關於 民意就係咁黎 ，我們在網路上蒐集到這些相關的討論、資訊與評價

Donald Trump與Piers Morgan
英美鬧交界KOL竟然friend返，一唱一和...

同Donald Trump絕交嘅Piers Morgan，今日响《Daily Mail》出咗個罕有關於實驗室洩漏病毒，要求向中國賠償嘅評論問咗四個問題，有趣嘅係同一日，Donald Trump又出咗個類似嘅聲明。

Piers Morgan嘅評論重點四個問題是咁的，

//Was Donald Trump right all along about covid-19?//
（Donald Trump對於covid嘅係睇法，係咪一路以黎都係啱？）

//Did the world's worst pandemic for 100 years emanate from a laboratory in Wuhan, China?//
（呢個一百年黎最慘痛嘅疫情，到底係咪响中國嘅武漢傳播開去？）

//And there's a fourth even bigger question if the answers to the first two are 'yes' and 'yes', which is this: if China knew the virus erupted from one of its labs, either accidentally or nefariously, and then covered it up to the world, how should it be punished?//
（如果第一同第二條嘅答案係「是」的話，如果中國知道病毒係由實驗室，有心或惡意，洩漏，而選擇隱瞞全世界的話，咁應該點懲罰好呢？）

同一日，話咗以後唔來住嘅Donald Trump竟然好似幫手答咁樣，

「依家每位，包括啲所謂敵人，都開始話我啱啦，個病毒係由武漢個實驗室嗰度黎嘅，無人可以無視Dr. Fauci同中國嗰啲對話啦。賠錢比美國同全世界呀！」

最衰都係邊個？

Patreon原文：
反咗面嘅英美「鬧交王」，為病毒「索償」同日重鎚出擊
https://bit.ly/3fKJ52x

#假新聞變返真
#前後唔洗兩個禮拜
#民意就係咁黎

原文：
《Daily Mail》PIERS MORGAN: If COVID-19 did leak from that Wuhan lab, then Trump was right, China needs to be severely punished for mass manslaughter - and Dr Fauci’s reputation will be destroyed
https://www.dailymail.co.uk/news/article-9648685/PIERS-MORGAN-COVID-19-did-leak-Wuhan-lab-China-needs-severely-punished.html

***************************************
每日更新乞兒兜Patreon：
https://www.patreon.com/goodbyehkhellouk

MeWe：https://mewe.com/p/goodbyehkhellouk
Twitter：@ByeHKHiUK
IG：@goodbyehkhellouk

最近更新：
反咗面嘅英美「鬧交王」，為病毒「索償」同日重鎚出擊
https://bit.ly/3fKJ52x
英國傳媒深入緬甸邊境，訪問城市示威接受軍訓情況
https://bit.ly/3uQnlq9
英國名嘴Piers Morgan訪問工黨黨魁，政治公關無用小知識
https://bit.ly/2STfvPz
加拿大黑歷史驗證，文化滅絕只需要三代
https://bit.ly/3vLyJVD
君主立憲政治中立嘅皇室，訪問蘇格蘭嘅「政治任務」
https://bit.ly/3fEARca
***************************************

Lyrics:

Colour:
Pick up Microphone Check 等我話聲比你地聽
This Is MC Colour Time Im getting right in this Rap
今日上黎音樂擂台 我唔係要同你比試
係想話你知 香港公安 槍都開過幾次

當日6月12號 我明明人在金鐘
但好似返左大陸咁 不斷被搜身被跟蹤
D呀Sir件制服明明寫住 香港警察
但就不斷武力升級係度 賊喊捉賊

班記者表明身份 你就記人老母
咁我係插畫師 你係咪想插埋我老母？
記者拎住幾枝水 又話想襲擊差人
發晒癲倒事非黑白 仲點保護市民？

打學生 我最叻 速龍小隊第一Pet
明知手無寸鐵 照樣球王上身 係咁踢
打學生 我最叻 速龍小隊第一Pet
明知手無寸鐵 照樣球王上身 係咁踢


269B:
Born in this place 就要守護至死
咪當玩下payday 撚手打個飛機
Born in this place 就要守護至死
咪當玩下payday 撚手打個飛機

