關於 歐拓統包 ，我們在網路上蒐集到這些相關的討論、資訊與評價

【龔成問答信箱】（Q21181-Q21200）

Q21181：

我晤係太清楚：股息率 / 派息率/ 實際派幾多股息 係咪三樣晤同嘅嘢？

如2800.hk 盈富基金 每手1000股 股息率 2.74% 咁即係派幾錢股息？

龔成老師︰

股息率 = 每股派息 / 現時股價 [你現價計的投資金額，所收到的股息百分比]

派息率 = 每股派息 / 每股盈利 [集團會用多少比重的盈利，作為派息之用。]

實際派息 = 每股派息 X 你持有股數 [你實際落袋的錢]

假設，盈富基金(2800)每手500股、每股盈利$5、每股派息$3、現時股價30蚊

股息率 = 每股派息$3 / 現時股價$30 [即係10%派息率]

派息率 = 每股派息$3 / 每股盈利$5 [派息率係60%，即佢每有$1盈利，就會將其中$0.6以股息派發比股東。]

實際派息 = 每股派息$3 X 你持有股數$500 [假設，你收息動作，中間無其他費用成本要扣除，你就會有$1500股息落袋]

------------------------------------------------

Q21182：

龔sir 想請教
1833 （現價$99），
2382 （現價$180）,
66（現價$44.7）

現價屬於合理區頂部嗎？

這3隻的合理價區大概是多少？

龔成老師︰

平安好醫生（1833）、舜宇光學科技（2382）算在合理區頂部，而和港鐵（0066），大約在合理區中上部。

這些股票都有增長力和質素，適合年青至中年人士。

但你要留意，平安好醫生（1833）佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況。你預佢會好波動，此股現價計，只宜小注。

------------------------------------------------

Q21183：

老師，有一事請教一下，以下係我嘅組合，請問現時我應該採取咩策略最好？

1）6690 1000股 31.16入
2）909 1000股 56.85入
3）6865 2000股 31.7入

4）968 2000股 19.1入
5）2333 2000股 26入
6）1357 5000股 3.9入

另外現金有約30萬左右。

龔成老師︰

你現時持有的組合，都係有增長力架股票有質素。若你係年青至中年人士，這組合適合你長線持有。

但你要留意翻，美圖公司（1357）佢雖然過左最差時期，現時正向好。

見佢財務數據改善，這企業仍有發展力，有長線投資價值。不過業務變化始終大，不建議佔比重太高。

現時大市只在合理水平，現金和持股最好係各佔一半。故你可以再入多少少，大約5-10萬，以分注形式去儲貨，會較好。

------------------------------------------------

Q21184：

老師 我啱啱月供股票，每月6000，供緊3328交通銀行同3690美團，意見如何？

謝謝老師

龔成老師︰

美團點評（3690）有潛力的，同時見佢增長都快，算是一隻有危又有機的股票。

由於佢不確定性偏高，作為月供股票，就未必適合。或者唔建議太大注，小注月供都得。

交通銀行（3328）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，增長力不強。月供係可以，此股會相對適合較年長和保守架投資人士。

建議你，未來組合唔好單單集中係1,2隻股票身上。我地要建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q21185：

成老師，本人32歲，與女友同齡，兩人月入共7萬。上年購入現在自住的一間約800萬私樓，尚欠樓按380萬。買樓後的一年逐月建倉買入股票，現值60萬，現金還有30萬，股票倉如下：

1177 $7.1*5000
1317 $2.29*24000
0823 $59*500
0016 $91*500
0012 $29.2*1000

3988 $2.62*15000
0011 $117*300
0636 $24.2*1000
0941 $46.9*1000
0788 $1.25*40000

0857 $4.33*16000
0178 $2.33*22000
6618 $70.6*50
2238 $7.1*4000
3067 $17.67*200

1）請問股票組合買入價如何？適合我的年紀嗎？需要精簡一點去集中投資嗎？

2）我的策略是在每個月買入特價的股票，結果存了十多隻股票，請問如何抉擇集中投資還是分散投資？

3）請問為何中人壽比友邦及平保，市值差得這麼遠？前者是長期落後，後者節節上升

4）現時還可以投資車位嗎？

多謝閣下寶貴時間解答

龔成老師︰

1） 以你現時32歲計，應以增長為主要目標。中行（3988）、中國移動（0941）都係收息股，增長力不高，唔適合你。

中石油（0857）質素中等，京東健康（6618）則波動性較高，2者都不宜持貨過多。另外，你組合最好維持10隻以內，會較理想。

2） 我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

簡單咁講，就係分散不同行業的優質股，當中關聯性較少，就可以做到分散風險。

3） 市值只係一種參考，一隻股票值唔值得投資，都係要睇佢本身質素而定。

中人壽（2628）質素係有，但有下滑架情況，已經無以往咁優質。所以，市場比佢架估值都低左，因而你會見倒平安（2318）一直升，但中人壽（2628）就停滯不前。

中人壽整體質素算係中等，不宜持有太多。

4） 現時車位租金回報率唔好高，約只有3%，吸引力只屬一般。

------------------------------------------------

Q21186：

成SIR你好! 我都係80後, 但一直都無咩投資, 係十幾年前買過幾十蚊港交所, 就唔知點解放左, 就到而家都無再玩股票, 一直都抱住得過且過生活, 勁hea!

