關於 東大嶼都會鐵路 ，我們在網路上蒐集到這些相關的討論、資訊與評價

【吸金磁能線】再多一條千億深港磁浮列車直插明日大嶼

而你不知道萬億大嶼人工島其實點只萬億，繼2019年被揭發前海有條隱藏高鐵支線直駁東大嶼之後，今次又有新攪作，重榜規劃出台又諗著攪多條「 #磁浮列車」!

廣東省國土資源廳2月發佈了《廣東省國土空間規劃2020-2035年》公眾版，稱要預留「滬（深）廣高速磁懸浮通道」，而深圳市城市交通規劃設計研究中心亦緊隨公佈「廣深高速磁懸浮規劃設想」，建議由廣州直插到不存在的東大嶼人工島。

現有廣深港高鐵時速平均只有200公里/小時，今次就指新研發技術將可推到上600公里/小時，更聲稱20分鐘由能由東大嶼直上廣州，究竟有幾可信?

若按其現時初步走線概念，從廣州國際金融城，途經東莞深圳至香港「东大屿」，香港段大概28公里，途中需要穿過 #米埔，#南生圍，大帽山再過，對香港生態環境影響有多巨大難以評估，但可以肯定一定貴過26公里的千億高鐵。

政府不斷硬銷明日大嶼人工島可發債解決，但每次都不敢提背後各種巨額基建的隱藏成本，最後又被夾著上馬，如果最終拍板，明日大嶼這無底深潭必將再下一城，必須密切關注事態發展。

#磁能線
#產能過剩
#廣深高速磁懸浮
#毫無代價唱最幸福的歌
#隱藏基建成本
#明日大嶼

重溫🧐
【洩露國家機密】 東大嶼人工島有條隱藏高鐵？http://bit.ly/3elzBL4
【識條鐵】東大嶼人工島隱藏高鐵支線大FACT CHECK 🕵️‍♀️ http://bit.ly/3ejkoKg

參考資料：
香港01 廣東規劃京港澳通道　香港未來會有跨境高速磁浮列車？
http://bit.ly/3v2blDs
人民網 <廣東公布國土空間規劃 明確未來十五年總體安排>
http://bit.ly/3eqnFrr
頭條日報 廣東擬建磁懸浮鐵路 廣州東站20分鐘直達香港西九龍站
http://bit.ly/2Ozlabm

▍研究到底　參與小額月捐支持
https://liber-research.com/support-us/

【明日大話】研究完唔開工既機會係近乎零!

近日立法會復會，重推明日大嶼嘅輿論又出番嚟，早前已擱置嘅「中部水域人工島前期研究」撥款極有可能短期內再被強行通過（已通過）。有建制派議員話應該等專家評估完先決定起唔起萬億人工島【註一】，「點解做下研究都唔俾」【註二】，話反對嘅市民同議員霸道。

- 冇一個工程研究做左唔開工

但市民憂慮不無道理，翻查記錄，政府過去近10年，每逢做工程工務嘅可行性研究，無一個係唔可行嘅【註三】；一係講到項目非常可行，再唔係即使項目有困難，但政府都會「迎難而上」推展項目。而且睇番再早啲具爭議性嘅大型基建/規劃嘅可行性研究：

中交公路規劃設計院就港珠澳大橋的工程可行性研究(2004)
廣深港高速鐵路香港段的可行性報告(2005)
蓮塘口岸在香港境內的土地、規劃、交通和工程的可行性研究(2007)
《新界東北新發展區規劃及工程研究》(2008)
《落馬洲河套地區發展規劃及工程研究》 (2009)

高鐵、港珠澳大橋、落馬洲河套地區等極有爭議嘅項目就係咁樣被確立其需要同可行性。現實上，大家都知道高鐵同港珠澳大橋已經搞到「一鑊粥」，超支、延期、用量極低，日日蝕錢，變成「吸水大笨象」。所以市民有理由憂慮，即使有多個專家學者批評明日大嶼有前設、造價估算及成本效益等多方面問題，是次明日大嶼可行性研究嘅結果必然係「可行」，市民將焗住硬食。

－港珠澳大橋的教訓－

呢啲大型基建「研究完必定可行」嘅劇本，其實一早埋下伏筆。以港珠澳大橋為例，2003年，國家發展和改革委員會同香港政府委託綜合運輸研究所進行嘅《香港與珠江西岸交通聯繫的研究》已經確立興建港珠澳大橋嘅需要【註四】，然後係2004年，先進行「工程可行性」研究，處理點樣(how)起呢座大橋，由此可見呢類大型基建嘅可行性研究，唔會處理應唔應該起(why and what)嘅問題，而只係處理技術上如何起嘅問題，所以當一個基建項目走到呢步，其實就係勢在必行。

－明日大嶼 照辦煮碗－

明日大嶼現在就係呢一步。2017年，政府已經低調將「東大嶼都會」納入《可持續大嶼藍圖》，整個《藍圖》嘅宣傳，集中係大嶼山本島嘅「南保育、北發展」【註五】，同時將大嶼山嘅發展定位為大灣區「雙門戶」嘅重要節點；2018年「土地大辯論」，先將已經決定咗要起嘅「東大嶼都會」包裝成「明日大嶼」計劃，公眾先普遍認知政府要花巨額公帑填海。2019年，再被踢爆將有第二條高鐵由深圳直插「東大嶼新中心」【註六】。

－研究撥款已是終極一戰－

參考往績，現在嘅「前期研究」撥款，只係將整個大白象「拆件上市」嘅其中一部，唔存在話仲有得考慮「起唔起」呢個問題。政府巧立明目以「可行性」去咁拎撥款，背後往往意味住政府已經預咗要開工，大興土木。再加上依家話研究用繞過立法會監察既融資方式，呢個研究撥款好可能就係市民表達意向最後一次機會，唔係過左海就係神仙了。

