羅賓漢堡 ($198+10%)
-
雖然Dan Ryan’s之前都有供應漢堡，
但最近再推出全新嘅Bold Burgers Menu，
有五款漢堡同一款熱狗，
除此之外亦有幾款新嘅小食同特飲，
雖然價錢唔算好親民但每一款菜式都大大份🤤
前方嘅羅賓漢堡配以自家製洋蔥圈酥脆香口，
4安士牛肉漢堡質感厚實亦帶肉汁，
再加上美式煙燻牛肉、高打芝士同德國酸菜，
德國酸菜同肉類尤其是醃製肉品向來都係天作之合，
加入漢堡能夠中和美式煙燻牛肉嘅鹹度更加清爽( ´▽｀)
後方嘅和牛漢堡包 ($238)
用上7安士和牛漢堡份量十足，
可以自由選擇生熟程度，
點咗五成熟恰到好處，
同羅賓漢堡相比之下質感更加鬆軟多汁，
同時油脂亦更加豐腴，
入口油香四溢，
配上嘅黑松露薯條黑松露香氣濃郁，
除咗加上黑松露油外仲可以額外蘸上黑松露蛋黃醬🤤
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔹美國人氣炸雞件 ($138)
同樣係Bold Burger Menu其中一款新菜式，
炸雞分別裹上美式燒烤醬及水牛城辣醬，
無骨雞柳雖然始終稱唔上嫩滑多汁，
但喺濃稠嘅醬汁下仍保持香脆，
而兩款當中個人偏好香甜嘅美式燒烤醬，
水牛城辣醬酸辣交雜而辣度偏高🌶
🔸香脆黃金炸蝦 ($228)
分別配上美式他他醬、松露蜜糖醬同海鮮醬，
蝦肉爽彈鮮美並非一般雪藏蝦仁，
裹上麵包糠炸得香脆乾爽，
皮薄肉厚之餘亦唔會過分油膩，
底層仲有連皮薯條同蒜蓉包，
雖然價格不菲但實在係難得一遇嘅高質炸蝦🍤
🔹 招牌黃金墨西哥脆片($185)
面層舖滿大量熱溶芝士，
用上車打芝士、煙燻水牛芝士同芒斯特芝士三款芝士份外濃厚，
配以牛油果醬、酸忌廉、橄欖同烤紅椒，
簡簡單單嘅不敗經典組合♪( ´θ｀)ノ
🔸Purple One ($58)
分為紫黃兩層形成夢幻嘅漸變效果，
事實上其實係蝶豆花檸檬特飲味道酸甜清新💜
值得一提嘅係首先送上嘅麵包籃都有驚喜，
黑糖合桃鬆餅濕潤綿密且香甜溫潤，
散發陣陣肉桂芬香，
而麵包牛油更加係別具特色嘅士多啤梨味🍓
.
—————————————————————-
📍Dan Ryan's Chicago Grill (九龍塘)
九龍塘達之路80號又一城LG2層28號舖
[尖沙咀及太古另有分店]
—————————————————————-
.
.