但這數月開始追你的FB和 睇你幫網友解答的無數問題, 就開始覺得自己要開始認真去投資, 就算我投資廿年, 我都未到退休年齡, 如果投資正確, 我都應該可以好舒服咁退休,什至提早退休再去享受世界! 希望而家先投資唔會太遲啦~

1. 我想請教一下, 以下的投資方案得唔得?
- 每月供$3000盈富2800
- 現有200股 3067（@17.5）, 計劃每隔兩三個月買一手
- 現有港幣約12萬, 外幣約12萬.
想用約8萬港幣買一手0001長和 + 1手1830必瘦站 + 1手1833平安好醫生 + 1手2382舜宇光學

2. 必瘦站, 平安好醫生, 舜宇光學 現價是否太貴?

3. 長和早幾年有16X, 近幾年維持$50-$60左右, 成SIR你認為佢有無機會再升返上去?

4. 現有1手 1972太古地產, 值唔值得之後再慢慢入多幾手? 定分散買其他例如港燈?

5. 同仁堂, 中藥龍頭咁滯, 但股價持續十幾年都係$4-$5, 現在買唔買得過?
感謝成SIR!

龔成老師︰

由港交所（0388）這個例子，你可以睇到，其實只要長線持有一隻優質股，個平均回報係會好唔錯。

你是一位80年人士，都算係偏年青，只要正確方法去做增值，依然會有唔錯架效果。

1） 以你年紀計，這些有增長力的股票，都係適合的。

外幣方面，如果無實際用途，最好換回港幣，用來投資增值。

現時大市算係合理水平，股票和現金最好各佔一半。所以，每月儲蓄唔好盡用，要留有部份。同時現有資金，都可以跟這個50/50比例，慢慢進行配置。

2） 舜宇光學（2382）算係合理區頂，至略貴。而必瘦站（1830）要回多1,2成，才算較合理。

至於，平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區頂。但好波動，你直接入貨的話，只能小注，或者用月供儲貨都可以。

