#隱世打卡景點
#免費入場 #親子好去處
香港每日製造接近300萬立方米嘅污水🦠，重量相等於67架巴士🚌。如果每日都將呢67架巴士棄置於堆填區，堆填區好快就會飽和🤢。
為咗 #減廢減碳，所以建立一個集 #污泥處理設施、#自給自足、#環境教育中心 於一身嘅 #綜合設施大樓。喵奴當然唔放過呢個機會，帶兩位公子去參觀吓啦。
要嚟呢度參觀一定要先 #網上預約，同埋要報 #導賞團，不過導賞團full到爆，要book多數都等到1個月後先會有位😫，我都等咗成個月先去得成。
導賞團全程大約1小時30分，喺呢個展覽廳可以透過不同嘅創新及互動展品，去認識 #污泥處理 嘅過程，加上導賞員用簡單易明嘅解釋，我哋一家人都獲益良多🙏🏻👍🏻。
一個咁大型嘅設施大樓，完全無需外界提供水同電，可以自給自足之餘，多出嘅電仲可以賣俾中電，足夠為4千戶家庭供電！原來污泥經處理後可以發電，仲可以 #淨化水源🤩！呢個就係 #可持續發展 嘅成果👍🏻。
我哋book咗5:15 導賞團，聽完導賞團睇埋日落🌅都要走喇，其實仲有好多景點未睇到😢，我會再book多次去參觀埋周圍景色㗎。
不過位置都幾偏僻，可以免費泊車，亦可以喺V City搭穿梭巴士前往，09:30-16:30每隔1個鐘開車，一程車程大約30分鐘，記得就算揸車/搭shuttle都要先預約呀。
‼️提提大家：疫情下❗️一定一定❗️要網上預約，大家有興趣嘅話真係要每日7:00am都要上網check住幾時放位呀。
#暑假好去處 #消暑好去處 #打卡好去處 #TPark
