對了對了，昨晚下巴輕輕，答應了要說移民的（法國仔同律師仔去左公幹，無業遊民聽晚先食飯，今日無貨呀！），咁我地都係專心講移民啦！
講移民，又點可以唔講香港人最鍾意嘅嘢— 返工！
搵工，永遠係一個大問題！我在香港時係做拍賣行的marketing，去到英國我諗住咁多博物館、咁多拍賣行，搵返份marketing，一點也不難吧？錯了，係好難、好很難！
以前我在香港見工，係近乎百發百中，見五間就有四個offer。我in過全倫敦所有一線的博物館，亦in過所有一線拍賣行，結果，都係全軍盡墨。一坐低，咩都唔駛講，一個鐘written test、半個鐘proofread test，皇家美術學院額外再醒多兩頁紙的presentation，你吐血了沒有？
Marketing，尤其是digital的，我完全沒問題。但是一來到英文公函、代表該美術館寫一封英文邀請信給某爵士，邀請對方參加活動，我真係企左喺度。大佬，我從來同鬼佬都係Your home, my home? 咁點搞啊？我邊駛邀請架姐？啲男人排隊送上門架！同爵士講Your home, my museum? 學陳冠A講You seem like fun咁咩...
英文，絕對係一個硬傷。我唔係講笑，開會傾幾個鐘英文，無問題；用英文演講同教學，我完全唔怕；但一寫落紙，想要大方得體，即刻無眼睇。人唔去到外國，唔會明白「母語優勢」係何等重要，係班白癡家長先仲咁開心推自己班細路學普通話，當有朝一日，普通話變成主流，香港人在香港就再沒有職場優勢，到時你小朋友用那些唔咸唔淡的普通話力挑上億根正苗紅京片子的勞動市場，我祝你們好運。
如果你本身並非專業如醫生會計師，你單純想靠香港的經驗與年資，在這裡是很難找工作的，這是重點。
另一方面，你要有被降職的心理準備，好彩降半格，唔好彩就成個grade無左。我在香港時係senior marketing executive，黎到英國第一份工係marketing executive，仲要只係代產假的合約員工。我舊公司老闆有幾癡線，跟左我兩年的讀者一定記得。Title跌唔緊要，但臉子很難掛得住，尤其是你在跨國公司上班，總有一兩個舊朋友會成為你在香港區的同事，我的死黨突然成了高我兩級的存在，我本身打風流工，所以沒什麼所謂，加上大家老友，反而朝中有人好辦事。但要是你平日積怨甚多，再來個冤家路窄要合作，你小心年尾360全方位評估，人地senior黎招天外飛「sen」隔住半個地球送你evaluation仙你一鑊，你就慘了。山水有相逢，盡量善待同事和朋友是必須的。
移民，係重新洗牌的機會。香港地，好多人係本身無料，只係時來運到，咁岩食正香港最燦爛那一浸水，就升左上去（例如我呢啲GPA2.32的文盲廢青）。但要是你只有這種本事，來到倫敦，（如果有人請你）仲要再降一格，而你「屈就」之餘，好可能由於語言、又或是能力上的問題，你一輩子也再回不到香港時的高峰，你受得了嗎？
當然，重新洗牌都無乜大問題，要是你好似我呢啲「完全忽略攻防速智而全點運氣」的角色，到最後，都會好好彩做完一年瘋狂的會計師樓，就轉左入銀行度做，仲順手連升兩級做埋manager... 但你永遠唔會知，一個GPA2.32、英文講到一塌糊塗、到依家仍然要靠google translate 維生的我，到底一年扶左幾多個婆婆過馬路、幫左幾多個伯伯執橙，先可以換來一次這樣的幸運大爆發。
講到尾，移民後的人生，實力當然重要，但很多時候都是看運氣和緣份，你有勇氣重來一次嗎？又，據聞命運女神特別眷顧勇者和傻瓜，你敢來參與這場賭上人生的遊戲嗎？
廢話少說，泡一壺上好的伯爵茶，我在倫敦，恭候大駕。
#請練好兩文三語先好黎
#你英文唔夠人勁
#就要識多幾種語言搭救架啦
#到底係鳳凰涅槃
#定係家鄉烤雞
#就睇自身修為了
死黨普通話 在 死党|段子|笑话- 爆笑解压|放松治愈|消除烦恼|轻松催眠 - YouTube 的推薦與評價
帅哥讲段子:，死党|段子|笑话|爆笑解压|放松治愈|消除烦恼|轻松催眠|普通话发音|昨天陪一死党去相亲，双方一见面，我和死党都愣住了，那真的是个极丑 ... ... <看更多>