3） 長和（0001）有質素的，由於歐洲弱，相信佢中短期仍會較一般，不過，長遠會慢慢好轉。

但這股並不是高增長，收息及少少增長力。要回到這個水平，可能要較長時間。此股唔係大升類別，但作為平穏增長股，係一個唔錯架選擇，現價合理，可分注。

4） 太古地產（1972）都有質素的，算係平穏增長類別，都適合你。現價合理，有長遠投資價值。

而港燈（2638）就係純收息股，增長力唔會太高， 以你年紀，唔建議持有太多。

5） 同仁堂科技（1666）仍有質素的，不過增長力比過往略減。

佢係一家集產供銷一體的高科技現代化中藥企業，通過了澳大利亞ＴＧＡ和國家ＧＭＰ認證，企業通過了質量體系認證。

佢生產六味地黃丸、感冒清熱顆粒、牛黃解毒片等著名產品。

過往生意不差，不過增長力有所減少，由於近年賺錢能力減左，股價所以向下。其實長遠仍有發展的，但就唔值得投資太大注，當小注等佢回勇不是不可。

------------------------------------------------

Q21187：

你好，龔成老師，有個好消息最近已搵到新工作，呢段時間一直睇你之前嘅書同埋文章 ，就係想準備有穩定工作之後進行適當投資。

所以希望先儲錢，然後進行月供股票。我現時每個月大概一萬9千，扣除其他洗費一個月大概可以儲起4000-5000。

而家計劃希望每月可以多兩萬蚊投資進帳。咁我分析嘅計劃如下,，希望老師可以畀啲意見：

盈富（2800） $2000
比亞迪（01211）或 舜宇光學（02382）
銀娛（00027） 或港鐵 ， 會選擇其中兩個各$1500

之後如果有多餘資金，會想入手福壽園（01448）
唔知以上嘅計劃係咪正確適合我現在的狀況

而我亦會選擇證券行因為收費較低， 因為我亦相信香港嘅監管應該唔錯。
多謝老師嘅時間！

龔成老師︰

恭喜你! 在投資和新工作上，都要保持努力。

你以上投資選股都可以，若你係年青至中年人士，這個組合和配置係合適的。

但我地一般合理投資回報，係講緊每年10-15%。若你希望以現時投入，獲得每月額外2萬投資進帳，好難做到。建議你按部就班，用優質股慢慢為你財富增值。

你選股方面，比亞迪（1211）現價偏貴，你最好等佢回到$120才月供，或者可以用ＧＸ中國電車基金（2845）暫時代替。

至於銀娛（0027）或港鐵（0066）都可考慮，你按自己喜好選就得。

而福壽園（1448），你的策略可以，但由於現價唔算平，所以要控制注碼，同時都要留有一定的現金。

至於用銀行定證券行，正如你所講，香港監管係唔錯，2者都可以。主要考慮翻邊個方便你自已，和收費問題就得。

------------------------------------------------

Q21188：

成哥，你好！我想問下 1）長城汽車，2）中國航空，3）農夫山泉前景如何。

1）28蚊入左之後係咁插，最低見過19.x，真係心都離一離，係近排炒消息升返D, 你認為
我應該止蝕定繼續長揸？

2）買佢係因為等全球復飛嘅時候可以爆升，你認為合理嗎？ （買入價6.65～6.7）

3）見佢係高位6x跌到落黎43.4就入左，開初都有賺，但放左業績之後就跌到落38.x，你認為
（半年內）有冇機會上返買入價？
萬分感謝

龔成老師︰

1） 首先，當股價下跌，你一定要了解當中的原因。基本上，股價中短期上落好正常。若無一些影響企業核心質素，咁就無問題。

長城汽車（2333）有質素的，業務都不差，不過，過往的增長力不算好強，長遠業務發展雖然正面，但未必是潛力型。這股都有長線投資價值，可以持有。

2） 中國航空工業國際（0232）主要主要從事通用航空飛機活塞發動機及備件的設計、開發及生產、以及提供活塞發動機的售後市場服務及支援。

航空業復甦，的確會對相關企業正面影響。但我地投資與否，除左睇行業本身狀況，都要對企業本身質素，進行考量。

睇翻集團過去數年﹐多年出現虧損，可見佢估值較差，唔係單純因為疫情所致。暫時唔見有明顯投資價值，故不建議你投資此股。

3） 中短期架股價走勢，無人知。我地持唔持有一隻股票，應從長線投資角度去考慮。

農夫山泉（9633）有質素的。

是中國包裝飲用水及飲料的龍頭企業，旗下品牌包括農夫山泉、東方樹葉、尖叫等。佢係中國擁有10個區域取水許可證，並在其周邊建立生產基地。

其產品覆蓋包裝飲用水、茶飲料、功能飲料及果汁飲料等類別。根據弗若斯特沙利文報告，2012年至2019年間，連續八年保持中國包裝飲用水市場佔有率第一的領導地位。

業務上，的確有吸引力的，不過，我一向都新股半新股都無興趣，因為真實面要慢慢先見到。此股可投資，但只建議小注，同時你要明白當中的風險。

由於有一定的品牌價值，因此企業質素與發展正面，財務數據不差，生意與盈利都有理想增長，不過上市不久，股價較波動，同時上市前數據可能執靚過，因此要注意風險度。

這股適合長線的，只要佔你組合唔係好多，就無問題。

------------------------------------------------

Q21189：

老師，你好！

１）我之前 3898 分別係$39.5 & $44.5 高追, 我相信佢長遠有價值,, 但我唔識計佢值幾多,佢一直都跌,請問你有咩建議可以卑我呢?

２）有長輩係早好多年前幾乎用所以存款去買 0005,買入價＄130, 一直以股息過活

但近年股息股價都不理想，甚至無股息，生活拮据，但佢不懂股票，覺得股價同當年差太遠不願放出，即使放又唔知點做， 買返咩類型股票

請問老師有咩建議可以卑到佢呢?
感謝老師的時間！！

龔成老師︰

1） 中車時代電氣（3898）係中國鐵路車載電氣系統供應商及集成商。

佢的產品可分為兩大類：（１）車載電氣系統：包括列車牽引變流器、輔助供電設備與控制系統、列車行車安全裝備。（２）電氣元件：包括電力半導體元件、傳感器及其他相關產品。

佢主要客戶為鐵道部及其地方鐵路局、中國主機廠及城軌運營商。

佢向主機廠及城軌運營商提供新造機車車輛的車載電氣系統，以及向鐵道部的地方鐵路局及城軌運營商提供作維修及更替用途的車載電氣系統。

業務不是無質素，但增長力一般是較大的問題，企業價值無乜向上，盈利亦很普通。

整體質素只是中等，增長力不強。若你持貨不多，可照長線持有。但持貨比較多的話，最好沽出部份，換碼至其他優質股，咁會較好。

（2）至於你長輩方面，其實睇翻匯控（0005）賺錢能力與增長力比過往年代弱左，但又未去到完全無質素。銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。

