？話預之後好多人去睇喎，「東天紅」總店就在上野公園，不忍池側邊。有利生意呀！

2. 咁都得？車，AMC都係咁升啦。況且，熊貓扑嘢雖然似鐵樹開花，但都唔係百年一遇。2017年都炒過一次！第時真係日日睇住啲熊貓扑嘢去買股（住上野嘅朋友可以得閒去睇下）！其實官方3月已經宣佈，「真真」同「力力」 已經扑咗兩鑊（原諒我的粗鄙）。當時已經炒咗一轉，真係一早可以買定等派彩。

3. 另一間上野精養軒（9734），亦係在上野公園。個名雖然鹹濕（？），但其實係明治時期赫赫有名嘅西洋理料店，「太平館咁上下」。股價亦都勁升10%

4. 同時間，星期五亦剛剛係上野動物園重開。「似乎啲熊貓都係悶得滯就扑嘢」。之前有乜做？其實都冇嘢做，但成日畀啲港媽港孩睇住，怕醜嘛。閉園咪專心扑嘢。

5. 眾所周知，熊貓都真係好難繁殖的。但並唔係佢地懶到嘢都唔扑（懶得過你？），其實野生熊貓係絶大多數識扑嘢的，但閉佢入動物園後就變咗唔識。所以，啲友發明咗一樣嘢：就係睇四仔！睇乜？咁你睇乜丫。你都係睇其他人扑啫，唔通睇熊貓？咁熊貓咪睇返熊貓扑咯，唔通睇吉澤明步？（話時話剛剛睇完佢本自傳，有機會寫讀書報告）。如果熊貓睇吉澤明步，咪同你去睇熊貓四仔差不多變態。（咁當然性幻想嘅嘢唔害到人，或者熊貓，就OK）

6. 至於另一江湖傳聞，話熊貓嘅陽具係S型的，我就冇證實。我睇過（有幾奇？）好似唔係，唔知呢個傳聞點嚟，好似係黃霑嘅「不文集」。倒係後來見過熊貓陰部，唔係四方，不過都係個倒V型，十分難搞，自己搵相（我個人係好有求學精神的）

7. 不過呢，炒股如扑嘢，係有風險的。都試過食詐糊。2013年都以為有咗，但結果係中空寶。股價即時大瀉。

＝＝＝＝＝＝＝＝＝＝＝＝＝＝＝＝＝＝＝＝＝＝
8. That’s all for 熊貓扑嘢，講返日本同金融。首先，呢間東天紅，市值30億……yen。兩億幾港紙，算吧啦。2000年時差不多20000 yen一股，2018都仲有3000，而家得1100

9. 中華料理嚟的，我當然冇去過！一個香港人可以有幾放棄自己先可以在日本食中華料理？「不過我在京都都食KFC」。間嘢望落個樣都似正常，tabelog 評分3.3—還好啦，聽聞日本人十分之閹尖腥悶，最緊要都係性價比（仲傳染咗去台灣），唔係平靚正就好難高分。或者生性保守，唔似鬼佬咁乜都excellent，個個Uber Rating都4.9（本人4.77，已經畀人懷疑我係咪反社會人格）。

10. 同香港OpenRice間撚間都隱世小店邪惡拉絲相映成趣，你見Tabelog好少舖頭可以去到4字頭，even 咩南千住尾花鰻魚飯都只係3.8，早年有4字頭，啲友話貴喎。不過，小野二郎檔嘢就有4字頭，但我冇食過，唔好問我。「唔係食唔起」「不過唔抵」「即係食唔起」。

11. 講返，我算肯使錢食嘢，但食過嗰啲覺得好得嘅，都冇乜邊間有4字頭。Even結婚周年同埃汾太食米芝蓮兩星法蘭西餐都只係3字頭。「唔係食唔起三星」「不過唔抵」「即係食唔起」。

12. BTW，之前見日本餐廳老細寫書，話呢啲（即係我）睇Tabelog評分嘅人，正一西客。唔尊重料理業者乜鬼喎，你看到匠人精神，我就看到保護主義，no competition please, Dad knows best，你啲友邊識分咩係好嘢。

13. 講返，呢段新聞觸動咗我，除咗因為Andrew Wiles出文就梗係寫日本最好，亦因為我去東京，絶大多數都係住上野。原因？好簡單，因為第一次去嗰時就係住嗰度。有一期我twitter個username就叫「上野廣小啤」。因為個站叫「上野廣小路」（多得廣末涼子我知道嗰個係廣字）（其實細細個打機都知啦，趙雲個仔趙廣嘛）

