【到底《#怒火》可以有幾好睇？】
#到底可以有幾好睇系列
1. 作為陳木勝遺作，真係交足功課，完全拍得返全盛時期嘅水準，喺林超賢已北望神州後，可能拍得到呢種水準，得返佢，只可惜已離開咗我哋
2. 我諗近年已好難睇到咁local咁火爆嘅動作打鬥，連茶果嶺同火炭坑渠都變成佢嘅動作舞台，大量實景調度得宜，依然係陳木勝嘅招牌
3. 重頭戲嘅尖沙咀槍戰同一場飛車，你明知係CG，但個景點睇都唔似CG，電腦特技極逼真，呢一點都值得一讚，比當年《新警察故事》搭個街景真好多
4. 以往陳木勝好容易落入重武輕文嘅設計，今次兩者平衡得到，果種唔會非黑即白嘅人物設計，喺《掃毒》失敗後大有進步，矛盾抉擇位寫得好睇嘅
5. 當日《危城》嘅對白對照香港現況俾人無限cap，今日，尤其喺2019年後仲可以咁樣擦邊球講警隊問題－－明就明果隻，難能可貴
6. 當2019年後任何有關警隊正面形象嘅題材，在場都會睇到觀眾恥笑，佢整個遊走善惡邊緣嘅故事，觀眾反而較受落，都相信呢類故事將會買少見少
7. 謝霆鋒同陳木勝合作多回，今次終於冇跳掣（得咁嚴重）
8. 黃德斌好認真咁走出嚟，喂你哋笑咩 🤣🤣
9. 甄子丹喺《殺破狼》後再次大玩刀仔戰，雖然果場喺劇情上有搵戲嚟做之感，但拍得夠爽
10. 最後，感謝陳木勝對香港動作電影嘅貢獻，喺遺作為觀眾帶嚟一套咁精彩嘅娛樂猛片。作為睇你動作片大嘅影迷，呢套收貨有餘。假如，香港唔會再出現呢類警匪動作題材，用呢套劃上句號也不錯。
《怒火》觀後感全文可看留言連結。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
林超賢 在 林超賢- Author, Artist 的推薦與評價
林超賢. 187 likes. 林超賢（Dante LAM Chiu-Yin，），香港電影人，現任電影導演，曾當電影演員、動作導演、助導。 ... <看更多>