關於 永續盤存制題目 ，我們在網路上蒐集到這些相關的討論、資訊與評價

【史上最盧觀光投資殭屍案！地球公民籲環保署依法退回觀光局】
.
｜#為何不要黃金海｜衝擊過大應退回本案
.
位置敏感、量體過大，黃金海用地面積約10公頃、房間450間，比惡名昭彰的美麗灣渡假村大上10倍，所在位置杉原灣屬於東海岸的自然資源及文化資源熱點，不僅是重要珊瑚礁海域及阿美族人傳統領域，亦有富山考古遺址存在，渡假村造成的遺址破壞、廢污水、遊客交通等諸多影響。
.
｜#開發時空已改變｜依立法精神應退回本案
.
黃金海目前進行的審查程序「環境現況差異分析」（簡稱環現差），用意在釐清通過環評後一段時間仍未動工的案件，周遭的自然與社會條件變化情形，#確認是否依然適合開發。黃金海通過環評的時空背景是20年前（2000年），當時產業政策、投資條件、保育及原住民權利之意識，皆與今大相逕庭，而《環評法》下的「環現差」制度正是為此情況而生，依環評法13-1條將本案退回觀光局檢討，才符合環評法的精神。
.
｜#環評成為殭屍CPR｜依行政資源考量應退回本案
.
杉原灣飽受數個大型開發案侵擾，這些20年開發案都未曾評估過觀光需求，規劃方式也不符現代思維，而近年陸客下滑與疫情爆發，投資條件十分震盪，許多東海岸大型開發早已撤案或轉賣（例如旭塔觀光飯店的9公頃用地於2020年開價3.9億販售），但卻有殭屍案件一再闖關（如滿地富遊樂區於2021年以4.7億法拍，法拍期間卻依然送內政部闖關），或假動工以維持證照有效（如寶盛水族遊樂區於2019動工至今仍只蓋了滯洪池），上述皆與黃金海一樣是20年陳年老案，各種手法疑似在維持開發許可，有效後哄抬價格轉手賣地，浪費國家行政資源。
.
（接下來的比較專ㄖㄨㄥˇ業ㄔㄤˊ，小編幫你換口氣）
.
｜#補件多次都未達標準｜依專業判斷應退回本案
.
環保署曾於2018年3月6日曾將本案退回負責觀光上位政策的「目的事業主管機關」交通部觀光局，以釐清爭議。當時會議紀錄指出，本案在12年間召開9次會議，環評委員持續提出遺址、《原住民族基本法》、生態環境及污水等多種疑慮，但開發單位10 次補充資料始終無法解決問題，判定應依環評法13-1條退回觀光局，待黃金海公司完成以下四事項再送審，然而依據黃金海公司2020年送審資料及兩次審查情形，顯未能符合要求
.
🚫 補充修正資料（生態、污水及廢棄物、用水需求、地質等）
🚫 依《文資法》辦理富山考古遺址相關工作
🙅‍♂️ 已補充之資料，但無法解除環評委員及民眾疑慮
.
參考資料：第一次審查 https://e-info.org.tw/node/225010 第二次審查 https://e-info.org.tw/node/229834
.
🚫 與利害相關民眾溝通說明
🙅‍♂️ 已拜訪居民，但用意為「告知」而非溝通，加路蘭部落族人持續抗議中
.
🚫 確認是否符合「都蘭地區上位觀光政策」等計畫
🙅‍♂️ 黃金海公司數度表示符合計畫需求，但其資料有顯著問題
.
｜#目的事業主管機關的職責｜上位觀光政策
.
觀光局2015年「都蘭地區觀光永續發展評估案」，推估都蘭地區2023年尖峰日房間需求是851間，若附近大型開發全部興建，估計將超出一千多間；另於「重要觀光景點建設中程計畫(2020~2023年)」，亦明確評估東海岸住宿設施是「沒有開發需求」，與黃金海公司聲稱的「有住宿需求」不符。
.
針對這些上位政策問題，觀光局多次對實質問題避而不談，僅發言表示，都蘭地區觀光永續發展評估等計畫僅是評估報告，並沒有強制規定飯店數量；另外各開發案問題須洽相關主管機關。
.
本會嚴正聲明，觀光主管機關有最大責任審慎盤點觀光資源與環境條件，搭配基礎設施、潛力客群評估，制訂觀光開發案的選址和設置原則，引導地方政府與觀光業者到「適當的區位」去進行觀光開發，不應無視財團任意搶購海岸第一排；此外，甫公告的「2030觀光政策白皮書」中，亦已明確指出「宜脫離『蓋硬體拚觀光』的線性思維，並兼顧自然美景及維護環境景觀」 。
.
聲明原文由此去 📖 https://bit.ly/36vVZMo #有精美附圖呦

【龔成問答信箱】（Q21261-Q21280）

Q21261：

龔Sir, 請問銀娛現價PB 4倍，金沙PB 10以上，Why PB so different ?