6月9號引爆藥引全城反送中
唔洗收錢唔洗煽動callus伸張正義工
政府建制 官官相衛都狗咬狗骨
黑警照吠 行毅進制墳墓自掘

生於亂世 有種使命 我地多謝天琦
打下根基 一句到尾 民主一定勝利
與民為敵 You suck my dick
割爛塊蓆 眾叛親離
力竭筋疲 充滿分歧
620就收你皮

撚理你生死 佢地歎緊白蘭地
明日大嶼國歌法
一帶一路試圖施暴強姦你
到而家仲夠膽死覺得事不關己
返豬欄 生舊叉燒好過生你

訓下街道你屈我暴徒
好撚勞嘈 但無得投訴
速龍差人打市民 點解乜事都無
廢制度 毅進制差佬難怪唔識計數
你個腦係咪留左係你阿媽塊系度？

Born in this place 就要守護至死
咪當玩下payday 撚手打個飛機
Born in this place 就要守護至死
咪當玩下payday 撚手打個飛機

Colour:
打學生 我最叻 速龍小隊第一Pet
明知手無寸鐵 照樣球王上身 係咁踢
打學生 我最叻 速龍小隊第一Pet
明知手無寸鐵 照樣球王上身 係咁踢

醒下啦唔該 你班大sir即棄安全套
用腦諗下都知件事 其實根本就唔對路
作為紀律部隊 你話係跟住上頭order做
邊個攪我後面 係咪警隊特別任務

林鄭今次成功再次團結香港人
感激穿上黑衣既200萬零一位市民
政府再次無視民意 請我地訴求食檸檬
烈士佢在天之靈 最終會睇住我地成功

269B:
I won’t keep it silence 我讀social science
落閘放狗 黑夜降臨 差人tryna拉人
I won’t keep it silence 我讀social science
落閘放狗 黑夜降臨 差人tryna拉人

【背水一戰，呢場仗，許勝不許敗?】

我從來不是運動領袖，也不是政治明星，宏遠的答案我沒有，只是不知有幸還是不幸，在此時此刻，要為香港人爭一口氣。

「可以卑微如塵土，不可屈曲似蛆蟲」，今次嘅選舉，係法治同人治嘅對決，係民主同威權嘅對決，係真誠同謊言嘅對決。

我係區諾軒，我向全港市民發出一個邀請，3.11，用選票展示香港人嘅尊嚴。

#香港人心不死 #votethe1
__________________

多謝剛才有好多位朋友、前輩上嚟發言，回顧左我過去十年政治路上面嘅點點滴滴。

或者到今日，都仲有人會以為，區諾軒入到閘，民主派係港島就可以大安旨意。但事實係，對手半年前已經開始選舉工程，幾個月前係隧道口賣廣告，幾個月前將海報貼滿老人院，我只有個半月進行選舉工程，呢場絕對係一場硬仗。

諗返兩個月之前，我真係無諗過要踏上呢個台板，以候選人身份同大家見面。正因為政府無理DQ左6名民選議員，包括香港島嘅羅冠聰，後來再阻撓周庭參選，使盡橫手搶議席，先令我要臨危授命代表民主派披甲上陣。我要首先係度多謝各位支持我、幫我地助選既朋友！

今次嘅選舉，好多人都覺得選舉氣氛麻麻。有傳媒連選舉論壇都唔搞，到今日，我地仍然無科學嘅民調數字。但係大家問心，歸根究底，係因為對政治局勢充滿無力，大家搵唔到香港前路點走，以致我地逃避，唔想面對。

唔知道大家身邊有無朋友係咁，我有好多同學2014年，佢就係金鐘個邊紮營，甚至龍和道個晚，就係我隔離條路食警棍。但係雨傘運動過去左，有人專心做生意、有人走左去幫公司上市、有人專心做公務員、做老師，佢地話，一見到政治新聞，就想熄電視；見到立法會包圍主席台，寧願望番手機覆whatsapp；佢地會黎添馬公園，不過係為左捉精靈，參加英國文化節，睇藝術品，多過黎遊行。有錢，有時間，寧願去旅行透下氣。