#明日大嶼又嚟喇

參考資料
【註一】香港港台：有議員贊成明日大嶼先作前期研究　亦有人質疑倒錢落海
https://news.rthk.hk/rthk/ch/component/k2/1550496-20200919.htm
【註二】明報：陳健波嘆明日大嶼撥款未通過　重提示威者破壞收成期稱「年輕人無權毁上一代成果」 https://bit.ly/30z3jnM
【註三】2019年5月25日立法會工務小組委員會會議的跟進事項 [PWSC (2019-20)5]
https://www.legco.gov.hk/yr18-19/chinese/fc/pwsc/papers/pwsc20190525pwsc-284-1-c.pdf
【註四】運輸及房屋局網頁 跨境交通運輸港珠澳橋歷史 https://www.thb.gov.hk/tc/policy/transport/issues/cbt_3.htm
【註五】文匯報：大嶼山藍圖出台 加快推動勿再蹉跎http://paper.wenweipo.com/2017/06/05/WW1706050001.htm
【註六】明報：穗高鐵網駁「明日大嶼」 南沙抵港僅半小時 https://bit.ly/34GhsRC

🏋️ 支持土地研究工作
https://liber-research.com/support-us/
－－－
Facebook: https://www.facebook.com/localresearch/
IG: https://www.instagram.com/liberresearch/
TG: t.me/liberinfo
Twitter : https://twitter.com/LiberResearch
Youtube: https://bit.ly/2WOIKTk
研究義工報名申請表
https://bit.ly/2SbbyT3

【不封關之迷：林鄭死都唔封關，因為未來要開更多關!】

好多人唔明點解連幾千醫護罷工，林鄭死都唔肯全面封關。其實除左係性格問題，好可能係因為同佢配合既大灣區未來「中門大開」既規劃方針背道而馳，過唔到自己「心理關口」。

除左現時14個入境管制站，好多人冇咩留意未來為左配合粵港澳大灣區戰略，重會打通更多其他新關口，有啲本身重係靜靜雞被規劃，隨時成為未來防疫新隱患。

== 大灣區「隱藏關口」大檢閱 ==

1. 蓮塘口岸免簽證入境：配合東進東出的深港規劃，本身預左上年開通，因運動同疫情依家暫緩至今年底，但原初規劃文件假設未來俾內地居民免簽證入境。【註一】即係佢未來都諗著有關等於冇關，依家重點會全面封關?

2. 河套區神秘專才通道：為配合大灣區創科產業融合，河套規劃中暗中劃左有條大橋橫跨深圳河，會成為一個全新過境通道。早幾年官方規劃研究有提及會「有待進一步研究」【註二】，近年就有新聞放風研究緊俾啲「河套證」深港專才直接過境【註三】，甚至研究緊點俾深圳落黎有條「綠色通道」，用人臉辨識技術做到「無感通關」【註四】。

3. 北環線直接送中：本身規劃中既北環線原意係駁通新界西北到東北，但近月深圳政府已經預留埋個位俾北環線接埋上皇崗超級口岸【註五】，而前規劃署署長上年12月就開始放風話建議北環線變成送中鐵路【註六】，即係暗中違反鐵路策略，又想整多一個類似羅湖既新入境通路。

4. 粵港澳遊艇自駕遊：好少人知道除左空陸兩路入境，2017年已經開始實施「粵港澳遊艇自由行」，水路都可以直接落黎自駕遊。依家大灣區規劃重研究緊再簡化出入境手續，重配合緊起更多本地遊艇泊位俾陸艇上岸【註七】，例如東大嶼欣澳填海區，遲啲成條海岸線隨時都有入境隱患。

5. 東大嶼高鐵支線站：早前研究社揭發深圳已規劃東大嶼人工島有條高鐵支線【註八】，好可能市區又割多塊地做一地兩檢內地口岸區，到時有類似疫情叫停高鐵站將會更難自主決策!

所以，未來唔單止關口愈來愈多，關口本身都出現重大變化，邊界會變得愈來愈不確定、滲透性高、更難自主決策，最後更難防疫守護。

內地居民免簽證、專才自出自入、更多一地兩檢、海域邊界模糊化，未來中港邊境藍圖就係想中門大開，「全面封關」當然成為了執政者的心魔。

#今天只關注一件事 #醫護罷工 #全面封關 #大灣區規劃 #隱藏關口 #被規劃 #海陸空路無得避 #邊界政治

--
【註一】蘋果日報：蓮塘口岸文件驚爆　誓推深圳居民免簽 http://bit.ly/2H4yeye
【註二】本土研究社：被篡改的河套規劃 http://bit.ly/2vegOMU
【註三】林鄭：土地確認屬香港　將為深圳人員提供出入境便利 http://bit.ly/2OzqCIk
【註四】大公報：深圳規劃河套深方區域「1+8」政策 http://bit.ly/39gevrq
【註五】蘋果日報：港鐵北環綫「被規劃」越深圳河直達新皇崗 或淪「被送中」新陷阱 http://bit.ly/39lKwP7
【註六】頭條新聞：凌嘉勤倡北環線伸延 至河套區設新口岸 http://bit.ly/2H8jSwJ
【註七】文匯報：深圳推海事24舉措 增遊艇自由行試點 http://bit.ly/3bi9n7X
【註八】本土研究社：國家機密洩露：東大嶼人工島有條隱藏高鐵？ http://bit.ly/376COXs

--
🥅支援中港關係研究：https://liber-research.com/research-category/environment-2/
📸Follow IG：https://www.instagram.com/liberresearch/
🌎本研TG Channel：https://t.me/liberinfo
💰月捐支持民間研究：https://liber-research.com/support-us-2/