龔成老師：

記住，當我地計算企業價值時，要同時考慮企業的業務價值及資產價值，這是配合的。由於企業是永續經營，不打算這刻清算，因此投資者一般會著重業務價值多過資產價值。

有兩點你要注意，第一，市賬率是衡量企業資產價值的方法，但你要了解翻佢的資產價值是否有具體呈現在資產負債表，簡單來說，就是報表上的價值，是否能具體向映該資產的真正價值，這樣去衡量賬面值的代表性。

第二，市場估值時，可能是否考慮業務價值多過資產價值，甚至有些企業，市場不理會資產價值，因此，你要了解翻這企業過往賬面值的情況，市場如何定義價格與賬面值之間的關係，從而推算該賬面值是否有參考價值。

------------------------------------------------

Q21262：

老師，我係你學生，我現在想問下

1. 如何判斷那隻股是增長型?

2 增長型及龍頭 PE 就可調高至25-30?

3. 目前在分柝一些光伏板塊嘅公司 eg 福萊特玻璃
及隆基

我覺呢兩家也是增長型 可以給 30- 40 PE 嗎？

龔成老師：

1）要睇佢身處的行業，現時的業務情況，發展，以及過往財務數據，例如過往生意的增長力如何，預期將來的銷售怎樣。

2）的確可以調高，但未必有一個好實在的數，因為估值對每一個行業來講，其實都不同的。

3）隆基泰和智慧能源（1281）質素較普通，投資價值未算高，盈利變數大。所以，在估值上，都不會比太高。

至於福萊特玻璃（6865）有質素。你可以比高少少市盈率佢，但就未必值得去到40倍市盈率。

佢主要在中國生產及銷售光伏玻璃，此外，亦生產及銷售浮法玻璃、家居玻璃及工程玻璃，並向中國大陸、日本、新加坡、韓國、台灣、德國及美國等地客戶，銷售產品。

睇翻佢的資料，佢的光伏玻璃產品主要用於生產晶體硅光伏電池，以及用作薄膜光伏電池的蓋板，而佢的生產設施位於浙江省嘉興市。

無論生意與盈利都增長理想，財務數據正面，這股值得長線投資。唯一擔心的就是估值問題，始終現價唔算平，近期股價有時在合理區頂，有時略貴。如果投資，可以小注慢慢分注，不建議這刻大注。

------------------------------------------------

Q21263：

Hello 成哥 如果而家2238廣汽集團同吉利汽車等嘅車股比較 算唔算係比較值博嘅一隻？

我見佢都有電動車業務 但係股價跌到好殘

如果而家要揀一隻值博又有發展電動車嘅傳統汽車股 會唔會有比2238同埋175更好嘅選擇？

因為覺得經濟好返傳統汽車行業都會逐漸回暖

龔成老師：

廣汽集團（2238）本身都有質素的。

佢係中國汽車製造商之一，主要業務包括製造及銷售乘用車、商用車、發動機及汽車零部件，亦從事一系列汽車相關服務及其他業務。

佢透過共同控制實體廣汽豐田及廣汽本田生產多個系列的乘用車。

業務發展不過不失，但增長力就不算強。

長遠仍有發展，但不是高增長型。現價合理。

吉利（0175）本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。這不單有利佢有中國發展，同時長遠，可能加快了海外發展速度。

另外，佢未必發展自己的電動車品牌，但會發展當中的技術，相信在合作及自身價值上，長遠仍是正面的。

現時價位在合理區中上部至頂位，股價波動，有貨可長線。如果現價入貨，小注都得。

如果講長遠發展，吉利會較好。

------------------------------------------------

Q21264：

你好，老師，仲有問題想請教你！

好耐之前家人幫我以67.5入過1200股匯豐，一直以收息為主，其後跌市，有再入1200股，現在成本價56.1，應該持有定賣出一部份擺入其他股？

之前亦有月供$2000中銀香港，現已停供，現持有845股，成本價是28.614應繼續月供定持有？

如果我有5000蚊用作投資，我應該如何分配資金？以平穩增長股為主？定係可以考慮一些潛力股？感謝

龔成老師：

匯控（0005）賺錢能力與增長力比過往年代弱左，但又未去到完全無質素。銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。

相信長遠是收息股，但股價增長就有限。

這股都有投資價值的，但就未必值得佔組合比例太多，同時明白佢是收息股，增長力有限。。

如果你投資目標是收息，可持有。如果你希望有較高的增長，就應該在匯豐股價上多少少時，轉其他。

另外，你持有中銀（2388），這會令你的組合太過集中在銀行業。

其實，我地最重要是建立一個組合，要平衡，要優質，同一行業不要多過30%，同一隻股票不要多過15%，你長遠要平衡翻。

至於每月$5000，就要睇你的年齡及風險度，最簡單就是投資優質，平穩增長股。

你可以考慮盈富（2800）。

另外再加：銀娛（0027）、恆基（0012）、港鐵（0066）、中銀香港（2388）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21265：