你問我做民陣召集人個年係咩感想，就係每次遊行都深深感受到，呢種無力，呢種迷惘，已經變成每一個參與雨傘嘅人，甚至係每一個香港人嘅共同經驗。我真係好想同問在場既傳媒朋友，點解成日要訪問梁愛詩、范徐麗泰、饒戈平，佢地次次出黎電視，日日都踐踏香港人既尊嚴。范太話，若果覺得大陸破壞一國兩制，請香港人移民去台灣；饒戈平話，23條立法沒有討論餘地。佢地代唔代表到香港人呀？

大家將心比己，我好明白大家嘅感受。喺香港生活，本來就係一件好壓抑嘅事，有人會話，咁樣叫做休養生息，有人會鬧唔繼續參與就係港豬，背叛左雨傘運動。但係坦白講，一個充滿無力感，好似無方向嘅政治氣氛，覺得攰，想休息，其實並唔係啲咩可恥嘅事。

但係你問我，係咪代表香港人已經死心，我會話唔係，我仍然對香港人充滿信心。每次遊行，我仍然見番好多雨傘運動既臉孔，佢地未必次次出現，但係敘會之間，仍然感受到佢地對香港著緊；今次選舉，你，同你同你，我認識既、唔認識既，都真切地體會到你地既支持。

我地香港人，即使喺無力，壓抑，仍然會抵抗不公義，捍衛自己嘅價值。大家睇睇林榮基；大律師公會；海麗邨既工友；去到最近九巴工潮，車長話：「我第一個企出嚟，第一個係罰我先……每一樣嘢都係要犧牲。」我想大家比Ｄ掌聲佢地。

佢地嘅出現話俾我哋聽，我地點燈，就有光。我哋未必即刻見到明確嘅方向，但我哋緊守崗位同專業，我哋一定會走出呢種無力嘅狀態，為香港嘅民主運動，為我哋嘅社會公義，揾到新嘅出路同希望。我地點燈，就有光。呢個亦係點解，我係今次選舉強調，重建民主運動組織力量，係我當選後既重要方向。

有好多人問，點解我揀喺呢度開我嘅造勢大會，原因好簡單，十年前既依一度，就正正係皇后碼頭抗爭既發源地，而皇后碼頭抗爭就係我既政治啟蒙。

經歷專權政府既發展，依度雖然被拆卸，但無論係天星皇后，定係雨傘運動，呢度都象徵緊有一班勇敢嘅香港人，願意為我哋嘅城市獻身，抵抗警察嘅暴力。

我相信，我對呢度嘅意義係唔會輕易改變，有人恪守自己既專業，係法律界、金融界、學術界，頂住人濫權；有人參選法團，頂住利益集團。我地每一個人堅持既陣地，就係香港精神！

今日集會，叫做黑夜點燈，香港人心不死。即使我哋因為睇唔到出路而覺得無力，我哋並無選擇放棄香港。面對黑夜，爭一口氣，點一盞燈，我哋依然會默默守護彼此，去點亮包圍我哋嘅黑暗。

依家嘅北京，依家嘅政府，依家嘅權貴，就係想抹殺我哋城市嘅希望。佢哋要將一代人嘅政治權利搶走，要將抗爭者收入監牢。佢哋嘅目的，就係要香港人死左呢條心佢。我問大家一次，大家會唔會因為咁而死心呀？

今次選舉，我將自己既所有既未來都押上黎，因為我對香港市民有信心，「原本我唔需要選，所以我更加要贏。」慢必話：「原本你唔需要投票，所以311，大家更加要出來投票！」

今次選舉，我地背水一戰，呢場仗，許勝不許敗。政府要我哋死心，我地唔單止要贏，更加要用最強大民意，話番比政權聽，DQ周庭，係錯嘅！DQ羅冠聰，係錯嘅！DQ候選人，無論係本土派定係自決派，都係違反國際公約！

「可以卑微如塵土，不可屈曲似蛆蟲」今次嘅選舉，係法治同人治嘅對決，係民主同威權嘅對決，係真誠同謊言嘅對決。我係區諾軒，我而家向全港市民發出一個邀請，有請各位一齊同我一齊，係未來呢個星期邀請身邊既人投票，311，齊投票，守護制度公義，民主派四席全贏，多謝各位！