就算留喺香港都好想感受一下其他異國嘅風情。講咗好耐想飛去馬來西亞，星加坡，雖然唔知道幾時先可以飛到，但係今日去咗蝦麵店就當係去咗一轉旅行啦。夏天熱辣辣，我着住小背心，再加上裏面嘅裝修同埋食物都好似令我好似去咗馬來西亞同新加坡咁。😂 ☀️我嗌左個二人餐，超級多嘢食，首先可以揀湯底，有辣有唔辣有濃有清有淡，我就叫咗一個幾辣嘅馬來西亞咖喱飯，食得辣嘅朋友可以試吓。同埋叫左一個好清但係好好味嘅豬骨雞湯蝦蝦蝦麵，好多蝦，好好味😋再加上小食，炸雞翼同埋雞脾肉串，味道同我哋平時食嘅感覺有少少唔同，不過都唔錯。另外仲有五款小食任我揀，由於當日冇蝦多士，所以我揀咗個五香滷肉，好特別，喺香港從來冇食過呢個風味，最後我就揀多咗個菜，我覺得放喺自己個麵嘅湯嗰度食特別好食😋 飲品我就揀咗個美白去濕嘅檸檬薏仁水，同埋凍檸茶，甜品就嗌左個阿參脆多士同埋榴槤咖央多士，前者呢就酸酸甜甜我覺得幾好食，後者呢就係榴槤味唔係好重，所以唔食榴槤嘅我都覺得唔錯😛 另外我仲額外叫咗一個橘子香茅凍，酸酸甜甜好有台灣甜品嘅感覺。講真二人餐呢個價錢咁多嘢食真係好抵，天氣咁熱，去吓呢間餐廳我真係覺得自己去咗一轉新加坡。佢哋好多間分店㗎，你哋有冇試過呢間餐廳啊？
@prawnnoodleshophk_official
檸檬薏仁水 在 檸檬薏仁水 的推薦與評價
檸檬 薏米水清熱利尿，改善水腫、排毒，真善美的 檸檬 、 檸檬 汁更方便烹飪，自己煮簡單又經濟。 官網免運送到家！ ... <看更多>