我想問，你成日叫長線，但假如我一直持股唔放咪冇賺囉？？

龔成老師：

你有「賺錢」的思維，反映你與98%的散戶想法一樣。

你追求實在的現金，認為要賣出賺到現金，才是賺錢，但我地最重要是講求「財富最大化」。

當一隻股票上升，例如你買入價$10，現價$15，賣出可以賺$5。

但當你套現$15後，你怎樣將這個「$15」再次增值，令你的財富增長，比留在原有股，得到更大的回報？

如果原在的股票是優質股，即是我地持有優質企業，當你一直持有這股，企業長期價值向上，就會帶動我地的財富有最大增長。

簡單來說，我地是從「財富長遠最大化」的角度去想。

可能你會問，一直不賣，那麼永遠無法取出財富。

我地累積財富，會用「先增值，後現金流」作策略，前者著重增值，之後就會改變策略，將已增值了的資產，轉為現金流類別，而我地就是不斷享受資產產生的現金流。

------------------------------------------------

Q21266：

龔成老師：感謝你既回覆，另外想問多少少，小朋友有無話幾多歲學投資好啲？

同埋用咩方法去慢慢教佢理財知識好啲？因為你成日都講理財知識越早學越好

龔成老師：

我相信7-10歲，都可以有基本的理財概念，例如錢從何來（起碼要佢知道，錢是由父母努力工作得來），另外就是量入為出，以及儲蓄的概念。

在適當年齡你可以比零用錢，這是一個理財的訓練，同時慢慢由每日比，轉為一星期，甚至一個月，等佢自己分配。

你可以玩「大富翁」之類的遊戲，都是一個學習過程。我記得《富爸爸》這書的作者，有出過「現金流」遊戲，有兒童版的，你可上網找找。

------------------------------------------------

Q21267：

您好，龔成老師，我係19年5月股票班同學，最近睇完您本書 五年買樓四部曲，想同太太買一層細價樓，請教一下您既意見。

而家我本身有一層自住樓，同太太加埋現金一百五十萬，想係灣仔買樓，因為老師既書都有講過星街、堅彌地街都較好

而且近商業區，人口密度低，有名校網，區內供應預小，我預算550萬至600萬左右，老師您認為買灣仔舊樓收住租搏收購好定係買30年左右既相對新樓有流動性好？

而家我自住樓係我自己名下自己供，睇完老師既書，開頭集中睇堅尼地城、黃竹坑、大圍、九龍城，但堅尼地城好似嘉輝花園咁租金回報相對低2里都做唔到

黃竹坑買唔起，大圍冇咩樓盤都係金獅花園無咩選擇，一係就補地價居屋，感覺上唔係私樓升值潛力又差小小

灣仔區黎緊有會展站，學您教的方法，去左城規會度睇，告士打道以南莊士敦道以北全部係商業用地，地積比去到15倍，咁樣我推輪呢度既地價會唔同，所以想係灣仔區置業。

猶豫緊600萬內預算，買舊樓搏收購好，還是買30年內200尺以上既樓保持流動性好？謝謝老師！

龔成老師：

由於你本身有自住樓，因此現時的作用是投資，最好是建立一個平衡組合，即是你買完樓後，最好仍有一定的現金，以及其他資產剩。

至於灣仔區，有質素的，你可考慮。

我會建議你買30年左右既相對新樓有流動性較好。舊樓博收購，始終成功率不高，因為全港超過50年的舊樓有5000幢以上，要成功被收購並不易，而這段時間往往要支付維修費等，因此值博率並不高。

至於其他地區，你可以留意一些細少少，樓齡不太新的樓，睇下有無一些目標範圍。

其實，灣仔不差的，都可以留意，只是我書無特別講，但整體唔差，你可以細心發掘。

------------------------------------------------

Q21268：

老師，如果我在嘉里派特別息之後賣嘉里轉港燈是否可行？港燈現在會不會特別貴？

謝謝老師指點

定是由得他，放嘉里在度？
嘉里建設（636）

龔成老師：

兩隻股的性質有點不同，唔好貪特別股息，因為佢派息後會除淨，股價會自然調整的，所以不一定有著數。

嘉里增長力都有，但港燈（2638）就只是收息，所以，要睇翻你的投資目標。

嘉里物流（0636）這股不差的，順豐入股後長遠發展更正面。

佢本身由嘉里建設（0683）分拆上市，係亞洲的物流服務供應商，主要從事綜合物流及國際貨運業務，亞洲、澳洲、歐洲及南北美洲的35個國家及地區設有逾400個業務點。

業務以第三方物流服務供應商身份為世界各地的製造商、零售商及其他客戶提供綜合物流服務，包括主要在亞洲提供廣泛的物流服務，如倉儲及增值服務、陸運及配送、退貨管理及各種配套服務。

另外，亦有從事國際貨運：提供的國際貨運服務絕大部份位於亞洲區內以及亞歐大陸之間，涉及空運、海運及跨境陸運服務。

------------------------------------------------

Q21269：

阿Sir，請問吓你以下一條問題，希望你可以回答給我明燈。 方間有許多股評人及平台都教人或講有人因着股市波動而買期權。

所以想問阿sir, 你認為期權可以投資嗎？
唔該阿sir.

