九龍人閒遊對面海，尋找二戰足跡...
好耐冇返學🎒，小囡上zoom勁唔專心，5分鐘就遊魂... 讀萬卷書不如行萬里路。今日難得有位好有心嘅媽媽做導遊，約埋一齊搵二戰足跡。再順手體驗下老師👩🏻🏫zoom堂緊嘅 #交通工具 ！ 自家 #實體課，活動教學吖嘛。
途中仲有香港歷史事蹟聽，日、月、星街歷史，#二戰、#三年零八個月... 等。
好佩服呢位媽媽，做足功課邊行邊講解。
如果我細個都遇到呢位媽媽，我成績可能會好好🤣🤣
由灣仔利東街出發，行去星街兜個圈。
發現一個小公園。 #東美花園。
旁邊一個 #灣仔地區發展起源牌，好似一本放大左嘅歷史書咁，估計呢個建築應該都係天價設計裝置。喺附近返工嘅朋友仔，都未必有為佢而停下來... 我地今日停左好耐，「享用」左呢d貴價野🤣🤣
（天價工程項目只係講玩笑，純猜測，非正式資料）
花園中間有一棵好特別嘅 #石牆樹 ， 茂盛嘅大樹🌳生喺石牆上，露出部分樹根喺石牆外。就咁睇好似常識書嘅 #植物生長展示圖 咁。都幾得意。
本想行埋啲影下相，不過呢個公園絕對係煙民 #打邊爐勝地，有小朋友不宜久留。草草影張相就快閃！都係睇相再慢慢繼續解釋啦.. 又將立體實物搬返平面圖片... 可惜。
根據課程最近學嘅交通工具，我地又滿足下雷小囡未搭過叮叮，專登搭2個站去金鐘，再行下添馬公園。今日雖然天氣麻麻，又勁大霧，順手望上天空，睇下啲濃霧蓋頂嘅建築物，又係香港嘅一個特色之一。
再慢慢行去天星碼頭⛵️，途經AIA， 同埋平時路過一百次都唔會影下嘅 #中環九號碼頭。有見 #西環碼頭 隨時話封就封嘅前車之鑒，即時趁仲未封時幫阿女影返張相留念🤣
再搭埋 #天星小輪 返尖沙咀，成個閒遊完結歸家時，順手搭埋個巴士🚌！ 交通工具集齊🤣🤣
九龍人平時過海通常規劃好行程點對點，
今次第一次唔知去邊唔知做咩。又有另一番體會。
雷囡s各自找到樂趣。 下次繼續！
#無聊分享 #香港親子遊 #一拖二親子遊
#打卡位
植物生長展示圖 在 LED植物生長燈和一般家用照明燈具光譜的差別性光譜圖帶讀 的推薦與評價
植物生長 燈就像是 植物生長 時所需要的糧食一樣，和我們生活空間所需的照明燈具色溫、和亮度需求是明顯不同的，有種植的愛好當然舊有需要為了興趣而投資 ... ... <看更多>