#親子好去處 #都市農莊
以後想去農莊，唔一定要攀山涉水，去樂富廣場都得喇。我幫大家派出咗「試玩專員」Bat Bat，好似小蜜蜂咁喺 #樂富廣場 新開辟嘅3000呎都市農莊左穿右插，佢睇勻晒種植喺泥土上嘅豆角、粟米同各種香草、蔬果，興奮得不得了🤩
原來呢度係九龍區内唯一一個商場戶外都市農莊，每年可種植嘅有機蔬果及香草等農作物多達60種咁多，每年產量可達500公斤㗎‼️更有一個大草地開放公眾使用，最適合大朋友放空、小朋友放電！ 而家仲有「迷你菜種植包」換領同「都市農莊導賞團」，導賞團向參加者灌輸有機耕作及種植嘅小知識，小朋友同大人都聽得津津有味。聽完之後，成班小朋友一齊試種屬於自己嘅香草小盆栽拎番屋企，種得好媽媽仲可以拎嚟下廚㖭🥰
#芫茜迷必食雞蛋仔
唔想等咁耐，商場都有香草主題嘅美食，可以即時食落肚😋 因為樂富廣場已聯同商戶舉辦「玩轉香草」主題活動，佢哋同「滿屋廚房」合作，由即日起連續兩個星期六及日都會免費派發 #香草特製飲品 #小食 合共3000份，當中包括有營「茜」利檸檬梳打、清熱臭草珍珠奶茶、濃郁香茜雞蛋仔及香甜羅勒雞蛋仔。市民只需將與樂富廣場都市農莊或指定道具嘅合照上載於社交媒體並標註 #樂富廣場，就可以獲得一份喇。
我哋已經率先試咗呢啲特色美食，作為芫茜迷，我已經深深愛上咗呢個 #濃郁香茜雞蛋仔 😍 我呢個配搭係咁好食㗎😋😋😋 我一定encore‼️ 其他三款一樣咁正，未食完我已經諗住幾時再嚟食過😂
#如何參加❓
活動期間，顧客只需於換領日起計連續7日內，於樂富廣場以電子貨幣累積淨消費滿1,000元或以上 （憑最少2間不同商戶發出之機印發票正本最少2張，最多5張），即可換領迷你菜種植包1份，滿屋廚房/100 FUN樂滿紛$50現金券1張，及「都市農莊導賞團」名額2位！
#樂富廣場 #LokFuPlace #玩轉香草 #boxingpromotionshk