是不是不接觸為妙！

龔成老師：

我自己會有少少保留，因為我20年前，都有玩不同的衍生工具，但最都是虧損，之後集中正股長線投資，就贏錢。

當然，一定有人投資期權贏錢的，但我過往做銀行及證券行多年，觀察散戶的投資成績，玩衍生工具的，大多是輸錢。

------------------------------------------------

Q21270：

龔老師你好，我想請教一下，我有2隻股票，分別是3868/$6.18買入及6606/$76.3買入，想問下這2隻股票前景如何，要止蝕嗎？謝謝

龔成老師：

信義能源（3868）有質素，佢主要於中國經營太陽能發電場業務，並向國家電網的當地附屬公司銷售電力。而佢派息高的，因為管理層話會用高派息政策。

投資價值都有，但不能投資太多，因為佢業務都有風險的，要注意股價波動，如分注長線都可以投資。現價已略貴。

這股前景不差，你持有就得，但預佢股價較波動。

諾輝健康（6606）業務有發展，但之前貴。

佢係中國結直腸癌篩查市場的先行者，旨在推進技術創新，並加快癌症篩查技術於中國的採用。

根據報告，其專有的非侵入性多靶點FIT-DNA測試－常衛清為中國首個且唯一獲國家藥監局批准的分子癌症篩查測試。

佢的兩大家居結直腸癌篩查測試產品，常衛清及噗噗管協同面向不同風險程度的目標人群。

「常衛清」有一定的護城河，可避免施行一些具有侵入性的手術，就能得到一些結果，長遠有一定的發展。潛力度存在。

佢已於全球包括中國境外的17個國家或地區，建立包含71個專利及專利申請的組合。通過直接銷售渠道包括醫院、體檢中心、保險公司、藥房及網上渠道向終端用戶提供產品，亦在較少情況下通過分銷商提供產品。

發展潛力都有，但始終業務未算完整，未有盈利，因此風險都存在，這類股小注投資好了。

------------------------------------------------

Q21271：

想請問而家中國銀行(3988)

而家仲抵唔抵買，現時$2.96。月供緊2手，諗住賺下股息，現時價位會否太高?

龔成老師︰

中行（3988）由於內地經濟無過往年代咁強，股價無過往咁好，由中美貿易戰開始，中國的經濟動力已有所減少，加上最近的疫情，都是影響經濟的因素。不過，初步已好轉，但不是高增長型。

現價合理區中間，唔話係好高，依然係有投資價值。用此股收息係合適，但就唔好對股價有太大期望。

另外，我地最重要是建立一個長期的「財富組合」，要優質，要平衡。同一行業不能太多，同一股不能太多。

所以，若你係以收息作為目標。你可以投資多幾隻不同類型的收息股，令你組合更豐富，和平衡性更高。

以下都係一些有質素的收息股，供你參考一下。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)。

------------------------------------------------

Q21272：

老師你好！留意了你的教學很久了，但第一次鼓起勇氣寫信給你，希望真向你請教投資的心得和方法。

本人28歲，已婚，我月入3萬，老公大約工資2-3萬，供樓大約1萬5千蚊，減洗費後大約能每月儲蓄2萬5左右，並準備迎接小孩出生。

現有儲蓄約70萬，並擁有以下股票：

11 - 200股，$162 (在2019年已買入)
1211 - 500股 ，$270(當時高位入但沒走貨亦未分注)
9988 - 100股，$253

請問老師我應如何做好我的資產管理和投資策略？

龔成老師︰

我地投資策略其實好簡單，主要係因應你現時人生階段和投資取態，去建立一個平衡的財富組合。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你28歲，應以增值為先，建議你用「平穏增長股」 + 「潛力股」的組合。

由於「潛力股」係需要一定經驗，如果你經驗較淺，可以先小注，大約3成左右。若你係有一定經驗，你可以投資到約5成比重。

現有持股方面，無大問題。雖然比亞迪(1211)係買貴左，但由於佢優質，你連同阿里巴巴(9988)、恆生(0011)一齊長線持有就得。

而你快將迎接新生命，相信會有不少小朋友方面的開支。所以，你係開始投資計劃前，最好先儲起約半年開支和小朋友出世前後的相關洗費，以後備不時之需，咁會較為穏當。

現在你每月先用$13,000做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

大市現處於合理水平，股票和現金最好各佔一半。你可以睇下70萬資金，扣除半年開支和小朋友支出後的比例。若現金佔依然高於一半，你可以再以"分注"形式，入多少少貨。

餘下一半和每月儲蓄，就等大跌市機會出現，才大力度掃貨，並長線投資。

------------------------------------------------

Q21273：

老師你好，我$15.7買入968, 請問應該長渣還是搵機會放?