用佢作為收息股係可以，相信派息方面，會慢慢回復較正常水平。由於你長輩目標係收息，故唔需要太在意個股價波動，長線持有就可以。

但成個收息組合，唔可以只有單一隻股票，咁會太高風險。要做一個全面組合，包括不同行業架優質收息股，才算係理想。

所以，如果佢太過集中在匯豐一隻股票，可以放部分轉其他，如果佢唔想這刻賣，可以等匯豐股價過多1年，經濟好翻D，銀行股經營環境好翻D，到時股價上翻D時，轉其他股。

你可以建議佢，建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金（3110）都可以。

若能承受到風險，有些更有超過8%、10%的高息股，但股價就略有風險，要自行衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理區，未到平宜，因此買入時宜分注，同時不能用盡現金。

------------------------------------------------

Q21190：

你好龔sir，我本身入左3333恆大物業18蚊，仲有6993藍月亮16.8，因為都跌緊請問可以等佢升返？

定止蝕換馬？感謝！

龔成老師：

中國恒大（3333）業務本身不算差，但中央有時會出打擊樓市政策，加上佢本身負債極高（這是最大問題，風險太高），相信會對佢有一定的影響。

你預佢中短期都會波動，但如果你只是小注持有，勉強可以，但都要明白風險。如果大注宜減。

至於藍月亮（6993）有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

整體有質素與發展力，不過現價唔平，仍略貴，風險比恆大低，但同樣不建議太大注，如果你小注可守。

------------------------------------------------

Q21191：

請問老師6993藍月亮，302中手遊，你點睇呢2隻股？

書本里面提及賭業是穩賺行業，1383太陽城有投資價值嗎？

龔成老師：

藍月亮（6993）有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

整體有質素與發展力，不過現價唔平，之前貴，現價算是合理區頂，你長線持有可以。

中手游（0302）主要於中國從事手遊發行及遊戲開發業務。佢提供多種類型的手遊，包括ＣＣＧ（可收集卡牌遊戲）、ＲＰＧ（角色扮演遊戲）、ＭＭＯＲＰＧ（大型多人網絡角色扮演遊戲）、ＳＬＧ（模擬遊戲）等。

過往生意不差，有持續的生意與盈利增長，財務數據初步正面。

不過，上市年期不算長，這會令財務數據代表性較低，同時，行業業務波動，不確定性大，都令這股造成風險。這股如果你投資不過多，小注投資都可以，始終不是無質素。

至於太陽城集團（1383）主要在中國從事物業開發、物業租賃及管理、酒店與綜合度假村管理及顧問服務、銷售旅遊相關產品以及提供旅遊代理服務。

開賭的確是好賺，但不一定是每個範疇及每間公司都好睇，持有賭牌的當然好賺，例如金沙（1928）、銀娛（0027）。

太陽城集團，當睇翻佢過往經營數據，當澳門賭場人人賺錢（疫情前時代），太陽城卻出現虧損！反映經營方面有問題，因此，這股唔建議投資。

------------------------------------------------

Q21192：

老師你好，從上年剛疫情開始看到你fb，決心做好理財及做一些兼職額外增加收入，終於儲到人生的第一個十萬！！

很感謝你，雖然我知道十萬不是很多，但對於過往月光族的我來說，已經進步了很多 （講緊2020年因為疫情，我身處的美容業是重災區，我上年只返了大概半年工，停業期間是無薪假的）

有很多問題想問你：

1）這十萬，我該如何部署投資？ 已經做了月供股票每月3000

$1000 2800
$1000 1810
$1000 1211

2）其實我還有一些銀行貸款的，每月供$1500左右，尚餘本金$28000 ，我應該提早還款還是將錢投入股票，增值後再還款？

3）我現時的工作是美容顧問，收入不穩定，有時可以月入三萬，條數差時可以只有萬幾人工，而且做得不是很開心，可能我天生不是很進取的人，不會太chur客，加上上司不是很支持我，有時都感到很大壓力。