14. 即係而家啲小朋友，在老母個子宮度，未出世都已經一年去咗幾次日本。但本人呢，去到2015年，37歲先第一次去，完全係loser，難怪港女睇唔起（幸得埃汾太唔嫌棄，但埃汾太好似廿歲前已經去咗十次日本）。

15. 2015年冬天嗰次，我第一次去日本，仲係某日本公司請嘅。出trip去日本，諗起都興奮，完全就係「小男人週記 錯在新宿」，可惜冇關芝琳，同行識咗幾個香港朋友，有個死撚埋添（有幾出奇？人就係會死架啦）。

16. 咁公司就安排我地住上野，相當之……modest嘅酒店，包保唔會畀人話。所以在我東京自己食嘅第一餐飯，就係燈燈燈燈，上野站嘅一蘭拉麵。當時香港都有，點解仲要去食？因為24小時嘛！半夜走出去食。

17. 及後再住上野，上野站嗰間 Wendy’s First Kitchen依然係次次食，因為香港冇得食（但，香港後，第一次我食返，係在吉隆坡，也是出trip）．當然不忍池對面嘅「伊豆榮」鰻魚飯都係相當不錯。冇「尾花」咁好食，但我唔使去南千住仲要排到仆街。

18. 食完就係去上野動物園，睇企鵝兼睇熊貓。呢個上野公園，亦係我2015年出trip，stay behind解散嘅地方。嗰次就咁行個公園就行咗半日，除咗門口嘅西鄉隆盛同隻薩摩犬，就係港女台女大陸女在著和服影相。有時更加有黑人女人影。

19. （呢度我真係冒住畀人鬧都要講，喂，港女台女大陸女就算啦。但，白人亞洲人去黑人打扮扎辮仔，又話文化挪用，溝操亞蒲丕A唇。咁做乜黑人去著和服就唔係溝操亞蒲丕A唇？當然如果白女例如Melody Marks或者Emma Lawrence我就唔介意的）

20. 我仲記得，我第一次去上野動物園，仲買咗幾隻公仔。一隻企鵝，一隻係…..都唔知狗定熊嘅嘢，後來上返官網睇，居然每隻公仔都有話你知係乜。「拿你睇人地做嘢幾認真」

21. 唔止，當年我仲在上野配埋眼鏡（好快拎得），平靚正，仲有日本妹同我驗眼（梗係講英文，雖然佢有嘗試講普通話）。仲買咗幾對波鞋。「然後覺得香港嘢啲嘢真係搵笨實」

22. 當然呢啲日本人服務優良背後甚麼代價呀，就你可以寫多幾千字批判了。我就只係知道，以上種種，都回不去了。

23. 咁固然，如果你住日本咪得，我都有香港朋友住日本，Patreon讀者都有幾個（十分謝！）。咁住親嘅都唔鍾意，好合理嘅，你做遊客一回事，住嗰度又另一回事啦。正如我好鍾意馬其頓（而家叫北馬其頓），但我唔會搬去住嘛！

24. 但，真係唔緊要呀下，心存樂觀，總會開返。最緊要鬥長命。同埋，記住儲多啲錢。你唔係諗住仲有幾百蚊機票下話？

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

前些日子到鶯歌訪友，偶然發現這間傳統市場旁的「老咖」，安穩寧靜的氣氛，乾淨的古典樂聲，頗有日本喫茶店的味道，令人十分喜愛。

日文中的「喫茶店」，雖名為喫茶，實際上卻比較接近台灣人理解的咖啡店，可以和朋友輕鬆聊天，品嘗咖啡和點心，也可以一個人安靜地看書、工作，或是什麼都不做，點一上杯飲料，放空思緒，享受音樂和片刻的悠閒。

日本喫茶店的始祖，是明治二十一年（1888）鄭永慶於東京上野開設的「可否茶館」。咖啡在初傳入日本時並無定名，曾有「可否茶」之稱，在喫茶店喝可否茶，倒也名符其實。

「喫茶店」帶給人的印象通常是溫暖而復古的。好喝的咖啡當然絕不可少，但充滿人情的氛圍和與在地的連結卻更為重要。或許，在充滿壓力的現代生活中，人人都需要一塊屬於自己的，可以獲得一點微小喘息的綠洲。這也是喫茶店在連鎖咖啡店巨大的競爭優勢下，被人們所珍惜，並得以存續的最大原因吧。