另外老師認為939和9888值得長線持有嗎?

如果有100萬存款, 股票比例30萬ok嗎？謝謝回應

龔成老師︰

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

你買價係略貴，但又唔係追貴好多。而且畢竟佢係有質素，你長線持有就可以。但你要預這股股價上落較大，故不宜佔比重太高。

若此股現時已佔你比重較多，你最好沽少少，去平衡翻個風險。

建行（0939）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，你唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。不過，初步已好轉，但你預此股不是高增長型。

至於百度（9888），佢係有質素，有獨特性，長遠發展不差。

佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。

業務上，佢擁有好強大互聯網基礎的領先AI公司。自2010年起一直投資AI以提升搜索及變現能力，並使用核心AI技術引擎「百度大腦」開發新AI業務。

我睇翻一些報告：

1. 佢擁有中國最多的AI專利數量以及AI專利申請數量。

2. 按累計拉取請求計，百度的深度學習框架飛槳居中國深度學習框架榜首，全球排名第二，僅次於Facebook Pytorch。

3. 按開發者數目計，百度開放式AI平台擁有超過數百萬名開發者，係中國最大的開放式AI平台。

4.按開發者數目計，係百度雲基礎設施上運行的Baidu OSChina是中國最大的開源活動開發平台，全球排名第三。

百度核心業務（唔包括愛奇藝）由AI驅動，為其貢獻超過70%的總收入，主要提供基於搜索、信息流及其他在線營銷服務，以及來自AI新領域的產品及服務。

並廣泛使用AI技術開發創新營銷服務（例如動態廣告），為各搜索用戶推薦最適合的營銷客戶產品。

現時佢坐擁不少資訊和客戶群，就可以利用佢地去發展很多不同業務，可以話係一個好大的優勢。佢收入不差，長遠有發展，但由於本身有相當規模，因此，未必是高速增長型。

百度在規模和質素上，一定係有。但近期科網股波動，風險高左，同時到上市一刻不確定性高左。

此股都係有質素，你現貨可長線持有。

現時大市只係合理水平，現金和股票最好各佔一半。如果你有$100萬存款，你可以多用20萬，以分注形式，去投資一些優質股。而餘下50萬資金，我地就等大跌市出現，才加大力度掃貨。

但緊記，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。重點係要平衡，唔好集中晒係2,3隻股票身上。

------------------------------------------------

Q21274：

老師你好，我打算購買元朗尚悅嶺370尺單位作投資用途，因家人先前買入，但移民了，想轉俾我，等我供。

我依家係同老公租緊屋住，因為元朗不方便返工，所以不打算用作自住。

但擔心元朗地區升值潛力低，如資金用作其他用途可能更好。想你俾下意見，唔該曬

龔成老師︰

元朗區始終跟市區有一段距離，所以長線升值能力會較弱。

特別係跟港鐵站較遠地段，會更受影響。睇翻你元朗尚悅嶺這個樓盤，唔係話無投資價值。但會相對較一般，增長潛力唔會太強。

你可以先比較翻租金回報率，到底吸唔吸引，再作決定。

如果租金回報率唔算係特別吸引，而你本身資金又唔係好多。我建議你先集中用優質股去增值，咁會較好。

------------------------------------------------

Q21275：

龔生你好！一路有留意你講3067同1810

想問吓如果想長期每月入貨，呢兩隻股票邊隻潛力會大啲

龔成老師︰

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，你可以用佢作為月供選擇。

安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。

所以有長線持有價值。由於基金有30隻股票，比起單一股票，風險能減低。

此股可以月供，或自行分注小注慢慢收貨（例如每月買一次、或2個月買一次），然後就長線持有。

潛力度和質素，2隻都係有。但安碩恒生科技（3067）係一籃子的科技企業，相對小米(1810)會更能分散投資風險。

但長線我地係要建立一個平衡性架組合，唔可以成個組合，只係得1,2隻股票。

而且，這2隻股票雖然係有質素，但佢地波動性都偏高。因此，若你係較年長，或者係較保守的投資者，這2隻股票就不宜持有太多。

------------------------------------------------

Q21276：

龔成老師，多謝之前的回覆，長話短說，我人已在外地，最終留下一小住宅單位在港，本打算能在外地置業才賣的，但勢估不到香港狀況動蕩至此，租客剛剛完約搬出，由於我一心留在外地發展，加上對香港信心不大，我正考慮應否把樓賣掉（樓價跟買入差不多），所以想請教：

1） 對自己此決定有懷疑，此時賣出是不是明智決定？
2） 另外，萬一真的賣出了，又不想現金儲放在銀行，以致可以於3-5年後可在外地置業，有可建議？外地的投資理論差不多吧？