我的目標是成為營養師，所以一直都在進修中，現時亦攻讀了online degree ，這是我一直會前進的目標。

那麼老師你認為我應該繼續留在現有的工作，為了有時賺多點？ 還是退一步，找其他較穩定的工作，或者做回美容師，然後一路讀書一路有穩定收入較好？

抱歉老師，問題比較多
謝謝你

龔成老師：

先恭喜你！第一個$10萬好重要的，之後的財富就會繼續增長，你已經方向正確，保持進行就得。

1）現時月供的，都有質素，可以保持，長期進行就得。但要留意，你現時月供的2隻，都是潛力類別，這樣會較高風險，因此，建議你之後，加大其他類別的月供，以平衡組合。

2）如果銀行貸款的利息較高，就應該先還錢，減少利息上的開支。

3）你長遠你營養師是大方向，這段時間，就保持工作，加上讀online degree，如果你支出不是好大，其實可以轉去同營養師有關的職業，可能這刻未有專業資格而人工較低，但對你長遠發展可能更加有利，預早認識相關行業。

記住，所以野都是為長遠目標而行的，你用5年、10年這方向想想，就知這刻應該做甚麼。

------------------------------------------------

Q21193：

還想問，當你比亞廸由88跌到12時，你怎知道 或 為何有信心這股一定會升回88以上？

因為你看公司每年毛利純利，股東資金回報等，知道盈利是沒問題？

龔成老師：

所謂的股價，是這刻二手市場的成交價，而我的著眼點，不是當時的$12，而是比亞迪（1211）這企業長遠的發展，這類潛力企業，一定有高有低，有時研發及產品出問題。

但我地要從長遠的角度分析，視點是5年、10年，而我分析到這企業會在行業中行前，而這行業普及時遲早的事，即是佢的發展更強大，都是遲早的事，這就是我當時的分析點。

分析潛力企業，往往不是分析當刻的財務數據，而是研發、將來的市場情況等。

------------------------------------------------

Q21194：

老師，看完你書後想看看賭業股個價抵唔抵入，看能否在疫後受惠，你怎看？

但問題幾間大賭股都沒了市盈率看，為什麼？

龔成老師：

賭業當然是有質素的行業，長遠一定有賺錢，不過現時已比上年疫情時升了唔少，上年時平，現時是合理，銀娛（0027）、金沙（1928），現價合理區中上部。

至於你話市盈率，因為佢地上年度虧損。

而我地分析時，不止要分析一年數據，要分析多年，要分析「正常經營環境」下的營運情況、財務數據。

------------------------------------------------

Q21195：

我今年43歲，十年前移民加拿大，現在政府工作，有兩個小朋友！現在每月儲$500加幣，其中$400放在穩定mutual fund，$100放在股票戶口，我想問你點睇well health? 可否月供嗎？

我想問你會唔會開網上課程？

龔成老師：

Well Health有潛力的，見到李嘉誠都有入股。

佢通過人工智能和大數據等科技手段提高診所的效率，致力于將加拿大極度分散的初級醫療市場帶入數字時代。

Well Health能够為診所提供它們無法獨立承擔成本的軟件工具，這能提高它們的運營效率，進而改善結果，以及縮短患者的等待時間。

醫生可以加入公司不斷擴張的診所網絡，合作方式可以是簽署收入分成協議，或者是直接爲該公司的電子病歷軟件支付服務費。

相信長遠有發展力，不過我唔清楚現時估值，你要自行控制注碼，平衡風險。

我最近同天窗出版社，合作開辦左一個網上課程，題目是關於「資產配置」的，即是講述各種資產與投資工具的特性、投資價值、在財富組合中的角色，至於股票內容就唔算多。你有興趣可睇睇：

http://bit.ly/3pP252j

課程按「人生階段」、「財富累積」、「資產特徵」設計，更有給年輕人、已婚人士、退休人士的精明理財建議。

完成課程後，你會學到：

✓財富系統概念，不再被炒差價的框框束縛；
✓股票、基金、債券、的士牌等資產的運用和買賣技巧；
✓懂得分辨資產質素和平貴，在最合適的時機買賣；
✓如何以最低的價錢，買到最具升值潛力的物業
✓致富3部曲，如何從當下這刻開始啟動！

至於股票班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

------------------------------------------------

Q21196：

你好，請問保險股前景點樣?
2318同2628邊隻較好?
謝謝!

龔成老師：

中國平安（2318）會較中國人壽（2628）好。

中國人壽並不是無質素，不過增長力唔強。同埋企業的賺錢能力不及過往年代。

相信這股唔會再大跌，但要佢大升都不易，長線持有價值都算有，但暫時唔好對股價有太大期望。

反而中國平安近年做得更好，佢有質素，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型，分注投資都可以。

------------------------------------------------

Q21197：

老師，之前睇左你在牛牛節目嘅分享

跟你嘅posts大概4-5年, 知道你揸1211好耐, 但今次至知原來10年, 仲今次至知原來1211試過10幾元升上80幾元又跌番10幾元你都無放。

我21元入吉利,本已經高位跌落來至入, 入左㸃知仲跌, 無走學你話長揸, 升上30幾, 好開心, 㸃知最近跌低去番19, 又非常後悔...覺得應該高位放, 低位再入過...

