【假期過後】 感性文慎入
每逢長假期，大家都會好期待去邊度玩，或者終於可以係屋企抖返幾日。但每逢呢啲日子，就係我哋班event公關仔最忙碌嘅日子。
當大家喺放假前夕好開心係度倒數嘅時間，我哋就好緊張咁倒數活動就嚟要開波；
當大家好開心出去玩同埋plan有咩gathering，我哋就晨早起身落site, setup同mon住個活動；
當大家好開心一心諗住放假食好啲，我哋就挨老麥飯盒。
唯一有一樣野係同大家一樣，就係假期完咗，我哋係需要同大家一樣，第二日都係要返工嘅。
正所謂「份糧包埋嘅」，做得呢行都無話怨乜鬼，只係有時見到人地成班friend或者成家落嚟個場度玩，有時都會感慨，自己嘅屋企人或朋友去咗邊度玩呢？
雖然我哋只係展現繁華盛世的一群，宣傳產品商場吃喝玩樂，但在你們happy的時候，請看看喺側邊企咗成日水都未必有時間飲嘅人，體諒我哋嘅黑眼圈，體諒我哋雖然係返工，但我地都犧牲咗同家人朋友相處嘅假期，嚟成就你哋嘅Happy holiday。你哋嚟玩可能只係一個半個鐘嘅時間，但我地預備可能係幾個月甚至更長嘅心力；如果你地有唔滿意或者唔順心，係咪都唔應該瘋狂咁鬧或者用粗口問候我哋呢？
老實，其實好多時商場嘅安全指引，又或者客戶其實只想Target客參與嘅聖旨，永遠係唔到我哋話事；咩都一句：「叫話得事嘅出嚟！」又或者問候我全家嘅用語，其實真係會令我哋好難受。
如果呢啲係強國客，其實我還可以接受，對於民智未開大Q晒嘅人，同佢講道理或者禮貌其實同對空氣講野無分別；但對於廣東話流利非常同「我是老細」嘅香港同胞，其實面對你哋，有時其實堅激心。
不過都有啲窩心嘅時間嘅，例如媽媽們會教小朋友多謝我哋啦，仲有小朋友會飛吻同請我哋食糖仔；有人會讚啲setup好靚啦，或者希望個活動長啲啦。聽來好無聊或者只係客氣嘅說話，對於我地呢班公關仔嚟講，已經好開心安慰。
當然，最好就梗係老細話聽日放假同加人工啦！(你就想)
#公關仔一百個看不慣 #今日早收同事繼續睇埋下半場 #無端被粗口問候還要安慰兩個被鬧到喊的helper後 #禮物只可以送一份係唔可以要多份 #欄住就係唔俾入你個仔衝咗入去跌親唔係我哋啲setup有問題整親人 #請勿觸摸俾你整爛咗都算請唔好發老脾話我哋啲嘢易爛