非常感激，能傾談此topic的朋友不多，你的建議對我很有幫助！

3）我有推介朋友參加你的投資班，會否考慮推出網上版？

龔成老師：

1）不如我講少少香港樓市分析，你自己衡量現時決定是否正確。香港樓市，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。

另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

長遠計，租金及樓價會平穩，有少少向上，但不是倍升，不會好似過往般倍升，而是平穩向上。

2）賣樓後，如果你已對外國樓有認識，加上租金回報率不差，其實已可投資外國樓。

另外，你可以投資一些流動性較強的項目，例如外國的ETF（如美股VOO、QQQ），而香港ETF，如2800、3110、3067都得。

另外，可以考慮投資收息股，因為股價變動相對較少，對你的情況都幾適合，你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

3）我最近同天窗出版社，合作開辦左一個網上課程，題目是關於「資產配置」的，即是講述各種資產與投資工具的特性、投資價值、在財富組合中的角色，至於股票內容就唔算多。你有興趣可睇睇：

http://bit.ly/3pP252j

課程按「人生階段」、「財富累積」、「資產特徵」設計，更有給年輕人、已婚人士、退休人士的精明理財建議。

完成課程後，你會學到：

✓財富系統概念，不再被炒差價的框框束縛；
✓股票、基金、債券、的士牌等資產的運用和買賣技巧；
✓懂得分辨資產質素和平貴，在最合適的時機買賣；
✓如何以最低的價錢，買到最具升值潛力的物業
✓致富3部曲，如何從當下這刻開始啟動！

至於股票班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

------------------------------------------------

Q21277：

成老師你好呀，我現年22歲，月入21k，我學習價值投資開始了大約9月開始月供11k股票直至現時，月供包括(均價)：

2800($26.9)
0066($41.9)
0002($73.1)
0027($60.1)
2013($13.5)
0981($21.2)
9988($237.4)

另外曾一手買入9988($227.8)一手，0981($20.2)一手，0823($58.4)，一手。

我想問一問我的投資組合風險會唔會唔太適合我這個年齡？

這個月供組合會唔會太保守是否需要作出轉換？
是否需要加大月供額？

我亦有儲現金作一手低位買入，如果需要買會唔會有一些建議？

我亦想好好把握黃金10年做好投資將現金轉換成資產。
應謝回覆

龔成老師：

現時月供的股票，都有質素的，基本上可以持續，長期進行。但要留意，微盟集團（2013）、中芯國際（0981）的風險較高，因此月供金額不建議太大。

其他就無問題。

至於現時持有的3股，可長線持有。

基本上，現時的月供組合，可長期進行，如果日後有較多資金，可以投入更多在月供，你可以考慮加入恆生科指（3067），$2000月供。

因為你22歲，可以承受一定的風險，所以應調高組合的潛力度。

另外，當然要同時留現金，你可以等一些潛力股下跌時出手，如小米（1810）、中生（1177）、舜宇光學（2382）。

加油！要好好把握黃金10年！

------------------------------------------------

Q21278：

龔成老師您好，我是您的忠實讀者，住澳門，香港人，今天已40年歲。首先想多謝龔老師的無私建議及幫助，知道老師每天收到大量來信，需要每天花上數小時解答，希望老師繼續努力，並祝身體安康。

自上年疫情開始，有幸在網路認識老師及您的著作，基本上有關老師所寫的股票書籍都已經閱畢， 亦由上年年中在香港某銀行開始月供股票如下：

2800 盈富基金
0823 領展
1038 長建
0669 創科實業
0066 港鐵
1211 比亞迪
9988 阿里爸爸

現在每月月供約16000。盈富佔供款比例稍多，其他都平均供款，現在談成績真的太早，但帳面上已經賺回買書錢有餘，高見有20%，現在回落至8%左右

但我很清楚長期持有不需要理會股價波幅，只想告訴老師所寫的是可行的，亦明白價值投資，持續購買並長期持有優質股的威力。期待龔老師的新作，定必拜讀，努力增強財商。

另想請教老師以下我的邏輯有沒有問題：

本人在澳門手持一自住物業，可轉按減輕利息同時套現約140萬，每月新供款額佔月薪約23%（原按揭供款佔約21%）。

打算利用這筆錢同時努力儲錢作進一步資產配置，希望10年後能財務自由，但供款年期又變回25年（原按揭尚有15年），總利息加行政費約需要110萬。

我想問利用現在低息環境套現，以現在的現金購買優質資產並長期持有，用未來貶值的現金償還。因為是長期，縱然新按揭還息還本比例又重設，但此計似乎可行。我的想法有錯嗎？

明白必須購買優質資產，先增值後現金流，並定期檢視資產情況，多多學習才能實現。月供是因為我尚未能掌握估值，希望日後老師能來澳開班，定必報讀。

謝謝老師的時間及幫助。感激萬分。

龔成老師：

現時你月供的，可以保持，長期進行就得，這些都是有質素的股票，同時處於一個平衡狀態，而適合你的年齡的，當然，你同時都要留一定的現金在手。

對，我地一定要長線的，不要著重短期價格因素，集中長期的財富累積。

至於轉按方面，由於可減輕利息，因此值得做。而之後只是佔月薪23%，這數目不高，因此可以做。

至於套現了$140萬，其實原理是增加了負債，這點你要明白。如果增加負債後，仍是佔你總資產的比例數不高，就無問題，同時你要明白風險度會高左。

至於現時低息環境，你的方向是正確，因為利用低息資金，投資得到較高回報，能有效創富，不過，你都要同時留意風險度，因為現時的投資市場，並不是特別平，因此在時機上，只是中等。