其實. ...長揸, 吾放, 到想掉動大筆資金來買樓時, 又適逢股價跌番低位就真係似乎錯過良機？？
請龔sir有空指教吓

龔成老師：

你要克服心理問題，你現時的心態，仍停留在一般散戶的心態，如果你想在股市真正贏錢，就要學投資大師，不要學散戶。

投資大師只著重「企業」，不著重當刻股價，你現時被當刻股價上落影響，明顯已經錯左！

好多人事後孔明，以為能捕捉過往股價，但真的能捉到嗎？其實好難好難！

吉利（0175）有質素的，你長線就得。

但要提翻你，我地投資股票，一定要長線，5年是經常事，最少都3年，如果你想快速滾大買樓，就要調整一下心態。

------------------------------------------------

Q21198：

龔sir！！又係我啦！上年我辭左職多謝過你開拓左我對理財既思維，我依家每日都覺得好開心好有動力！

上年23歲生日前我立左目標要搵到第一個一百萬，自己將副業變左全職打理後有一排壓力都真係好大，開支大左但收入好似無咩增長。身邊朋友又話女仔咁辛苦做咩，搵個好老公咪得。

雖然灰左一段時間，但總算跨過左個難關，的確人既潛能係要逼既。雖然我唔反對我朋友所講伴侶重要性，但我覺得一件事還一件事，投資自己先係最重要。

我一直同屋企人住係公屋，我都曾經好自卑，屋企人從不理財，係月光族，依家兩老退休了都無好多積蓄。

上過你課程，睇過你書我反而「強逼」番父母每個月係我比既家用裡面扣除部分左月供：$3000盈富$2000港鐵$2000領展。仲買左本簿仔比佢地每日寫低用左幾多錢，交功課比我睇，佢地話好得意好開心每個月真係洗少左好多

最後我地離開左公屋呀，雖然我只係買左一間舊樓既細單位，但勝在上手業主全新裝修過節省唔少裝修錢。我相信呢個只係其中一個milestone，我會繼續努力希望真係5年內買到我既dream house。

要贏！

多謝既說話希望你唔好嫌多，因為你，當然我自己都有努力啦，啟蒙左我，我相信自己未來會更好的！老師，你也會的，謝謝你

龔成老師：

我相信尋找自己的夢想、事業發展，與找另一半，是無衝突的。

同時，心態上唔應該有「依靠別人，我不想努力了」的心態，我地做好自己最重要，其他人往往只是輔助。

加油！你的方向正確，同時心態很好，你23歲，已經有這種心態，可以預計你將來有可定的成就。

記住，成功的路不是直線，當中一定有相當的困難，但只要你保持正面心態，就一定能成功。

恭喜你成功置業，我會等你更多好消息，加油！

------------------------------------------------

Q21199：

你好！如果睇好電動車板塊，請問應該買比亞迪定2845 ETF 較好？咩嘢價位適宜買入？

另外，中銀香港近日績後股價報跌，請問是否現價可買入定選中國銀行息率較高？

龔成老師：

GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

中銀香港（2388）係本地銀行股裡面，是較有質素的一隻，有長線投資價值。唔需要太理會中短期情況。

不過，整個銀行業的賺錢模式已有減弱，無以前咁好賺，之後主力是收息及平穩增長模式。現價合理。

中銀香港有增長力，而中行（3988）就集中收息，要睇你的投資目標。

------------------------------------------------

Q21200：

如果我現在差不多30歲 是否該選擇3319？另外請問823和3319是否都屬同一類 是物管？

現在科技股很多都下跌 是否應該開始物色優質科技鼓？謝謝

龔成老師：

雅生活服務（3319）適合30歲這年齡人士投資的，佢本質不錯，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

整體是有長線投資價值的。現價合理區中上部，不過股價都會有時出現波動，投資宜分注進行。

佢是物業管理，領展（0823）是收租，不同類的。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟，不同行業，不用類股都要有。

