📒
今年叱咤場刊，包含咗大量人嘅心血，
聽日 #毒檸王國 嘅 #毒檸時間，
有我地商台artroom嘅同事tina，
講解一下極有心機嘅製作過程，
將歌手每首上榜歌曲記錄，
DJ為每首歌寫上介紹稿，
有哩本2018流行曲推出，
係愛，亦係責任。
以下係我有幸為每一首歌曲寫嘅介紹稿：
男人背後 @punkhippie
作為一個外表唔錯嘅男人，有時好難令人相信自己俾到安全感對方。因為面相太吸引，大家就會將注意力放喺我哋嘅臉上，所以外表唔錯嘅人更加要刻意再努力少少，去話比人哋知，我哋係值得被你倚靠嘅。可以靠背影說話嘅男人，先至係真男人！學嘢啦，男人背後，就係咁嘅意思啦！
沉默的士高 @wongyuenb
每次去戶外音樂節都好鍾意裏面其中一個部份：silent disco。望住一班人忘形起舞，根本唔需要去顧慮其他人係點樣諗，我哋自有一套歡樂系統，與其要我慢慢同你解釋，再去說服你去同我一齊分享，我會覺得你唔識野同唔夠品味去喜歡。有啲歡樂，寧願獨享。
沒有人是孤島 @cherrysavor
沒有人是孤島，你話個世界幾好？可惜沒有人可以估到，將來你有機會行嘅道路，係一早有人幫你鋪好？定係係充滿喪屍嘅古堡，但係如果有人同路，幽禁嘅樹林又好，傷痛嘅陰影都好，有人同行，就當係冒險啦！
把持 @cheronna
當代女神Supergirls成員Cheronna單飛之作，用音樂引誘一眾樂迷，如果大家有留心聽嘅話，不難聽到background偶然會唱作：「好滑⋯⋯好滑⋯⋯my body⋯⋯」，真係不得了！能夠咁誠實地承認自己皮膚嘅優勢，相信只有吳嘉熙咁率直嘅性格先唱得出。
我們的航海時代 @frenzimusic
Frenzi Music曬冷之作，做音樂有時都同海賊團要搵船員有啲似，一開頭聽，總係會令人懷疑：「work咩？佢地喎⋯⋯」，但如果大家夠相信件事能夠發生，佢就能夠發生，坐埋同一首船，各人自己代入角色，索柏、娜美、烏索普⋯⋯咁哩單嘢個路飛，係咪馮穎琪？
忍 @maglam_
二人相處之道，好聽叫「讓」，現實叫「忍」，正所謂尊尊相重何時了？所以二人共處，大部分時間，都係睇對方唔順眼。話雖如此，但依然有好多人願意忍命，講到幾辛苦幾難受，但係又唔分開，即係話，其實暗啞底都係享受一齊嘅，只不過有啲嘢總係要忍下咁囉，就⋯⋯可能都係有冇蓋個廁所板嗰啲啫，唔好以為好大鑊，通常聽完都失望。
尾站天國 @kellychenwailam
將軍澳線你搭過吖，尾站咪豪宅嚟嘅？係喇！通常尾站都天國啲嘅，哩首歌亦好寫實咁道出哩個道理，只不過更多時候我地係唔經尾站，因為買唔起尾站，就搭咗去寶琳啫，但係我地要說服自己！係因為我地未到尾站啫！將來尾站一定係天國嗰邊！一齊唱：「將天國劃成是終點。That's my dream！」。
那年某日 @patricktangtricks
那年某日，鄧小朋友好想要一隻黃金俠，於是於婆婆面前，用咗小朋友嘅特別能力：凝視，去俾signal婆婆，真係需要哩隻嘢，自己先可以由玩膠公仔嘅幼兒成長為玩超合金嘅高階幼兒！係你婆婆先會睬你，但我相信婆婆如果知道你仲係好似那年某日一樣，仲係喺床頭供奉緊呢隻野，佢應該會覺得當年買俾你都叫買得抵，始終香港通脹太勁喇，玩具好保值！
在月台上等你 @janice_vidal
睇新海誠嘅動畫，不難發現主角經常會喺月台上等人，畫面非常純愛、清新及美好。香港就難啲，因為喺本地嚟講呢，在月台上踩到你就大機會啲，除非你揀中時間啦，下午三點至三點半都叫冇咁繁忙嘅，就可以等下嘅。係呀！好講時機㗎！哩首歌咪就係講哩樣嘢㗎囉！
那一端 @rubberband
我哋這一端睇到嘅嘢呢，就比較表面。我哋享樂、追科技、求刺激、貪新鮮，我哋擁有好多條件去容許我哋做哩啲事，至於那一端？我哋其實都知道，只係無視啫，人總要向好過方面諗㗎嘛，所以我哋只向這一端睇吖，那一端嘅事，我哋嘅精神負荷唔嚟，太沈重啦呵？
沒有人是孤島 意思 在 急救英文- 【No man is an island】 沒有人是孤島。 來自英國 ... 的推薦與評價
【No man is an island】 沒有人是孤島。 來自英國詩人John Donne的作品《Meditation XVII》。全句是"No man is an island, entire of itself; every man is a piece ... ... <看更多>