最好當然在「有明顯投資機會，利用借貸投資，就能創造最大效果」。

因此，你的大方向正確，因時機只是中等，所以就算套現後，都只建議部分投資，餘下等機會。

------------------------------------------------

Q21279：

龔sir你好! 我係你舊生, 遲啲都會上你的進階班。上咗你嘅課堂之後, 都有做月供股票 和 買入優質股, 現賬面都有15%的回報, 個別股票更升80%, 感謝你!

我剛買了綠置居(我名下) 並於2022年收樓, 我月入40K, 一個人做按揭, 每月大概供$9000。

由於現在大約有$70萬現金和$70萬股票, 所以想為太太置業 並預算購買約500萬的物業。她薪金大約45k, 並預計只有她做按揭。

Plan A: 買市區舊樓, 近地鐵站, 約250呎, 35-40年樓齡

Plan B: 買荃灣舊樓, 行10鐘到地鐵站, 約330呎, 35-40年樓齡

Plan C: 暫不買樓, 繼續月供股票 和 儲錢。伺機再為太太買樓。希望龔Sir賜教, 感謝回覆

龔成老師：

現時你的供款水平不算高，因此，就算太太置業，都可以考慮的，但你地要明白，這動作會令你地的財富較集中在物業，同時負債增加左。不是不可進行，但就要明白這風險。

Plan C，在這刻是較好的，因為當你地這刻買樓後，其實要用了不少的現金及股票。不過，如果你地大方向好想買樓，Plan B其實可以考慮，只是在這刻進行，還是過1、2年，等你地有更多資金才進行。

荃灣這地區都不差的，是市區與新界西的重要通道，配套發展成熟，如果日後發展大嶼山，這地區都能受惠。

因此，Plan B在大方向可以進行，只是在時機上，睇下你地有幾想這刻進行，還是等多1、2年進行。

------------------------------------------------

Q21280：

Hi 龔成，我係做股票經紀買賣的、想請教下你意見麻煩晒

我之前係做髮型師，而家立心想轉型去做投資股票工作，之前係光大證券。由於學歷不高，所以我不停努力去進修英文，同去HKU讀左Finance。

跟住考保險和證監牌，我自已本身都好鐘意投資。

睇股票市場，好似上一年，幫客人投資，自已每個月都會有一份收入。但當時況不佳，就算我唔理會輸錢個部份，分分鐘會變成零收入。

龔成老師︰

做股票經紀這工作，收入的確有一定波動性。其實就同好多銷售行業一樣，當市道唔好，無人買野，自然佣金會減少，令收入出現下跌問題，這是無可避避免的。

但我地決定一份工作是否合適，除了睇自已興趣和意願。更重要的，是用長期角度分析，你到底想5年後、10年後，你想收入如何？身價如何？生活如何?工作如何？

當你有左長期的設定，你這一刻就要想。現時這個工作，是否可以達至你的目的。而這個問題答案，只有你自已才會最清楚。

見你過往，都為這份工作，付出不少努力。

你可以睇翻如果證券工作真係適合你，你就要找方法解決你當下所擔心的問題。例如經濟環境差時，要找其他兼職，去平衡個收入。或者做些小生意，令自已多個現金來源等。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［銀行業績101文］不過多返千幾億存款，嘻

（原本昨日朝早出，節目調動變咗今日）

TLDR：中銀香港息差極速收窄，都怪聯儲局。仲大減派息兩成。但其實純利半年都仲有得升，望落唔太差。經濟衰退銀行仆街？未必。顧掂你自己先啦

經濟原文：中銀香港半年純利跌12% 中期息削18%至0.447元　（https://bityl.co/3H9t）

1. 實情呢排好多業績，王維基1137寫過下，另外仲有無線511有線1097等等都未玩。趁有時間睇下隻中銀香港2388。又係差不多由零講起，本人一向好顧讀者感受。

2. 重點，減咗派息。半年純利跌12%，但派息減足18%。Surprise？股價會點？我估可能先升後回。因為其實街估佢全年賺275億，而家半年都有152億，其實算不錯？

3. 首先，好唔啱聽，違反你常識，但其實派唔派息唔應該影響股價。至少學院派係咁講。個比喻係，你去提款機拎兩皮嘢出嚟，唔會令你有錢咗的。自己領略下。冇錯匯控彈弓手唔派息後股價大插，但其實，係咪「因為」唔派息大插？