而同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

研華(2395) 3月營收為歷史次高，優於預期！
3月份合併營收報告為50.31億元，較去年同期營收40.77億元，年成長23.41%；亦較上月營收大幅成長39.01%。累計研華第1季合併營收達131.61億元，較去年同期之112.72億元，年增率達16.76%。
.
研華單月營收為歷史次高紀錄，首季營收亦為同期新高，整體營收表現略優於原先預期。
.
🤩未來發展
與台北榮總、板橋榮民之家合作建構的高階遠距醫療服務已於4月1日正式啟用，未來預計將延伸至隔離、加護病房遠距協作照護，並期望拓展至海外遠距醫療軟體或服務提供廠商，成為遠距醫療生態系方案提供者。
.
現階段除了遠距會診方案，未來也希望能將生理監控設備、手術影像等整合至遠距醫療行動推車中，以符合遠距加護病房、遠距手術需求。除了國內市場外，亦鎖定輸出給海外遠距醫療軟體廠商或服務提供者，成為遠距醫療生態系的解決方案提供者。
.
🏭關於研華(2395)：
為工業電腦領域領導大廠，以AdvanTech為品牌行銷全球，屬於台灣重要物聯網概念股之一。
.
🔥主要產品：
嵌入式電腦：
包括：嵌入式電腦模組、工業級主機板系列、工業顯示解決方案、無風扇工業電腦以及精簡指令運算平台等。
.
產業應用電腦：
結合LCD螢幕、主機及鍵盤於一體的單件式整合電腦。經過不斷演進與專業化發展後，開發出各種工業電腦平台產品，例如應用於智能物流與智慧零售的工業級行動運算終端、手持式電腦、整合型觸控平板電腦、POS系統與自助式服務機…等。
.
工業網路通訊與自動化控制：
包含網路運算處理平台、WebAccess+ Solutions、自動化控制與開放式人機介面、設備自動化、遠端資料擷取，以及電力與能源管理。
.
產業應用運算平台與智能系統：
包括手持式運算裝置、工業伺服器與儲存、智慧影像監控平台、智能RFID平台、智能交通專用機、精簡型電腦等。
.
以上各種產品廣泛應用於工業控制、車用電子、數位醫療、網路家庭、電源管理、遠端監控等領域，主要目標客戶群是各個應用領域的系統整合廠商(System Integrators)。
.
👣銷售地區比重：
北美29%、中國23%、歐洲17%、日韓11%、其他亞洲8%、台灣6%、其他國家6%。
.
🦾國內外競爭廠商：
美國NCR、美國Radiant、威強電、安勤、研揚、廣積、凌華、樺漢等。
.
💰公司營收比重：
嵌入式板卡-物聯網48%、工業-物聯網32%、售後服務及其他11%、服務-物聯網9%。
.
~~~~~~~~~~~~~~~~~~~~~~~~~~~~~~~~~~~~~~~~~~~~
✨533健檢來啦~✨
.
⭕️股東權益報酬率ROE(>8%)，2020年21.8%
ROE是衡量企業用股東投資的資金來賺錢的效率。
(ex. ROE 21.8 %表示企業能用股東投資的100元賺到21.8元)
當企業每年持續賺到現金，便會累積在帳上，每年使公司淨值推升，公司價值也會水漲船高。
ROE高的公司，淨值提升速度快；ROE低的公司，淨值提升速度慢。
.
⭕️營業利益率(>0%)，2020年17.7%
如果公司的獲利率不夠高，那麼營收成長對獲利的貢獻也是有限的。所以要看 『營業利益率』。
.
⭕️本業比例(>80%)，2020年99%
如果公司的本業獲利比重不高，那本業的月營收成長，對獲利的貢獻就變得很不確定，所以本業比例的條件訂為(>80%)。
.
⭕️營運現金流(>0億元)，2020年81億元
如果公司無法從每一筆營收中產生現金流入，那麼月營收創新高就沒有意義。
.
⭕️負債比(<60%)，2020年2020年30%
公司需要不斷投入資金才能讓營收持續成長，如果負債表率已經很高了。那麼公司能再投入的潛在能量有限，所以負債比條件訂為 (<60%)。

*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-
. 🥳#股魚價值K線
#善用股魚533檢測，篩選體質強健資優生
我要訂閱模組：https://bit.ly/2Ex7XLw
想follow股魚老師的這邊來~
http://bit.ly/3rSIfo9

【 Testing Menu 】

看完周一（1/3）上架的《Testing Menu》的第一集之後，覺得這或許是一場嘗試打破近年香港飲食節目悶局的實驗。

