正在苦思如何唔劇透下講這部推理電影之際，不如大家睇睇導演的話先。這次綁架真係有驚喜，記住睇埋roller呀！
【導演的話】
電影版《逆向誘拐》終於上映，今日回望，影像化過程比當初預料更加困難，當然跟小本（680 萬左右）經營有關，而拍攝期間跟演員互動以至化學作用，都令最後完成作品跟當初預想有幾大出入，一種比較誇張以及漫畫卡通化風格，某程度上，始料不及，不過又合情合理。
作為始作俑者，當初決定改編，因為小說情節出乎意料，與別不同（例如犯罪題材不過零死人）；而把故事背景由多倫多移植到香港之後，仍然可以暢所欲言，我要講想講，都可以講得到。當然小說本身零爆炸、零槍戰，成本控制比較容易，新導演集資會相對輕鬆。
事到如今，作為一個燒腦推理遊戲又好，作為一部戲亦好，《逆向誘拐》應該點睇？第一層，有關綁架劇情，其實不外乎三個大問題：Who 綁匪身份？How 綁匪手法？Why 綁匪動機？不過整部電影，第一層之後，仲有第二層以及第三層意思：世代之爭以及香港問題。
世代不一定指年齡，其實心態更加重要，我承認年青一輩會比年長一輩，更加容易睇得明《逆向誘拐》，不過電影其中一位剪接雪蓮，其實已經抱孫，絕對屬於年長一輩。只要你明白以至擁抱改變，年齡從來不成問題。不過如果你篤信考到大學、結到婚、生到仔就一定會 happy ever after，我講一聲 sorry。
至於香港問題，大家都有種無力感，我明白，我都有。不過我更加希望大家，至少做好自己，緊守崗位。作為一位全職大學講師，兼職獨立電影編劇監製導演，我想透過《逆向誘拐》，鼓勵大家：時代再差，總有方法，總有希望，大家可以攰，可以休養生息，不過要繼續諗計，不過要做好準備，因為人生有高有低，世道否極泰來，The best is yet to come。
黃浩然 Amos Why
即刻撲飛 👉 https://hkmovie6.com/showtime/47291
**********
11月8 以心試法 全城搜刮
《逆向誘拐》ig︰napping_kid_hk
#逆向誘拐�#NappingKid�#GoldenScene�#誰知綁匪身份誰主世代之爭�#如何用19萬改變香港命運�#新類型燒腦推理遊戲11月8預埋你�#吳肇軒 #邵仲衡 #蘇麗珊 領銜主演�#朱鑑然 #王敏德 #張雪芹�#岑珈其 #陳曾寧 #梁曉豐�#泰臣 #蔣祖曼 #楊秉基 主演�#曾江 #葛民輝 #邵音音客串�《逆流大叔》#編劇陳詠燊�《點對點》#導演黃浩然
改編自香港推理小說作家 #文善 同名得獎作品