4. 然後介紹返銀行101，好多外行人自己睇業績，睇到銀行都投降，因為銀行嘅帳目比較特別。

5. 簡介一下，銀行最牛油面包嘅業績就係左手借錢右手再放銀，一般係借短錢（某啲人嘅存款）放長錢（你供30年樓），所以切記銀行鍾意高利息環境，亦鍾意條yield curve 夠斜，長息同短息相差夠大。所以上星期聯儲局一講話通脹升都唔加息，yield curve即時變斜，銀行股亦即時強。

6. 銀行左手借錢右手放錢，畀利息又收利息，差額就係淨利息收入，全世界咁上下玩法，一般係最大收入來源。另外，仲有fee income，信用卡，或者證券，賣基金之類，中銀的證券佣金收入相當大。當然仲有保險。然後加埋其他渣鑊鏟嘅交易收入（唔多的），仲有啲投資，少少收租咁。就係總收入

7. 開支呢？首先減走保險賠付，仲有出糧交租，就係撥備前盈利。然後多數到戲肉，就係借咗出去嘅錢，有啲會收唔返，唔會到收唔返先扣數，係一早會做撥備。

8. 最後加埋啲物業重估之後，就係稅前利潤。然後交稅，仲有啲非控股權益（唔解），仲有一般銀行特有，近年好興嘅永續債perpetual bond，類似優先股咁處理，會分咗你一舊純利。淨返嘅，就係你普通股2388股東嘅純利咯

9. 解完，咁睇下個業績。可以按年咁比，或者半年半年咁睇，一般睇半年好啲，特別係舊年上半年同下半年好唔同（你懂的）。
10. 先睇底，你見到條大數純利，半年居然仲有得升，OK喎，唔差啦。稅前純利都係咁。

11. 最頂睇返落嚟，淨利息收入，所有銀行嘅命根，佔中銀香港差不多一半收入（有啲銀行仲高）。你見，跌得相當急。原因？當然係個淨息差相窄得好勁。點解？競爭激烈，同埋都係聯儲局，咁嘅低息環境，銀行息差必然受壓。幫你睇埋，恒生都係咁情況。

12. Fee呢？你見頂得住的，半年有反彈。恒生都一樣。其中一個原因當然係股市旺。仲有交易收入都OK，一般市況波動，對銀行炒房係有利的。因為銀行多數睇好，而又有實力在低位買。明冇？

13. 搞一大輪，你見收入受影響，但唔算好誇張，企得好過恒生。而加上鍊個經營支出鍊得實（中銀員工表示……），你見個撥備前盈利，半年仲要升，勁唔勁？

14. 唔少人關心嘅，爛帳，經濟差人地還唔到錢，銀行撥備，係必然發生的。你見舊年下半年同上半年比勁升，今年上半年同舊年下半年比再要升。但個撥備後盈利都冇大受影響，OK的

15. 整體嚟講，不錯啦。點解減派息？都係居安思危，積穀防饑咁咯。實情呢，如果想派息穩定，你應該買債券。而to be fair 中銀香港嘅派息紀錄算係幾良好，但當然08年都減過派息

16. 另外，仲有好多人好關心嘅，提爆中銀香港未？人人轉晒錢走未？答案係未，建議你了解下個世界發生緊乜事。

17. 的確，舊年講得最勁嗰時，舊年第三季，中銀香港係冇咗330億存款！嘩！不過講緊係1.6%。我都寫過（https://fbook.cc/3EnY）然後呢？其實中銀香港第四季已追返240億。然後今年第一季，存款增長450億，第二季，嘩，增長860億。半年多返1300億。亦即係7%嘅存款增長　—　最重要係，恒生嘅存款只係升咗3%

18. 當然了，不排除因為中銀香港好落力搶存款（但，搶到多過人咁多喎，仲要大力搶？），所以息差都有啲壓力。但其實你見貸款增長又一樣有返7%，個loan to deposit ratio 冇乜變

19. 亦有可能好多友好企業仗義將錢轉過去中銀香港。其實一向都係咁玩，我做中資銀行（唔係中銀香港）都係有啲咁嘅客戶，你見日本半澤直樹都係咁玩之嘛，政府財閥銀行撈埋一齊。

20. 仲有，當然你可以質疑，超，臨到季結先班水去做靚個數。的確有咁嘅玩法，特別係大陸。不過呢，其實人地盤數仲有每日平均的，好難呃。鍾意嘅自己慢慢睇，interest bearing liabilities

21. 結論？銀行股都係不了，不過都話儲局一講話通脹升都唔加息，yield curve即時變斜，銀行股亦即時強。其實最新一期Patreon有講（https://bit.ly/31QmYj7）。但我建議你聽日先訂，因為今日31號，佢月頭（聽日）又會收多次錢。我是良心作者。當然你唔介意我都好歡迎。

———————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7
——————————————————————————
［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145