這個由周子妮監製（前作包括《Do姐去Shopping》系列、《超齡打工假期》和《晚間看地球》等）的myTV SUPER原創節目（第一集免費試睇），會讓向來對煮食甚有興趣的主持蕭正楠化身大廚，跟十位來自不同菜色範疇，包括法國菜、英國菜、日本菜、中菜和北歐 x 日本菜的星級大廚（部份獲得米芝蓮一星和兩星評級），一同構思、炮製新菜色，而選用的食材，統統都是日常見慣見熟的食物，譬如茄子、雞蛋、栗米、薯仔等等。

有趣的是，上述這些菜式不僅在節目中出現，在節目播出後更會在廚師主理的餐廳裏供應，名符其實是Online（線上）與Offline（線下）結合，比「邊睇邊學煮」、「睇完節目上網買廚具」的層次更高 ── 這是新世代電視節目應有的製作模式，然而香港好像遲了10年才出現，到底節目最初怎樣構思？為何監製會找「阿蕭」擔任節目主持？第一集播出之後效果如何？這個實驗算不算成功？

第一集，「阿蕭」選擇的食材是茄子，而跟他一起「腦震盪」的，是獲得米芝蓮一星級法國餐廳「ÉPURE」的行政總廚、來自法國西部城市普瓦捷（Poitiers）的Nicolas Boutin。他倆需要在短短半小時的節目裏，由挑選茄子（講解構造，以及如何購買實淨瓜肉的竅門）開始，逐步構想並炮製嶄新菜式「煙熏白鱔伴千層茄子」。作為觀眾當然不知道上桌時，這道菜的味道如何，只能夠問「阿蕭」結果如何，他笑言：「條鱔真係好味到『啪啪聲』！」然而透過畫面（尤其是近鏡）呈現出來的烹調過程和上桌賣相，再加點幻想，也大概知道他此言非虛，一邊看，一邊口水流。

節目裏亦明顯見到，監製與製作團隊想「搣甩」大台傳統飲食或烹飪節目的傳統套路 ── 不求深度、容易消化、有齊步驟讓觀眾照辦煮碗，較之前播出的《煮場爭霸》（黃亞保、張錦祥兩大名廚比拼）層次更高，飲食文化淵源、廚藝知識和味道配搭理論，統統包含其中。監製周子妮也承認，剛才提及的「教你煮類」飲食節目，「大台真係播得太多！」故今次是抱持「Testing」心態製作《Testing Menu》。「呢個節目係實驗性重啲嘅，唔係話你睇完呢個節目就會學識點煮，如果唔係佢哋又點做米芝蓮大廚呢？過往嘅煮食節目，都好似教識觀眾去煮，但呢個節目我係想大家Enjoy（收看）煮嘅過程，以及畀觀眾理解，點解呢班星級廚師嘅廚藝咁高超！」

身為監製，最重要是有想法，但更重要是執行度高，即諗得好仲要拍得到。周氏以往的節目有口佳碑，今次《Testing Menu》如何？單純看第一集，無論鏡頭擺位、燈光顏色，以至講稿資訊，和交由大廚Nicolas Boutin的同事介紹大廚本人，都看得出有心機，有新嘗試，值得畀讚，然而節奏上，尤其是一些需要讓「阿蕭」和大廚對話的「口水位」（Chit-Chat），甚至是在廚房裏煮食期間的細節，似乎仍有很多改進空間。

畢竟廚師不慣做幕前，但拍出來的效果夠真實也是好看，但《Testing Menu》的首集仍未拿捏準繩，看得不夠暢快，譬如在有機蔬菜店裏揀選茄子，店員有段時間只是呆呆站在一旁，頗為尷尬，又或者是，有一幕，茄子拿去蒸的期間，「阿蕭」邊喝酒問大廚：「法國菜係咪一定要跟一啲Formula？」這是好問題，觀眾會學到嘢，惟大廚解答之後，「阿蕭」似是有種「我完全明白了」的頓悟，接下來他便說：「Chef, I think the eggplant is ready!」（大廚，我想那些茄子煮好了），這就是我所講的節奏問題，有些對話的部份則會令人想到：係咪拍唔夠Shot，所以唔夠片冚？

而試菜時，「阿蕭」在鏡頭前Chok出那種好味而滿足的表情，也是太過「TVB作風」了，是否剪接上能夠再爽快一點？監製直言，她確實想將節目做到最好，甚至有想過以木村拓哉主演的日劇《摘星廚神》（グランメゾン東京）作為參考，希望可以盡量做到劇中效果，然而今趟籌備和製作時間太短，加上拍攝的廚房是餐廳實景，不能改動，只能靠攝影和收音同事遷就，大廚本身也有自身堅持，特別是拍日本菜的那一集，上述因素都增加拍攝難度，她苦笑謂，「『阿蕭』同我哋都已經盡晒力喇！」她又指，尚有一些集數仍在後期剪輯中，觀眾的意見相當重要，可以讓她們改進，令將來的集數的整體效果更好。

原文刊於《香港01》──
標題：蕭正楠與米芝蓮大廚炮製《Testing Menu》　一場飲食節目破格實驗
http://bit.ly/3kPZLXa

（06032021）
#游大東 #游大東影視筆記 #mytvsuper #testingmenu #TVB #蕭正楠 #周子妮 myTV SUPER Edwin Siu 蕭正楠 黃翠如 Priscilla Wong TVB 做乜膠睇電視 我睇咗啲乜嘢 快樂的 港人講電視